لكل من تريد زيادة وزنها .. الحل عندي باذن الله

ninadz

:: عضو منتسِب ::
إنضم
16 أفريل 2014
المشاركات
39
نقاط التفاعل
58
النقاط
3
السلام عليكم يا الشابات :)
ان شاء الله تكونوا بخير :up:

عندي شحال و انا نحوس على طريقة تسمن تكون سهلة و ما تديش وقت بزاف
و أخيرا لقيت في واحد من المنتديات خلطة شحال من وحدة جربتها و فادتها
و باش ما نطولش عليكم ، الخلطة مكونة من :

- حلوة الترك بالمكسرات (علبة وحدة كبيرة)
- كاس ونص مكسرات (جوز +لوز+كاجو)
- حفنة من الحلبة المطحونة ، لكن لا تكثري منها لانها تدر البول و لها آثار جانبية مع الوقت
- ملعقة ونص خميرة (خميرة الخبز )
*تخلط المكونات و تشرب مع كأس حليب قبل النوم .


واش رايكم لوكان نديروا برنامج .. نبداو نجربوا هاذ الخلطة .. انا غدوة ان شاء الله رايحة نشري المكونات و نبداها باذن الله .. بعد اسبوع نرجعلكم الخبر
يالبنات اللي تجربها .. تكتب التجربة نتاعها و تفيدنا :love01:
 
رد: لكل من تريد زيادة وزنها .. الحل عندي باذن الله

وعليكم السلام اهلا اختي

وصفة مليحة لازمها المتابعة

ان شاء الله ينضمو ليك البنات

بالتوفيق ان شاء الله
 
رد: لكل من تريد زيادة وزنها .. الحل عندي باذن الله

تبان سهلة وان شاء الله تكون مفيدة ههههههههههه
بارك الله فيك اختي نينا ع الوصفة راني ننضم ليك ان شاء الله
مي اصبري حتان نشري المكونـآتـ هههههههه

سلامي
 
رد: لكل من تريد زيادة وزنها .. الحل عندي باذن الله

وعليكم السلآآم
تأمني بربي الوصفة وسخفتني خخ
انآ هدآ وين كنت ندير في اختبآر للوزن المثآلي
والحمد لله لأول مرة يقولي ألف مبروك وزنك مثآلي هيهي
لعقوبة ليكم يالنحيفآت :p ، موفقآآت
 
رد: لكل من تريد زيادة وزنها .. الحل عندي باذن الله

وعَليْكمْ السَلآم ورَحمَة اللهِ وبرَكآته

عجْبتني الوصْفة سورتُو كي فيهآ نوآدكآجو أممم
حتَى أنا بآلاك نجَربهآ :d
صَحيتِي أختِي
 
رد: لكل من تريد زيادة وزنها .. الحل عندي باذن الله

وصفة سهلة لكن ممكن استعملها بدون حليب لاني مانحبوش :)
 
رد: لكل من تريد زيادة وزنها .. الحل عندي باذن الله

وعليكم السلام اختي
يعطيك الصحة على الوصفة
عجبتني بصح مانشتيش الحلبة والحليب
واش ندير :(
رايحة نشري المكونات ونبدا بصح كيما قالت الاخت نقدر نستغني عن الحليب؟

 
رد: لكل من تريد زيادة وزنها .. الحل عندي باذن الله

السلام عليكم
انا كليت حلوة الترك وحدها ماشي باش نسمن ( لزيادة الحليب لاني كنت نرضع ) و سمنتني

اسمحيلي صاحبة الوصفة نجاوب نيابة عليك

على ما اظن المواد ماشي ضرورية كلها

يعني تقدرو تحطو كمية قليييييلة من الحلبة و ممكن تحذفو الخميرة
و عادي اشربوها مع اي سائل ( gازوز ، عصير ، قهوة ، شاي ....) غير باش ماتحسوش بالبنة تاعها

و ممكن تضيفو نواد كوكو او اي مكسرات لانها معروفة تسمن



و من تجربتي كليت ( الطحينة لي هي جلجلان مرحي + دبس التمر لي هو عصير او معجون التمر ) و في اسبوعين زدت 2 كيلو ، و حبستها

ربي يسمنكم من غير شر
 
رد: لكل من تريد زيادة وزنها .. الحل عندي باذن الله

شكرا ام الحلوين ربي يخليك
افدتينا، ربي يجازيك الجنة
وشكرا لاختنا مولات الوصفة
ربي يبارك فيك
 
رد: لكل من تريد زيادة وزنها .. الحل عندي باذن الله

السلام عليكم البنات
اسمحولي كنت مع الدراسة ما قدرتش ندخل
مشكوووورييييييييين على ردودكم و اهتمامكم ...
مشكووووورة أم الحلوين .. ممكن الاستغناء عن بعض المكونات أو إضافة أخرى
عسل التمر كماان مفييييد جدااا
أنا أكلته لمدة 3 أسابيع و الحمد لله حسيت بفرق و تعمرت شوي
هذي الخلطة جربتها ثاني خالتي و خرجت عليها
ربي يهنيكم و يوفقكم
أدعولي برك ربي يناولني مرادي و يعطيني ما نتمنى​
 
رد: لكل من تريد زيادة وزنها .. الحل عندي باذن الله

يا اختي من راي مش اي حاجة تشربيها و تاكليها كيما الخميرة نحيها نهائيا من القائمة
حلوة الترك و المكسرات ديجا وحدهم بزاف
اما الحلبة الا حبيتي غليها فالما و شربيها عادي مغليه و ف غير وقت راهي تكفي وحدها بلا ما تديري الخلطة كامل الحلبة مغلية مصفية في كاس تكفي
تقبلي مروري
 
رد: لكل من تريد زيادة وزنها .. الحل عندي باذن الله

والله انا اي وحدة حابة تسمان بوصفة طبيعية ننصحها بمسمنة الاحلام راهي دير 1500 da

efficace مكانش واحد جربها و مخرجتش عليه وماعندهاش اثار جانبية

15 يوم تشوفي النتيجة
 
شكرا حبيباتي على مروركن
و على مشاركاتكن الفعالة


رجعتلكم بعد أشهر من استعمال الخلطة صار وزني 56 و الحمد لله
مع أني لم أكن مداومة عليها


أتمنى التوفيق لباقي البنات​
 
اواه هادي نجربها انا خخخخخخخخخخ
عجبتني المكونات مع انو كي نسمع اسم الحلبة نقشعر مي معليش عجال الصحة كلشي يهون خخخخخ
مشكورة على الوصفة رح نشري المكونات ونحاول نواضب عليها ونردلكم الخبر
 
اخواتي الخلطة هادي مليحة
انا تاني راني ندير فيها
مي الخميرة ما ننصحكمش بيها ،،لانها دير الكرش
بالتوفيق للجميع
اللهم سمنا جميعا ))
 
امين ربي يفتح عليك ختي وربي يجازيك ويعطيك لي في خاطرك انا بالنسبة لي وزني مليح والحمد الله مي عندي 2 ستيلاوات ساكنين معايا نقولهم عليها بلاك يسمنو
 
الحمد لله اللي واتاتكم الوصفه يا لحبيبات ربي يرزقكم بالصحة هذاك هو المهم
و يعطيكم ما يتمنى قلبكم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top