مادا ستطبخين سيدتي انستي '' الجزء 47 ''

[أم رزق الله]

رد: مادا ستطبخين سيدتي انستي '' الجزء 47 ''

سهام ايلينا بالاك كاش ما كلات ولا دربتها الشمس لراسها تكون حكمتها اللقية اعطيلها تشرب كاس كوكا تكون باردة شوية تحبسلها هاداك لمرار انا مجربتها و ان شاء الله ما يكون غير لخير

 

[somo_81]

رد: مادا ستطبخين سيدتي انستي '' الجزء 47 ''

يعطيك الصحة زينوبة تعرفي كانت تلعب في الفيروندا كشما خلطت تم بورتو غسلتلها يديها و زيد انا لي وكلتها بيدي يعني مستش الماكلة و كملت على اختها على خاطر تضال حامتها من يديها و مايا تحب تمص يديها على هادي مرضو بين زوج نهار كامل و انا نعيط عليها متمسيش اختك بصح راكي تعرفي الغيرة

 

[أم رزق الله]

رد: مادا ستطبخين سيدتي انستي '' الجزء 47 ''

ماعليش سهام يعيشو برك ربي يشفيهملك ان شاء الله

 

[nawal1980]

رد: مادا ستطبخين سيدتي انستي '' الجزء 47 ''

ختي سهااام لاباس عليها وين يروح المريض ينغبن استغفر الله اعطيلها تشرب كوكا كولا ع تجربة في بناتي بعدما اعطاهالي الطبيب وبين سوغ الى جانب الدواااء

 

[somo_81]

رد: مادا ستطبخين سيدتي انستي '' الجزء 47 ''

ربي يستركم البنات انا هادا العام مخرجش عليا قع ربي يستر غير نرفد روحي شوية نخرج معروف بلاك ندير طعام و نبعثو للجامع

 

[هدوء المطر]

رد: مادا ستطبخين سيدتي انستي '' الجزء 47 ''

مسآء الخير عليكم بنآت/ صحا قهوتكم
+
يعطيكم الصحة أطباقكم تشهي بصحتكم
جبتلكم les crèpes طيبتهم ختي الله يحفظها

 

[انريس]

رد: مادا ستطبخين سيدتي انستي '' الجزء 47 ''

سموحة بصتكم اختي وماشاء الله رودينة بوبية ربي يحفضها من كل شر ويقدركم على تربيتها ماشاء الله
امممم سامو اطبااق تشهي وربي يكون معك كي يمرضو الصغااار يغيضو قوليلي رحتي لبلفوور ولا لزميرلي بلفور يشنفو بزاف شغل طار عليك النعاس وحابا تروحو على الزوج تاع الصباح للسبيطار ربي يهيدهم اما زميرلي والله اديت بنتي وخايفة نجيب معيا مرض واحد اخر والله تقولي مدبحة ما سبيطار
انريس ننتضر الوصفات من فضلك اختي الاولى والتالتة وشكرااا جزيلا سحقيتهم ااختي قريبااا *

سامحيني نوال والله ماشفت الرد نتاعك والله ضرك راني رايحة لدارنا نبات باه نطل على جدي مسكين طاح تكسر غدوا نروحو ليه نروح ونحطلك المواضيع
التالت عبارة عن مشكلة والحشو جوز ولوز درت وحدة فوق وحدة والاشكال اللي من فوق عبارة عن دوائر صغيرة قطعتها بغطاء كوكا نتاع بلاستيك كل دائرة اطويها على اثنين جيهة اغلقيها وجهة تبقى مفتوحة حطي الدوائر قدام بعضاهم كي نجي نحط موضوع بالمراحل منيش مصورة لازم نبل شويا على جالكم ماشيخسارة
الاول فيه شويا كتبة هههه بصح ساهل
نصيحة برك ابداي بسكر الشبيكة لانو يشيط نتاع الصح انا عندي 2 مول فيهم 4 كاريات في كل واحد يعني نخدم 8 في كل مرة اخدمي ضرك وخبي في الكونجيلاتور حتى تلحقي للعدد المطلوب راهم كل 8 بيوم يعني باه ديري 100 لازملك 12 يوم
للامانة انا مدرتش 100 درت 60 حبة 10 حطيناهملها في سينية وحدهم و 50 وزعناهم كفا وبزيادة

 

[imane27]

رد: مادا ستطبخين سيدتي انستي '' الجزء 47 ''

السلام عليكم لبنات واش راكم انشاء الله راكم لباس
نحيكم كامل خاصة لى سقساو عليا كيما نوال حبيبة قلبي لى عمرها ما نساتنى
انا درت عملية من شهرين على هاديك لى مقدرتش ندخل قريب شهر جوزتو فى سبيطار والباقى مع لغدكسيون
بصح كونت متبعاتكم من بعيد مين داك راكم فور الله يبارك عليكم كامل.

 

[انريس]

رد: مادا ستطبخين سيدتي انستي '' الجزء 47 ''

على سلامتك لويزة اختي سلامت راسك
والله دعيتلك من قلبي بالشفا الظهر ماشي ساهل وضرك راكي لاباس؟؟ المهم عودة ميمونة واهلا بيك بيناتنا رانا كامل كنا هاربين كي غير وين بدينا نرجعو وقيلا شمينا ريحت رمضان
انا عن نفسي قررت نعلن التمرد على بيسو هههه هيا اللي دارتلنا النش انا والله معدت نحب ندخل غير باه منسخفش ونبدا نطبق وناكل والدوارة تزيد وتخرج ههههههه
الللمة وما دارت فينا هههه
انا راني مازالني هنا من قبيل وانا نستنا فيه يجي يديني ما جا ما والو يخي تعرفو الرجال سيرتو راجلي منحكيلكمش لا قالي راني جاي على العشرة لازم ندير حسابي على الساعتين ولا الثلاثة هههههههه

 

[somo_81]

رد: مادا ستطبخين سيدتي انستي '' الجزء 47 ''

على سلامتة لويزة ليك وحشة كبيرة و طهورا ان شاء الله والله كنت في بالي كل يوم بصح التربية و المرض غلبوني راه عندي اكثر من شهريين مدخلتش
اسما متتقلقيش راكي تعرفي الرجال

 

[nawal1980]

رد: مادا ستطبخين سيدتي انستي '' الجزء 47 ''

لاباس عليك يا ارق لويزة عرفتها والله ماكنت علبالي بلي راكي مريضة بصح كل مرة نحب نسقسي عليكم
ربي يرزقك صحتك وتولي خير من بكري طهوووور حنونة

 

[nawal1980]

رد: مادا ستطبخين سيدتي انستي '' الجزء 47 ''

لا باس عليك ساامو كما قلتي خرجي صدقة تبعد عليك البلا والمصايب
ختي انريس تانكيو حبيبتي على الرد

 

[ibtesem]

رد: مادا ستطبخين سيدتي انستي '' الجزء 47 ''

سلام واش طيبتو ياصيمين
ماقلتوش والله عييت نخمم واش نطيب لفطور

 

[nawal1980]

رد: مادا ستطبخين سيدتي انستي '' الجزء 47 ''

انا درت لابوري والجاج والسلاطة ابتسااام نقلي علليا:p
http://i.imgur.com/VRO52Ae.jpg

 

[somo_81]

رد: مادا ستطبخين سيدتي انستي '' الجزء 47 ''

انا درت بيون مع جاج بالبطاطا في الفور بصح مصورتش راني كاو نقلكم بصحتكم و تصبحو على خير

 

[M3TaZ eLLMa]

رد: مادا ستطبخين سيدتي انستي '' الجزء 47 ''

السلام عليكم

أهلين بأمهتنا وأخوتنا الطيبين نتمنى تكونوا بخير يارب

ربي يحفظكم وربي يعطيكم صحتكم على الاطباق ما شاء الله عليكم والله

وربي ينجحلكم ألادكم يارب ويفرحوكم على تعبكم يارب وربي يرزقكم الحلال يارب وربي يجزيكم وربي يعطيكم على قد نيتكم

وربي يحفظلكم أزواجكم يارب

تحية للأمي الطيبة أم ريهام ربي يشفيك يارب وربي يعطيك ما تتمني يارب

وسلامي لبنت عمي حدة الله يحفظك يا طيبة

وللأخوة لي موجودين ليلتكم سعيدة ولي صايم وفطر صحى فطوروا وربي يقبل عليه يارب​

 

[nawal1980]

رد: مادا ستطبخين سيدتي انستي '' الجزء 47 ''

بصحتكم سهام سامو ان شاء الله بناتك احسن اليوم والله دعيتلهم بالشفاء ربي يتقبل منا

 

[somo_81]

رد: مادا ستطبخين سيدتي انستي '' الجزء 47 ''

صباح الخير عليكم يا الفحلات اللمويات
تعيشي نوال اختي الحمد الله متقياوش شوية حمى غير بداتهم عطيتهم الدوا رقدو ليل كامل الحمد الله و ربي يحفظك و يسترك على الدعوة حتى انا اليوم صبحت احسن الحمد الله على اقل باش نبدا النطوياج تموتو عليا بالضحك انا درت غير نص فريجيدار و الكويزنيار و الحيوط هوما اخر حاجة
نهار مبروك للجميع

 

[ibtesem]

رد: مادا ستطبخين سيدتي انستي '' الجزء 47 ''

صباح الخيرات سومو
كي صبحتو لاباس
تسحري معايا تاي معتبر خخخخ
نوضو يزيكم من التقنيين

 

[أم علاء الدين]

رد: مادا ستطبخين سيدتي انستي '' الجزء 47 ''

CENTER]صباح الأنوار والمسرات عليكم أخواتي كل حاجة من عندكم هايلة ربي يباركم أخواتي

اللي مازال ما تقهواتش تتفضل

وتفظلو شوفو هذا المنظر يا السلام في الأسبوع اللي فات رحنا تيبازة هايلة
[/ur[/CENTER
ألف لاباس عليك أختي لويزة ربي يشافيك ويعافيك
أختي صومو واش أحوال بناتك ربي يشافيهم ويعافيهم
نوال أختي كيف حالك وشراهم الأميرات