السلام عليكم
موضوع هايل اختي العزيزة يعطيك الصحة
ما يهمش الاحتفالات ولا الشطيح والرديح
ليسونسيال بان على حق وعي جل الشعب الجزايري
ومش راح يطيح في الفتنة
خاصة وانهم كانو مترصدين بالجزائر من جميع الاتجاهات
عرب وغرب ويهود واحد ما يحب الخير للبلاد
كل الثورات العبيرية لتقسيم الدول والاستفادة من ثرواتها واقامة دولة اسرائيل العظمى
اللي تمتد من المغرب الى الفرات وتبقى اسرائيل الدولة الديموقراطية الوحيدة اللي تتوسط دويلات طائفية تتقاتل فيماا بينها
هدفهم من زمان اخضاع الجزائر
السياسة صعيبة وعلابالي كي نبقى نحكي ما نسكتش
اما بالنسبة للي يقولو على الرئيس معوق وعلى كرسي متحرك وكذا قبل سنين كنتو تموتو عليه في مباراة ام درمان كان احسن رئيس بالنسبة لكم اما درك كي خانو المرض رجع معوق ورجعتو تحشمو بيه ؟؟؟؟؟؟
علاش المرض عيب وحشمة وعلاه هو راح يلعب في مونديال البرازيل كمهاجم مثلا والا في اولمبياد يجري
ياك راسو لي يخدم الحمد لله راسو مزال بخير ولو يجتمع العرب برؤسائهم وشعبهم ما يجوش في ربع تفكير رئيسنا وهل هناك من ينكر حنكة بوتفليقة رغم الهفوات والسرقة لي موجودة بارتو حتى اخر واحد في المجتمع ممكن عساس يسلك مليون تلقاه سراق لا يغير الله ما بقوم حتى يغيرو ما بانفسهم يا سبحان الله
والرئيس ما خافش ولا حشم بروحو ولا حط واحد ينتخب في بلاصتو لو كان عمل هاد الشي كان كرهتو لكن علابالو بلي ناجح وواثق من نفسو حتى امام كمرات العالم وجاء وانتخب والحمد لله
مثال على احمد ياسين كان رئيس حزب حماس ويعتبر رئيس فلسطين اليهود تخاف ترتعش لما يشوفوه كان في كرسي متحرك
خدم براسو هو ولا برجليه
عمرو ما كان المرض العيب
كي حكم بوتفليقة رج للجزايريين اعتبارهم بين كل الدول كنا نحشمو نقولو راناي جزايري ورجعت دزاير عندها وزنها
اما درك يروح يلعب راه معوق يا سبحان الله اي العيب لا افهم
راني هدرت بزاف اسمحيلي ختي العزيزة
المهم ربي يجيب الخير للبلاد
ولو شو ما كان مش راح نكونو بذكاء مخابراتنا في تسيير البلد بحجم الجزاير ووزنها
السلام عليكم
