مشكلتي مع ابني

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلآم عليكم

انا سيدة مطلقة عمري 34 سنة ولي ابن في عمرو 12 سنة والحمد لله ابن صالح يقرا ومربي ويصلي بصح المشكلة هي انو ميحبش يروح يشوف باباه وكل ما نقولولو روح شوفه ولا احكي معاه فالتيليفون ميحبش ويبدا يبكي وبالرغم انو والدو يحبه ويجي يديه يحوس بيه ويشريلو صوالح مي مع كل هذا ميحبش
والمرة الاخيرة مشا معاه وشراله هاتف باش يحكي معاه لكن بدون جدوى
مع العلم انو والله العظيم ما نشيطنو على باباه ونظل نقولو بر الوالدين وباباك لازم تشوفه ورغم كل شي يبقى باباك ولكن دون نفع وصارت عندو عقدة نفسية حتى ديتو لطبيب نفساني ومزالني مع الحصص مع الطبيب وراني خايفة هاد الشي يزيد ياتر عليه في قرايته

كرهت وعييت من فضلكم نصحوني واش ندير معاه ؟
 
رد: مشكلتي مع ابني



تمت الموافقة

ان شاءلله يفيدوك الاعضاء مشكورين
 
رد: مشكلتي مع ابني

السلام عليك .............غدا نناقش الموضوع فالوقت متاخر تصبحن على خير
 
رد: مشكلتي مع ابني

كان الله في عونك اختي ..

وجهتي نظري انصحيه باللطف وما تسيفي عليه ...

واعطيه يقرا على بر الوالدين ... او اتركي له كتيبات او مطويات ..

ولربما بمرور الزمن ينصلح حاله ..

وحكاية النفسانيين ..لا تكثري منها ...يزيد يتعقد ..

خليه هلى طبيعتو ..

الله يصلح لينا ولكم الحال والبال ..
 
رد: مشكلتي مع ابني

ممكن كاين حاجة ولدك عرفها او سمعها على باباه و خاصة في هذا العمر الطفل يحتاج للوالدين و هو راه عندو نقص كبير ضرك

حاولي تنقصي عليه الاطباء النفسانيين و عوضيهم له بنشاطات رياضية تقدي دخليه في مدرسة لتحفيظ القران باش ميبقاش عندو الوقت و ميبقاش وحدو
 
رد: مشكلتي مع ابني

ربي يكون في عونك اختي
انت حاولي تساليه بالشوي بالاك لما يكون معاه ما يعاملوش بلطف
او انو متزوج ويشوفو يعامل اولاده الاخرين وزوجته بلطف وانت وهو لا
او كما قالت ام يعقوب سبب الطلاق هو السبب
 
رد: مشكلتي مع ابني

-

وعليكم السّـلآآم و رحمة الله تعالى و بركــآته
الله يبـآركك راهو في نفس عمري ^^
طاطا بصراحة الأمر عادي لأنو كما يعلم الجميع
الطفل يميل لأمو أكتر من باباه، و أي شخص يأذيها و لا يديرلها حاجة ماش مليحة رايح يغيظو الحال بزآاف
و بمــا أنك مطلقة و الطفل عايش معــآاك روحو بروحو يكره بـآبآه بالسيف
و أصـلاً في المرحلة هذه من العمر كان الطلاق خطأ فاذح لأنو الطفل لازم يكون جنب يمـآه و باباه باه يكتمل عقلو و هوا مرتـاح
فهميه انك ماش رايحة ترتاحي و الطفل ماش مليح مع باباه ، كي يفهم انو الأمر متعلق بحاجة تحزنك رايح يولي ديما مع باباه
هذه وجهة نظري كفتاة من بني أترابه فقط.
في رعاية الرحمن.
 
محبة الدراسة، تم حظره "حظر دائم". السبب: مخالفة القوانين
رد: مشكلتي مع ابني

خليه على راحتو

راح يجي النهار لي يفيق لعمرو

راح تعقديه بهاذ التصرف
 
رد: مشكلتي مع ابني

أنا نشكرك بزااف أختي الكريمة لأنك ماكيش كي باقي النساء كي مايكتبش المكتوب وينفاصلو عن أزواجهم يكرهو الطفل في باباه ويمنعو باباه يزورو ويتصل بيه ويحكي معاه
نتي بالعكس راكي تقولي لولدك يحكي مع باباه ويتواصل معاه
تحية كبيرة ليك ...
 
رد: مشكلتي مع ابني

حاولي تحكي معاه اعرفي السبب لي خلاه يتهرب بالاك كاين حاجة مخبية عليك وكتتادي بلي ماكان والو ابقاي فهمي ولدك بلعقل ومتفشليش ماشي هو ليحكم تاكدي انك قادرة تقنعيه باسلوب الام بالحوار ولحنانة ماشي بلعياط واذا ديتيهرعند بسيكولوغ راح يبحث عن السبب باه يقدر يحل المشكل هل هو عنف الاب معاك ولا لانو تخلى عليكم هذا هو نصف الحل ومنبعد كتعرفي راح تفهميه بلعقل وريلو لي صرالهم كيفكم وعايشين لاباس بيهم لازم يعرف لي هدا مكتوب والحياة لن تتوقف يقرى ويدير مستقبلو ويتحمل المسؤولية يكون فحل ويتاقلم ماشي يهرب من الواقع ونتي راكي فور كون اخرى في بلاصتك تفرح وتحطها الورقة الرابحة وتنتقم من طليقها بواسطتها اما انت ترفعت عن كل التفاهات وهماتك نفسية وليدك اكثر شيء اجري عليه باه ميطلعش معقد
 
رد: مشكلتي مع ابني

ربي يعينك على تربية وليدك وحدك وان شاء الله يبقالك بهاد العقلية الطيبة بالنسبة للاب ممكن بسبب الطلاق وممكن كيما قالت احد ى الاخوات لو انو متزوج ابنك ماشي قابلو لهاد السبب
جيد انك اخدتيه للبسيكيلوج واكيد راح اعاونك في معرفة السبب ونصيحة الاخ المستشار فيما يخص توجيهه لقراءة ما يخص البر بالوالدين جيدة
 
رد: مشكلتي مع ابني

السلآآم عليكم ،

ربي يحفظلك وليدك ويحميه ان شآآء الله ويفرج عليكم ،
متقلقيش روحك بزآآف طآطآتي هادي شوز نورمآآل تصرآآ بزآآف ، تلقآآي والدين مش مطلقين وولآدهم يميلو لواحد فيهم ويكرهو لوخر باسكو الطفل راهو ديما يلاحظ تصرفات والديه ويحكم عليهم ويتأتر بيهم بزآآف سيرتو ايدا كان صغير تصرف صغير غالط يشدو في بالو + وليدك مزالو صغيرون متعقديهش بتصرفآآتك كل شوي تتديه لبسيكولوg باسكو بالاك ينفعو بالاك يزيد يعقدو حاولي انت تكوني قريبة ليه ناقشيه احكي معاه سقسيه خليه يكون صحايبك واحكو فليشوز كآآمل هكدآآك انت رايحة تعرفي مشكلة وليدك ولاكوز لي مخليآآتو يتصرف كيمك ، جيسبآآر انت معاملتك ليه بزااف حنينة كيما يبغيها هو وشايفك انت ديما معااه علبيها رجع يميل ليك اكتر وكي شايف باباه بعيد عليه يشوفو مرة في زمآآن ولا مش مهتم ، وانا مشني عارفة وكتاش اطلقتو انت وزوجك بالاك معندكمش بزآآف وطالقتو بسبب اثر على وليدك بالاك كان يشوف معاملتو ليك مش ملآحة بالاك كنتو تتعاركو بزااف حدا وليدك علبيها هز نظرة مش ملاحة على باباه ورجع يكرهو وديري في بالك بلي مام تحكي على باباه بديشوز ملآآحة الطفل رايح يقلك عماه صرا كيمك وكل واحد راح في حالو ويجوه بزااف افكار في بالو سيرتو كي يشوف اولاد كيفو والديهم عايشين معاهم نورمال يولي يتعقد من لحكاية ادي باسكو صحابو يكونو يحكو على والديهم و و هو يولي يشوف روحو متخالف عليهم ويرجع يلوم في باباه حاولي تناقشيه فالامور ادي وبالشوية هو رايح يفهم مزالو صغير برك شوز صغيرة تقيسو ويتحسس منها ، متسيفيش عليه شوز ميبغيهآآش بش ميزيدش يتبدل عليك انت دوكا راه بين ايديك انت هي كلش تآآعو انت لي رايحة تفهميه فالحياة اديا ، انت لي توقفي معاه في كلش وان شاء الله يولي نورمال مع باباه وميتعقدلكش متخافيش حنونة ميكون غير لخير دعوآآتي ليكم حبوبة ،
سلآآم ~
 
رد: مشكلتي مع ابني

سلام اختي نتي خليك تذكريه بطاعة والده وقولي له يروح يزوره
حاولي تفهمي منه علاه ما راهش يروح عند والده
نتي ديري الواجب لي عليك ودعيله ربي يصلح بينه وبين والده
 
الحالة
مغلق ولا يسمح بالمزيد من الردود.

المواضيع المشابهة

لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top