دائما معاها....

Melia azedarach

:: عضو مُتميز ::
إنضم
27 جوان 2010
المشاركات
974
النقاط
71
العمر
24
السّلام عليكم ورحمته تعالى وبركاته

اللهم صل وسلم على سيدنا محمد وعلى آله وصحبه أجمعين
اللهم اغفر للمؤمنين والمؤمنات الأحياء منهم والأموات..



كيراكم حبابي .. ؟ نتمنى انكم لباس، رغم أنو أنا مرانيش لباس ..لكن الحمد لله على كل حال..

يمكن الميضوع نتاعي قديم بالنسبة ليكم .. مي والله لقلوب تعمرت ولازمها تفرغ لو حتى ميضوعاتها قدم:regards01:

اليوم نتكلم على النت نتاعنا ...
ونحكيلكم حكايتها
يا سيدي احنا كانت عندنا في حارتي لقديمة .. وكل يوم رانا نديكلارو عليها .. بويسك ثقيلة بزاف..وتوجوغ مقطوعة رغم اننا نسلكو آ لافونص شهرين ثلاثة ... وقلنا معليش.. وعشنا مغبونين .. مي كان هذا في 2008 ..:-o
واليوم جيت لحارة جديدة في 2012 ..تفتقر لبوات تليفونيك .. رغم انو فيها بريمار و سيام و ليسي ... وكل يوم طالعين هابطين نجريو ونكتبو ونعافرو ووو والو ... يقلك راهو المشروع قائم نتاعها ..واصبرو قضية شهر برك وراح تجيكم ..وباه يسكتونا قالولنا ديرو الريفي بينلما سوينا الوضعيّــة..
آيا قلنا نجربوها..تاري هذي الريفي رديئة لدرجة أنو لازمك تصبر نهار باه يجي عمي جوجل..
واصلا نظن راهي محظورة عالميا لأنها حابسة ...:d...
صبرنا واكلانا الشيب ووو ..
و لأنو النت ولات من متطلبات الحياة ..
تعبنا واحنا في 2014 ونجريو وراهم نعيطو التيليفون والنت ..
قررنا نشريو بـــ مليون كابتور ..يكابتي النت ويفي على بعد 1 كيلومتر..وتفاهمنا مع واحد نسلكو معاه 100 ألف ..مي مزاله باقي المشكل لانو نهار تتقطع ..ونهار تثقل لأنو الجماعة صحابو يكوناكتيو معاه ونهار الله أعلم..

ووالشي يلي مقلقني هو كل يوم يعلنو عن أنو جات الجينيغاسيون 3 لبزاف ولايات واحنا مزالنا في جينيغاسيون ناقص 3 تحت الصفر ...في حارتي المغبونة ..
واش نقول
العالم راهو طلع للفضا واحنا مزالنا نتعافرو مع اتصالات الجزائر على النت..وهي كل يوم تعلن جيل جديد ووو..
عيينا والله..
مالي الفقيرة وراهي عندها النت بتدفق عالي واحنا مزالنا..:dunno01:

بابا قالي استسلمي وعيشي كيما كنا احنا بكري ..:surrender01:


حبيت نسقسيكم وش هي أحوال النت عندكم؟
وآسكو سمعتو بهذي الريفي ولا ؟

كانت معاكم ميليا آزيدارخت من قلب الغُبن ..:down::down:
 
إنضم
6 مارس 2009
المشاركات
4,445
النقاط
191
رد: دائما معاها....

أهلا صديقتي مشكل و يبقى مطروح
أنا وحدة من ضحايا الكونيكسيو
مرات نروح نشتكي 3 مرات في النهار
الكونيكسيو نخلصوها شهر نخدمو 5 ايام
كارثة و نكره كي نتفكر
تخايلي نكتب حاجة و نستنى تطل نبعث بف تروح
و مرات نكتب و طووووووووول مترجعش و نرقد هكاك محروقة
هذي بلاد الميكي حاجة مفيها تصلح
و واش نقولك من نهار دارو 3 جينيراسيو تهردت كثر
واش تديري هذي هي اتصلات الجزائر
اسفة على التأخر في الإعتماد

 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,659
النقاط
1,471
محل الإقامة
تبسة 12
الجنس
ذكر
رد: دائما معاها....

السلام عليكم ورحمة الله وبركاته
مشكل الانترنت راهو بارتو
فى الجزاير كامل ما تلقيش واحد يشكر الانترنت
ممكن بعد 5 سنوات عندما يعممو الالياف البصرية ويحذفو الخيوط باه ترجع عندنا انترنت كيما الناس
الله يصبرنا وخلاص

 

Melia azedarach

:: عضو مُتميز ::
إنضم
27 جوان 2010
المشاركات
974
النقاط
71
العمر
24
رد: دائما معاها....

أهلا صديقتي مشكل و يبقى مطروح

أنا وحدة من ضحايا الكونيكسيو
مرات نروح نشتكي 3 مرات في النهار
الكونيكسيو نخلصوها شهر نخدمو 5 ايام
كارثة و نكره كي نتفكر
تخايلي نكتب حاجة و نستنى تطل نبعث بف تروح
و مرات نكتب و طووووووووول مترجعش و نرقد هكاك محروقة
هذي بلاد الميكي حاجة مفيها تصلح
و واش نقولك من نهار دارو 3 جينيراسيو تهردت كثر
واش تديري هذي هي اتصلات الجزائر
اسفة على التأخر في الإعتماد

أهلا ميلينية حبيبتي نوّرتي ومبروك عليك الاشراف على هذا الرّكن... > ولات عندنا معريفة فيه احم احم...........
عندك الحق هردونا وكرهونا في جد النت منين جات..
واش نديرو ربي وكيلهم عطلو مصالح الشعب سيرتو يلي خدمتو تعتمد أساسا على النت ونقصد الايميل ووو

رب يعطينا الصبر..

شُكرًا على الإعتماد ..
 

Melia azedarach

:: عضو مُتميز ::
إنضم
27 جوان 2010
المشاركات
974
النقاط
71
العمر
24
رد: دائما معاها....

السلام عليكم ورحمة الله وبركاته

مشكل الانترنت راهو بارتو
فى الجزاير كامل ما تلقيش واحد يشكر الانترنت
ممكن بعد 5 سنوات عندما يعممو الالياف البصرية ويحذفو الخيوط باه ترجع عندنا انترنت كيما الناس
الله يصبرنا وخلاص

وعليكم السّلام ورحمته تعالى وبركاته
مرحبًا خويا ماستر ..
والله نشك أنو بعد خمس سنين ان شاء الله الألياف تحل هذا المُشكل الوطني لأنو أي حاجة تتجرب في الدزاير تخسر ومرانيش لاقيتلها أي تفسير ..
الله أعلم

وربي يصبر كامل المغبونين:-r

شُكرًا على الحضور المُميّز
 

علي الفاضلي

:: عضو شرفي ::
إنضم
4 جويلية 2013
المشاركات
2,900
النقاط
111
محل الإقامة
batna
الجنس
ذكر
رد: دائما معاها....

مشكورة على الموضوع ..

الحال واحد .. والمعاناة واحدة ..

كلنا نعانيو منها ..

نكتبوا كليمات ...وتروح ونبقاو معلقين ..

دمتي كاتبة سالمة .
 

ملكًة الاحسآس

:: عضو شرفي ::
إنضم
30 ماي 2009
المشاركات
5,835
النقاط
351
محل الإقامة
جيجلية بسطيف
الجنس
أنثى
رد: دائما معاها....

وعليكم السلآآآم
نقرى في موضوعك ونتفآعل معآه
رىني من نفس معآنآتك سوغثو كي قلتي على الريفي
احم طاآطآك رآهي كونآكثي بيه دركـ هيهي
الآ انتم طآلعين هآبطين ويقولولكم منآ على شهر حنآ رنآ في عآم وشي ووآلو
بكري شويآ كي دخلنا النت مكآنوش النآس كامل عندهم ، كنآ عآيشين لآبآل vــي
وفي ليلة من الليآلي السودآء سرقولنآ لي كآبل من جهتنآ الله لآتربحهم
جرينآ وعيينــآ حتى قالولنآ على العفسة هدي الريفي ، جبنآه ويآليتنآ مآجبنآهش
انآ وحده من النآس كنت نتبهدل ومازالني حتى لدرك كي ندخل نشوف فوطو نخليهآ تدور وحد السآعتين ومنعرف الآ تخرج ولآ
مش صآلح خلآآآص ، هيآ نآب علينآ ربي وفرجت صلحولنآ البروبلآم ودخلنآ الويفي وحآلتنآ حآلة
غير حنآ فالدنيآ ، بصح يآفرحة مآتمت شهرين بالتمآم عآودو سرقونآ الله لآتربحهم وهدي آي في عآم وحآجة
عآودنآ نمشيو بالريفي هدآ بصح درك آو لبآس شويــآ مدآمني قدرت نفتح موضوعك وندير رد يعني لبآس خخخ
وكمآ قلتلك رنآ في عآم وحآجة ، وبعدمآ شكينآ ودرنآلهم بلبلة كل مرة يطلع وآحد من الحومة
جآو يصلحولنآ المشكل وصح آنسثلآو كلش جآتهم تعليمة عآودو كلش تحت الأرض وبدلو النوآمر تآع الفيكس
بويسك في 2015 يدخلو زعمه 4g للهآتف الثآبت ، من تم لآ من شآف ولآ من دري
الخدمة حبسوو ورنآ نستنآو ، وقتآه معولين الله أعلم
يعني معآنآة في معآنآة وغير الريفي الي حلهآلنآ
امآلآ اششششث متطيحيش فيه دركـ يزعف وتخرجلي الضوء الحمرآآ خخخ
موضوعك جآني على الـgـوسطو وحكآيتي كآنت من قلب الحدث
يعطيك الصحة وربي يفرج عليك وعلينآ ان شاء الله ، وش تحب هدي دزآير ونفتخر


 

num1

:: عضو مُشارك ::
إنضم
17 أفريل 2009
المشاركات
376
النقاط
21
رد: دائما معاها....

و عليكم السلام و رحمة الله و بركاته
صراحة مشكل الانترنت في الجزائر مازال قائم و على المستوى الوطني و لكن تختلف درجة المعاناة من منطقة الى اخرى مثلا حنا في ولاية بسكرة الحمد الله ممكن تاتي ايام ينخفض مستوى التدفق و لكن ليست بالدرجة التي تتكلمون عنها تستطيع فتح المواقع او التحميل و لكن رغم كل هذا اتصالات الجزائر مسجلة من اسوا المتعاملين من حيث الخدمات
الصبر واش راح نديرو
 

Melia azedarach

:: عضو مُتميز ::
إنضم
27 جوان 2010
المشاركات
974
النقاط
71
العمر
24
رد: دائما معاها....

مشكورة على الموضوع ..

الحال واحد .. والمعاناة واحدة ..

كلنا نعانيو منها ..

نكتبوا كليمات ...وتروح ونبقاو معلقين ..

دمتي كاتبة سالمة .

ربّ يحفظك عمدتنا...على الحضور
ونقول رانا معلقين صبر أيوب وبالاك ما يكفيش
 

Melia azedarach

:: عضو مُتميز ::
إنضم
27 جوان 2010
المشاركات
974
النقاط
71
العمر
24
رد: دائما معاها....

وعليكم السلآآآم

نقرى في موضوعك ونتفآعل معآه
رىني من نفس معآنآتك سوغثو كي قلتي على الريفي
احم طاآطآك رآهي كونآكثي بيه دركـ هيهي
الآ انتم طآلعين هآبطين ويقولولكم منآ على شهر حنآ رنآ في عآم وشي ووآلو
بكري شويآ كي دخلنا النت مكآنوش النآس كامل عندهم ، كنآ عآيشين لآبآل vــي
وفي ليلة من الليآلي السودآء سرقولنآ لي كآبل من جهتنآ الله لآتربحهم
جرينآ وعيينــآ حتى قالولنآ على العفسة هدي الريفي ، جبنآه ويآليتنآ مآجبنآهش
انآ وحده من النآس كنت نتبهدل ومازالني حتى لدرك كي ندخل نشوف فوطو نخليهآ تدور وحد السآعتين ومنعرف الآ تخرج ولآ
مش صآلح خلآآآص ، هيآ نآب علينآ ربي وفرجت صلحولنآ البروبلآم ودخلنآ الويفي وحآلتنآ حآلة
غير حنآ فالدنيآ ، بصح يآفرحة مآتمت شهرين بالتمآم عآودو سرقونآ الله لآتربحهم وهدي آي في عآم وحآجة
عآودنآ نمشيو بالريفي هدآ بصح درك آو لبآس شويــآ مدآمني قدرت نفتح موضوعك وندير رد يعني لبآس خخخ
وكمآ قلتلك رنآ في عآم وحآجة ، وبعدمآ شكينآ ودرنآلهم بلبلة كل مرة يطلع وآحد من الحومة
جآو يصلحولنآ المشكل وصح آنسثلآو كلش جآتهم تعليمة عآودو كلش تحت الأرض وبدلو النوآمر تآع الفيكس
بويسك في 2015 يدخلو زعمه 4g للهآتف الثآبت ، من تم لآ من شآف ولآ من دري
الخدمة حبسوو ورنآ نستنآو ، وقتآه معولين الله أعلم
يعني معآنآة في معآنآة وغير الريفي الي حلهآلنآ
امآلآ اششششث متطيحيش فيه دركـ يزعف وتخرجلي الضوء الحمرآآ خخخ
موضوعك جآني على الـgـوسطو وحكآيتي كآنت من قلب الحدث
يعطيك الصحة وربي يفرج عليك وعلينآ ان شاء الله ، وش تحب هدي دزآير ونفتخر

أهلا ملكة الاحساس..
كنت نحسب روحي غير أنا عشت مع الريفي ودرنا حروب أهلية على جال خدمتها الفاشلة
تاريك انت ثانيك
الله غالب علينا الصبر وعليهم تقطاع لقلوب
هذي هيا الدنيا يا ختي معندنا ما نديرو
قالش بابا الله يحفظك
قلي راهو واحد مراهو يسمع فيك وانت نهار كامل تعطي على جال النت ..ملا خليك بنيتي هادية أحسن ما يجيك لاتونسيون والسكر قبل الحال على جال الرّيفي وصحابو:up:


نصبرو خيتي لربما يغيضهم لحال علينا ويرأفو بينا


صحيتي على التواجد الرائع ..وعلى السيبورتاج:d​
 

Melia azedarach

:: عضو مُتميز ::
إنضم
27 جوان 2010
المشاركات
974
النقاط
71
العمر
24
رد: دائما معاها....

و عليكم السلام و رحمة الله و بركاته

صراحة مشكل الانترنت في الجزائر مازال قائم و على المستوى الوطني و لكن تختلف درجة المعاناة من منطقة الى اخرى مثلا حنا في ولاية بسكرة الحمد الله ممكن تاتي ايام ينخفض مستوى التدفق و لكن ليست بالدرجة التي تتكلمون عنها تستطيع فتح المواقع او التحميل و لكن رغم كل هذا اتصالات الجزائر مسجلة من اسوا المتعاملين من حيث الخدمات
الصبر واش راح نديرو
الله يبارك عليكم خمسة وخموس..
بويسك يلي يعانيو منها بزاف وأنا معاهم ممكن نعينوك يا خيي:-r

رب يعطينا الصبر

شكرا على الحضور
 
  • أعجبني
التفاعلات: num1

Melia azedarach

:: عضو مُتميز ::
إنضم
27 جوان 2010
المشاركات
974
النقاط
71
العمر
24
رد: دائما معاها....

و عليكم السلام


خلي ك تروح عليا النت و تضيق لرواح :(
لتم يتفتحلي الالهام و نكتب اشعار :d

و نولي .. وسعي خاطرك ;)


مي ما تطويليش حنونتي :p
لأنو ممكن أنا تروح عني وتفوتني مشاركتك يلي تبانلي رائعة:p
نزعّق برك..

ربّ يحفظك
 
Top