كيف اتصرف مع البارد

نائلية

:: عضو منتسِب ::
إنضم
12 جويلية 2013
المشاركات
18
نقاط التفاعل
10
النقاط
3
السلام عليكم
انا فتاة عمري 22سنة مخطوبة من قبل رمضان باسبوع كل مرة نحسو يبعد عليا حتى عندو من اواخر جانفي مش يكلم فيا
مايعرفش معني عيد الحب وراس السنة وعيد ميلادي انا ثاني مسلمة بصح كلمة طيبة صدقة والهداية مليحة وانا مدللة ياسر وهو عارفني جامي حاول يعبرني وانا نحب هذا الحوايج حكاية زواج قالي مازال وقلت معليهش اهلو مايعرفوش كامل مناسبة يسقسو عليا او في العيد يجبولي لبسة
مشكلة كبيرة نحبو يااااااااااااااسر وحاليا مدوسين لانو نسا عيد ميلادي جرحني ياسر
كيفاه نتعامل معاه واش ندير وكيفاه نتصرف نكمل معاه او نبطل منو لانو شحاح وانا مدللة مانقدرش على واحد يحسبلي كلش راها حياة وراني خايفة دبرو عليا انا اختكم
اسمحولي طولت عليكم
:(:(:(:(:(:(:(:(:(:(
 
رد: كيف اتصرف مع البارد

يا آختي الكريمة اولا مرحبا بيك
وثانيا سقسي برك روحك اسكو كي تتزوجو راح تقعدو كل يوم تعسيلو جابلك الكادو ولا لا ؟
انا نقلك ركزي على علاقتكم
يعني راح تعيشو في دار والديه ولا لا
كيفاه راح تتصرفو كي تجي كاشي مشكلة
وكيفاه راح تديرو كي تجيبو طفل
راح يبني ولا لا
هدي مرحلة الخطوبة ماشي كادو وعيد ميلاد

آسمحيلي اختي لكن راني صارحتك ,
 
رد: كيف اتصرف مع البارد

اختي انا رأيى : فترة الخطوبة عملوها باش تشوفو واش كاين تاآلف بينكم او لا
مافيها عيب إدا قلتليو هاد الحوايج يألموني لانو:
كان نوع من الرجال لي يحب: بصح مايظهرش في كلامو إنما افعالو ، ربما خطيبك من هاد النوع
سقسيه على كل حاجة لي تضرك في خاطرك قبل ماتتزوجي بيه
اختي لي مايحسش بيك و انتي مازالك في البر و خصوصا كما قلتي طبعك الدلال رح تعاني كتيير معاه ادا تزوجتيه . وا ش هي قيمة الحياة ادا كانت باردة و بلا احساس خصوصا من شريك الحياة:s
 
آخر تعديل:
رد: كيف اتصرف مع البارد

السلام عليكم
اختي رح نهدر معاك بكل صراحة
يا إما مازلتي صغيرة على الزواج .. يا إما متأثرة بزااف بالافلام والمسلسلات ....
وفي كلتا الحالتين تفكيرك ماهوش سليم و ماهوش فالصواب ...
صح علابالي بلي المرأة حساسة و تحب تحس روحها محبوبة و مفششة و مدللة و تحب تسمع الكلام الحلو
بصح يا اختي هادي راهي غير خطبة و الخطبة هي فالصح مجرد وعد بالزواج
يعني مازالو اجنبي عليك و حتى الهدرة بزاف و الزايدة هاديك ماهيش مليحة تجيب غير تكسار الراس والمشاكل
ننصحك اختي يا تعاودي تخممي مليح واش معنتها الزواج و كيفاش راكي تشوفي الزواج ؟؟
وإلاّ مادامك على البر اتراجعي و اعتبري من الامثلة وتجارب الناس
على خاطر باش تلحقي تداوسي معاه على جال نسى عيد ميلادك !!! هادي شوية عيانة .. مالا غدوة لوكان يرفضلك كاش طلب واش رح تديري؟؟؟؟ تخربي بيتك على جال حاجة تافهة ؟؟؟؟
يا اختي يا صلحي روحك يا ابقاي كيما راكي وشوفي النتيجة كيفاش رح تكون !!!
ان شاء الله ما تزعفيش مني ... بصح الدوا مرّ والحقيقة مرّة بصح توريلك الطريق الصواب
ربي يهنيك اختي​
 
رد: كيف اتصرف مع البارد

يا اختي انا يبانلي خطيبك ناس ملاح مي مازال يا يعرفش هاذوا لحوايج
انا دائما اسال نفسي لماذا دائما نحن الفتيات ننتظر من الرجل انو هو اللي ياخذ الخطوة الاولى هو اللي يجيب ليكادوا
يا اختي ابداي انتي يعني ساعة على ساعة عايطي سقسي عليه ساعة على ساعة اهدي له كادو ..............صدقيني ممكن جدا مع الوقت يبدى يحشم انوا ما يجيبلك والو .....ممكن جدا يتجاوب معاك جربي ماكي خاسرة والوا
 
رد: كيف اتصرف مع البارد

الراجل البخيل المشحاح قالش نتي واعرة لمعيشة معاه
الراجل ألي مايراعيش مشاعر خطيبتو واعرة المعيشة معاه
في فترة الخطوبة وراهو مهملك فمابالك الزواج
 
رد: كيف اتصرف مع البارد

مرحبا بيك اختي،شوفي كاين نوع من الرجال اللي خاطيهم هدوا الحوايج.ما تغلطيش روحك شحال من رجال عيشوا خطيباتهم وفحشوهم ومين تزوجوا انقلبوا عليهم. خلي روحك مليحة يا اختي الهنا وراحة البال هما الاساس وماكانش اللي ما تقلشتش في دار باباها لكن الزواج حاجة اخرى وادا بديتي تزعفي عليه على جال الكادووات يحسبك مادية.وصدقيني شحال من زوجة عايرها راجلها، انا قبل الزواج كنت نخرجك ،انا عيشتك انا شريت لك .وفي الاخير اختي غير انت اللي تميزي وتحكمي نتمنى لك التوفيق.
 
رد: كيف اتصرف مع البارد

مي ختي مازلتي صغيرة شويا فعقلك ..

ربي يجيب الخير
 
رد: كيف اتصرف مع البارد

لي يبغيك مايهملكش انا هدا في نظري ماشي يغبر وميتفكرنيش Gاع
الزواج اختي راه مسؤولية وتاسيس عائلة ماشي لعب وكيكون بين طرفين محبة ومودة ماشي تجاهل وميسولش حتى فيك
اما كادو راه غير كمليات ولكن على الاقل يتفكرك في عيد ميلاد وخا غير بكلمة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top