نصائح قبل الزواج

الحالة
مغلق ولا يسمح بالمزيد من الردود.

Amani hm

:: عضو منتسِب ::
إنضم
17 أفريل 2014
المشاركات
41
نقاط التفاعل
104
النقاط
5
السلام عليكم اليوم جبتلكم موضوع راه محيرني بزااف وهي نصائح في فترة الخطوبة

فالحقيقة هي ماشي نصائح تكسار الراس [/SIZE

كي نتخطب واحدة تجي واحدة مدمرة تنصحها تقولها عندكي العجوز لفعة:-o:-o والحماة عقرب :s والرجال كامل كيف كيف :(

وتجي واحدة حياتها وهي فالمشاكل مع رجلها تجي تنصحك زعما هي فاهمة تقولك عندكي الراجل كي الحديد اضربيه وهو حامي

تحسب واحد ماشي للحرب ماغديش يزوج

انا بديت نخمم مع روحي مين غدي نلقا قاع هاد الرواس نجهز فليزة احطياتية ندير فيها لتوني نتاع الكراتي:sport01: ولتوني نتاع جدرمية ندي سلاح وبوشية !!! :sport02:

أووووو والله العظيم يكرهمك فالزواج ونتية عادة متزوجتيش :cray01:

يرحم واليدكم قولولي صراتلكم ولنمشي نداو ي :s

دوك هاد لعرب ممpa ماقولوش الله يسخر تقولك زعما شراه جايك يا محاينك !!!] :mad:
 
رد: نصائح قبل الزواج

السلام عليكم ورحمة الله
هذا الامر كاين منو اختى امانى
وقبل اشهر برك كنت نعرف طفلة تخطبت قاتلى راجلى صعيب
ولازم ما نخليهش يفرض رايو عليا ويتحكم كيما يحب
قلتلها اسمعى كلام راجلك وتمسكى بربي تعيشي هانية
ربي يهدي ما تسمعو حتى لواحد يقلكم نصائح كيما لى تحكى عليه انتى
هاذى مش فى صالح البنت ابدا
وبارك الله فيك اختى
وربي يرزقك راجل صالح

 
رد: نصائح قبل الزواج

وعليكم السلام ورحمة الله وبركاته

كلامك صحيح اختي ... عمرك ماتسمعي لكلام الناس

كلام بعض الناس يديك للواد

الي هانية مع راجلها تقولك الزواج مليح

والي عايشة في مشاكل تقولك الزواج ماشي مليح

ارواحي وافهمي ذرك

اذا كل وحدة راهي كبيرة وتعرف صلاحها ولازم تعرف لمن تسمع


مشكوورة أختي على الموضوع ورزقك الله الزوج الصالح

 
رد: نصائح قبل الزواج

المشكل هو كاين بنات على نيتهم و يسمعولهم

انا نعرف الي تنصح تقوللها هذاك راجلك سمعيلو الهدرة و يماه كيما يماك

و الى زعفاتك عرفي بلي الله غالب تتعب عليه و مع تالي تديه نتي

و يبقاو اهلك

مشي تجهزك على الحرب






انا مشي مخطوبة بصح الى هكذا راني رايحة نشري عتاد الحرب:p:p


Counter-Strike_screenshot.png

 
رد: نصائح قبل الزواج

ههههههههههههه مليحة أضربيه وهو حامي هههههههههه
أكل يلعبوها فاهمين وشايفين، بصح الزواج زهر وكل مرا والراجل ألي يمدهولها ربي ..
 
رد: نصائح قبل الزواج

متقولش يا اخي ماكانش أنو الزواج هو الزهر

الزواج هاو مسؤولية كبيرة ولازم مقبل ماتخمم تتزوج تكون انسان عاقل و علابالك واش راه يستناك بعد

دار الزوج هو بالنسبة لزوجة حاجة اخرى برك لازم تتاقلم العيش معاهم كيفاه لقاتهم تدير و تنسى حياتها في دار باباها

ولا راحت الطفلة بعقلية دارهم راه اكيد ماتنجحش

و ديما تحاول تربحهم كامل مش تشد راجلها و الباقي كلي مش اهل الدار و تعود تفرض رايها هي نو هذي الغلطة لي تصرى للجميع

 
رد: نصائح قبل الزواج

السلام عليكم
ايgزاكتومون حرب يا اختي , كي تشوفي شي نسا كيفاش عايشين تحلفي تقولي هادي حرب ماشي حياة ...
و بالنسبة لبعض الحالات تعتبر هاد النصائح الي قلتي عليها في موضوعك من ذهب يجي وقت تخلصي الدراهم عليها وما تلقايهاش ..
على خاطر الي تنصحك و تقولك بلي مالازمش حبك لراجلك يهدملك مبادئك و يخليك تنساي روحك و كرامتك و خصوصياتك ونتي ما تسمعيلهاش ولا ماتاخديهاش بعين الاعتبار و ممبعد تطيحي في راجل يعفسلك على كرامتك و متسلط و بزاف امور يصراو من جراء هاد الشي و ممبعد في لافان يولي يحوس على وحدوخرا .. تعرفي وعلاش؟ على خاطر نتي ساهلة واش يقولك تقولي ايه على حساب افكارك و مبادئك و اخلاقك والرجل بطبعو يحب الصعيبة الي تعييه و تخليه دايما في تحدي مع روحو ..
إيي وي هادي هي..
بصح ما لازمش ننكرو بالي كاين نوع من الرجال الي يخاف ربي حتى و تكون مرتو طايعاتو محترماتو و تدير كامل واش يقولها وتكون انقيادية لاقصى الحدود ما يظلمهاش وما يحقرهاش و ما يأذيهاش وما يخليهاش تحس بالذل او الندم او الحزن .. علاش ؟ على خاطر راجل تاع الصح ..
هي فعلا نصائح واقعية صرات ومازال تزيد تصرا , بصح ماشي الناس كامل تنطبق عليهم بحكم اختلاف التربية و مستويات الخوف من ربي و الثقافة الفردية ونظرة الشخص للحياة ككل والحياة الزوجية خاصة ..
ان شاء الله تكون وصلت فكرتي
شكرا على الموضوع
 
رد: نصائح قبل الزواج

ايييه كاينة منها
كاامل يجيو ينصحو مي شوفي ويلا يقبلو واحد ينصحهم وكيما قالت واحدة اللي رايحة تتزوج دوكا غير تدير في بالها بليك راهي داخلة للحرب يا اما تكون بالسلاح و يا اما الحرب الباردة و كل واحدة و سعدها
 
رد: نصائح قبل الزواج

لا نصائح لا هم يحزنون
الزواج مؤسسة الي فيها مايقدروش يحكيو بلي صاير والي خارجها مايقدروش يعرفو وش كاين

اصلا المرة لي تبع في النصائح هذي راهي تضيع في وقتها ووقت لي ينصحو فيها والراجل كيف كيف
لأنو كل حالة مستفردة بحالها

الأولى يعرفو حقوقهم وحقوق أزواجهم عليهم وحطور رجليهم في لرض ويقعدو في الواقع خير لهم

ملاحظة برك : أكره حاجة عند معظم وعموم الرجال أنو زوجتو والا مرتو تبع كلام الغاشي وتخرج أسرارهم ومشاكلهم طلبا للنصيحة
ونزيد نقول الراجل ومرتو عايشين تحت سقف واحد يخطوهم القرعاجة لازمهم يتفاهمو
 
رد: نصائح قبل الزواج

وعليكم الســــــــــــــــلآم
هدي هي حالة النسا بكل إختصار
 
رد: نصائح قبل الزواج

والله اخني اماني الضاهر هدي بزتف كاينة
مي واش نقلك ربي يجيب الخير وصاي

وميرسي على الموضوع تعك الجيد
 
رد: نصائح قبل الزواج

سلام راهو كل شي مكتوب عندي جارتنا ربي يهديها مرة كبيرة هي من ولاية تبسة تقولي يعطيك سعد مقدود وحماة تحت اللحود أما من لي كنت صغيرة نعرف بلي الراجل لي نديه جاباتو مرة وهي أمalor ملقيتوش في باط أومو لازم نحترمها وتتعامل كيما نعامل ماما وتاع الراجل أضرب الحديد وهو سخون لا الاحترام هو أساس الحياة الناجحة لي تجي راح تتزوج تتعلم تحترم راجلها وتدير واش قال ربي تمنع وتسلك على خير ولتبعت الناس خلات عليها بادن الله.
 
رد: نصائح قبل الزواج

حبيت نعلق بكلمة مشهورة

وهو ان جنة المرأة برضى زوجها والفاهم يفهم

والسلاممممممممممممممممممممممممممممممممممممممممممممممممممممممممممم
 
رد: نصائح قبل الزواج

ههههههههه والله صح يبقاو يالفو في حكايات اشكال الوان لي تقلك لازمك تكوني واعرة ومتخدميش ومعلباليش واش مي الواحد عندو عقلو والافضل انو يسير حياتو ويتبعش كلام الناس
 
رد: نصائح قبل الزواج

اودى خطوكم من زواج راه راه واعر عليكم
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top