أي الجنسين تفضل ليكون أعز أصدقائك

[السوقري]

السلام عليكم

أريد طرح موضوع للنقاش بعد إذنكم طبعا

الفتى تحب يكون أعز صديقك ، تقاسمه أسرارك ، وتقصده في محنك ، كل شي فتىمثلك أو فتاة

بصح علاه ؟؟ واش السبب

ما نيش عارف إذا ماعليش يطرح نفس السؤال على الفتاة ؟؟؟؟ هل من الممكن أن تتخذي فتى أعز أصدقائك

طبعا و علاه ؟؟؟؟؟

نستنا ردودكم الرائعة بارك الله فيكم​

 

[غزلان]

رد: أي الجنسين تفضل ليكون أعز أصدقائك

بما اني اول وحده ارد على الموضوع
افضل الفتى لانو صراحه كم وحده اعطيتها اسراري وماحافظت عليها
لا تفهمني غلط ​

 

[somi]

رد: أي الجنسين تفضل ليكون أعز أصدقائك

لا أفضل البنت أحسن و لو أنو الولد فيه صفات لا تملكها البنات
لكن مو أي بنت تحطي عندها أسرارك لازم تكون ثقة

 

[نور الانوار]

رد: أي الجنسين تفضل ليكون أعز أصدقائك

الحقيقة افضل اصدقائي بنات
ما نعرفش السبب

يمكن خاطر الدراري عندهم تصرفات وافعال تسىء للبعض

 

[السوقري]

رد: أي الجنسين تفضل ليكون أعز أصدقائك

السلام عليكم

بارك الله فيكم

ولكن تذكروا مهما كان الفتى مثالي أو كانت الفتاة المثالية فأعتقد أن الصداقة بين الجنسين لا تجوز

إن كانت الفتاة تعتقد أن اتخاذ الفتى أعز الأصدقاء شيء عادي فما يكون تصرف والديها لو قدمته إليهما؟؟

أما الفتى الذي يعتقد أن اتخاذ الفتاة أعز صديقة فما رأيه في أخته أن يكون لها صديق عزيز ؟؟

هذا رأيي وأظن أنه الحق واللله أعلم بارك الله فيكم​

 

[sami.23]

رد: أي الجنسين تفضل ليكون أعز أصدقائك

انا نصارحكم؟
ما ندير الثقة في حتى جنس سواء ذكر او انثى
الا مروى كون ما جاتش حنونتي والله هي تاني ما نهدرلها الله غالب الصداقة انقطعت في الجزاير لي يخمم يخمم على مصلحتو ربي يهدينا

 

[nadya]

رد: أي الجنسين تفضل ليكون أعز أصدقائك

شكراااااااااا اخي على الموضوع
انا بصراحة نفضل تكون بنت وعندي بنت على الشاب لان جربت يكون شاب بصح الشاب كي تحكيله البنت اسرارهااا يحب يقلب الصداقة الى علاقة حب
ولذا نفضل البنت هدا رايي تقبل مروري اختك نادية
​

 

[somi]

رد: أي الجنسين تفضل ليكون أعز أصدقائك

....................

 

[السوقري]

رد: أي الجنسين تفضل ليكون أعز أصدقائك

شكرا لكم جميعا​

 

[RaNiA]

رد: أي الجنسين تفضل ليكون أعز أصدقائك

مانفضل ني صديق ني صديقة

ما يقدروش يفهموك كيما امك و درك عادت ماكانش الكونفيونس في حتى صحبة حتى الانتيم يبخصو

افضل امي لان الاصدقاء قادرين على افشاء اسرارك

بصح امك تخبي اسرارك وتنصحك في نفس الوقت

 

[sql]

رد: أي الجنسين تفضل ليكون أعز أصدقائك

السلام عليكم

أريد طرح موضوع للنقاش بعد إذنكم طبعا

الفتى تحب يكون أعز صديقك ، تقاسمه أسرارك ، وتقصده في محنك ، كل شي فتىمثلك أو فتاة

بصح علاه ؟؟ واش السبب

ما نيش عارف إذا ماعليش يطرح نفس السؤال على الفتاة ؟؟؟؟ هل من الممكن أن تتخذي فتى أعز أصدقائك

طبعا و علاه ؟؟؟؟؟

نستنا ردودكم الرائعة بارك الله فيكم​

اولا نحب نشكر صاحب الموضوع

اخي الكريم ما بقاش لمان في هذا الزمان يالي دير فيه الثقة وتحكيله سرك غدوى تلقاه نشرسرك في كل الاماكن هذا مش رجال والصديق مكانش كامل في هذا الزمان هذا الزمان يقلول طاق على من طاق الصديق لازم يسوفري معاك لازم يضحي معاك ........الخ
وكيما يقولو المشايخ لكبار كثرة الاصحاب تبقى بلا صاحب وانا عندي من الاحسن نبقى وحدي بلا صاحب بلا هم باش مكانش لي يكسرلي راسي عندي مشكال ولا اسرار نخليهم في قلبي لداخل دراعي وجيبي هم اصحابي ..........

ومدام ربي معايا ما نحتاج حتى صديق في هذا الزمان .............

 

[نجاة40]

رد: أي الجنسين تفضل ليكون أعز أصدقائك

خويا صح كاين بعض البنات لي يكرهوك في حياتك او كاين بعض الشباب لي يفهموك او تعجبك عقليتهم مي الطفلة تبقى طفلة او الطفل يبقى طفل او مايصلحش الطفلة دير صديقها المقرب طفل او العكس صحيح بصح معليش اذا قصداتو ولا فهمها في حاجة مي باش تقعد ديما معاه او تقسر معاه اسمحلي هاذيك فيامريكا ماشي في دزاير او ديجا راهي خانت الثقة نتاع الوالدين نتاعها شكرا على موضوعك اخي ​

 

[السوقري]

رد: أي الجنسين تفضل ليكون أعز أصدقائك

شكرا لكم أعجبتني ردودكم

وبالأخص ردك يا أخت نجاة فذاك رأيي تماما

بارك الله فيكم جميعا​

 

[rrymm]

رد: أي الجنسين تفضل ليكون أعز أصدقائك

اكيد افضل بنات
بنت تفهمني اكثر وتحس بيا اكثر
لو ولد يمكن يشوف حكاياتي تافهة ومنقدرش نحكيلو كل حاجة