القصيدة هي للشاعر الشعبي سمير صبيح
كلماتها صادقة و مؤثرة في حال العراق ...
و قد أعاد بعض من كلماتها حسام الرسام
حلاوه وطيب للي ياكل من تمرنا
نحب نسمع كلامك من تمرنا
ولك شط العرب ياخذ تحيــه
عونــــك يا وطن يا ابو الحضارات
احظنك لـو صرت كلك سكاكين ...
اريد احكي ومنو يصدك هل خرافات
الك حبي سوالف على السلاطين
يا أبــو الخير ليـش تفيـض خيرات
على الجيران وعيالك مساكيــن
حيطانك .. حيطانك صفت بس للشعارات
وهوايه حزاب وشوية حياطين
شفتك من بجيت لوحدك محد بجه وياك
انت ما تحتاج دمعه بدون غيره
مسحت دموعهم من هدت الخيل
وحفظت عروش شيوخ وعشيره
ياهو الي ما شبع من نفط كروكوك
وياهو اليوم يعزمني على خيره
اعتب عل شرب من لبن اربيل
واعتب عليك خبز الصويره
واعتب عل سكف من سمج ذي قار
واعتب عل حجه حجايه صغيره
واعتب كيف صلاح الدين ما جاي
ولا القعقاع ولا ابــن المغيره
تقبل يا سعد رستم على الباب
وعلى نهر الفرات يصير سيره
اعتب على الغفى ع السهر بحضن ابو النواس
لـك شلون اليوم دجله تضل أسيره
تقبل يا علــي دخيلك يا ابو الحسن
الفقار مهضوم
ومن كبتك يبوك النذل ليره
لك هم انطاقي دول جلبت بي
وامس حفظيت هيبته الجزيره
احاسبكم على كل ما جره وياي
وكلمن ذنبه بعيونه وجريره
لك هذا العراق اسمه يهز السمـــــــاوت ....