2
- الأوسمة
- 49
أهلا لبنات واش راكم
عرايس وعازبات :dوسيدات
موضوعي اليوم يحكي على حاجة مهمة بزاف لكل وحدة فينا
لي هي الظرافة
-وانتي عروسة رحتي لدار راجلك ولا بعد ايام وسنوات من الزواج ..
لازم عليك تحلي عينيك مليح أولا مع راجلك لي لازم تكوني معاه ظريفة،مقلناش تكثري من المجاملة مي تعرفي كيفاه تهدري.
ماش يجي من الخدمة تعبان تقابليه انتي بوجهك مشنف
ماتقيميه ماتسقسيه واش صرى في خدمتو
كوني ظريفة سيدتي :p
قابليه بابتسامة بكلمات طيبة حسسيه بلي راكي متوحشاتو وبلي راه هو الكل في الكل .
-مع أهلو لازم تكوني حلوة اللسان،ماش كل مرة تطيشيلهم كليمة حتى يكرهوك ويوليو دايرينك غولة تاكل العباد :p وعندهم حق
كاين نسا يالطيف الملطف ماتعرف تهدر لا مع عجوزتها لامع سلافاتها لا مع حتى حد تقول رايحة تحارب ماش تعيش في وسط عايلة.
-مع أهلك أنتي كاين بنات منلي يكونو صغار يترباو بلا ظرافة لي يهدر معاها في العايلة تعطيه لسانها سمّ وتكبار هاكداك وكي تتزوج متلقاش حسابها
مالا حتى ولا انتي من النوع هادا حاولي تريقلي روحك بعد الزواج دار راجلك وراجلك ماهمش باباك وماماك يتحملوك .
ياو كاين نسا وبنات تقول منعرف واين عايشين
الظرافة هادي معندهمش في القاموس تاعهم أصلا وكي ينوضو المشاكل في حياتهم يقولو منين ياو منكم
موضوع خفيف نتمنى يعجبكم
