شريت كوكوت مينيت

ا

ام عبد الرؤوف

:: عضو منتسِب ::
السلام عليكم اخواتي اليوم تسوقا لسوق دبي في العلمة وشريت كوكوت مينيت لكن بصراحة منعرف عليها حتى شئ فمن عندها هذه الكيكوت تفيدني من فضلكن وكيفاش نطيب فيها وكيفاه نحكم الوقت هي فيها ساعة ممكن النصائح كاملة ان امكن وجزاكم الله الجنة
 
رد: شريت كوكوت مينيت

ولا رد وين راكم يا البنات
 
رد: شريت كوكوت مينيت

ما فهمتش واش من كوكوت شريتها النوعية الالكترونية والا العادية

الالكترونية جي فيها ساعة تظبطي الساعة على حسب واش رايحة تطيبي وكي يلحق الوقت تصوني وزيد راه فيها دليل الاستعمال يشرح كلشي
 
رد: شريت كوكوت مينيت

بصحتك كوكوت اختي ام رؤوف على حسب الطبخة تاعك قداه الوقت تاعها مثلا الدجاج ما يطولش 15 دقيقة ريقلي الساعة على 15 دقيقة منين يخلص الوقت تصوني
نصائح اولا مت كتريش الماء بزاف لانه ما ينشفلكش انت و كمية الطبخة تاعك مثلا تحطي كاس ماء و تقفلي الكوكوت 15 دقيقة يبقى منه فنجان في الاخر انا كنت ما نعرفش المكيال ديما يجيني الماء في الماكلة بزاف على هديك لازم تاخدي حذرك
الساعة تاني ما تغسليهاش تفسد امسحيها برك و خبيها
و الارشادات الاخرين راهم في الكتيب تاعها و ادا كاش اسئلة نجاوبك ان شاء الله
 
رد: شريت كوكوت مينيت

وللمشاركة ياريت تحطي مشترياتك في ركن رواق الاواني المنزلية وشكرا
 
رد: شريت كوكوت مينيت

السلام عليكم جزاكم الله الجنة راهي كوكوت الكترونية ومشكورة اختي سميرة على النصائح هذاك واش حابة نفهم كمية الماء الي نحطها وبغيت نسال كاين فرق كي تقوي النار ولالا عادي الساعة قريت بلي منغسلهاش وراني اختي ريهام شريت ماعن لداري جديدة وراني معولة نصور كل شئ لكن مزال كل شئ في الكارتون تاعو خاتر مانحبش نيتعملهم حتى نرحل وان شاء الله راني نصور كل شئ حتى داري كي تكمال باذن الله
ادعولي ربي يسهلي اموري اما عن سوق دبي الاسعار ماشي كيما كنت متوقعة راهي كيف كيف بارتو يعني الحاجة الي من صنع الماني غالية ماشي مثلا لبراس تاع القهوة تاع ثلاث فناجن ب مئة واربعين لون اسود واحمر لكن صنع الماني مليحة وتشد واي سؤال انا في الخدمة
 
رد: شريت كوكوت مينيت

ام رؤوف بصحتك لاكوكوط
كي تشعليها ريقلي الساعة حسب واش راح تطيبي وبدلي المؤشر اذا كانت خضر او لحم او رايحة تفوري
واول ماتصوني الساعة الالكترونية بلي بدات نقصي النار شوية
وكي تصوني في نهاية الطبخة نحي الساعة قبل ماتوجهي المؤشر لجهة خروج البخار
اما مدة الطهي عادي كيما الكوكوطة العادية
واهم شي كي تمرقي لازم الما مايفوتش الثلثين
 
رد: شريت كوكوت مينيت

مشكورة اختي ندى اضافة مكنتش مدايرة حساب اني نحي الساعة في هاذ الوقت اما الماء مانفوتش النص يعني ثلثين وتاني ممكن تفيدوني في الغسيل تاعها نقصد الغطاء نغسلو عادي ولالا
 
رد: شريت كوكوت مينيت

كاين غسيل تاع اول استعمال
عمريها بالما للثلثين وريقلي الساعة 15 د وقوي االنار
هي تصوني الساعة نقصي النار
كي تنتهي الربع الساعة نحي الساعة الالكترونية وديري المؤشر في جهة البخار
تلقاي الكالكار من تحت
اغسليها عادي بالصابون السائل العادي

والغطاء نتاعهاا ثاني عادي
 
رد: شريت كوكوت مينيت

الف شكر لكي يا اختي ندى والله افدتيني بزاف جزاك الله الجنة
 
رد: شريت كوكوت مينيت

بلا مزية اختي نسيت نبهك بخصوص الذذرعين تاوعها هههه قصدي منين تتهز ..كان لاحظتي راهم يطبقو
كي تعود على النار ماتخليهمش مطبقين لا يتحرقولك
وثاني كي تجي تفوري في الكسكاس تاعها عمري الما حوالي 3 ارباع لتر يعني 3 كيسان ما وحطي فوقهم الكسكاس والخضر لي راح تفوريها وريقلي الساعة على 18 دقيقة هكاك والنار متوسطة

وتقريبا هذو كل المعلومات اللي تخصها.
 
رد: شريت كوكوت مينيت

اختي ندى راح نهبلك كيفاه مداير الكسكاستاعها راه جا معاها واحد الطبق مثقب وفيهمنين نحكموه وفيه لتحت واحد لحديد كقاعدة هذاك هو الي تقصديه واذا خاتي قوليلي هذا واش ندير بيه
 
رد: شريت كوكوت مينيت

قال ام عبد الرؤوف:
اختي ندى راح نهبلك كيفاه مداير الكسكاستاعها راه جا معاها واحد الطبق مثقب وفيهمنين نحكموه وفيه لتحت واحد لحديد كقاعدة هذاك هو الي تقصديه واذا خاتي قوليلي هذا واش ندير بيه
إضغط للتوسيع...
ايه هذاك الطبق لي معاها ..عمري لاكوكوط ب 3 كيسان ما يعني لتر الا ربع
وحطي الكسكاس وحطي الخضر لي راح تفوريها
ريقلي الساعة على 18 او 20 دقيقة ووجهي االمؤشر جهة البخار
تفورهالك رووووعة :up: ماتتعبي ماتعسي
 
رد: شريت كوكوت مينيت

يعطيك الصحة اختي ندى والله افدتيني بزاف جزاك الله الفردوس الاعلى وروحي لرواق الاواني ضرك تشوفي بعض مشترياتي ومنهم كوكوت
 
رد: شريت كوكوت مينيت

الله يسلمك اختي وبصحتك ماشريتي تتهناي بيهم يارب
بخصوص لاكوكوط تولهت بلي تاعك تهز 4 لتر ونصف ..انا تاعي 6 لتر ..في التفوار قتلك عمري 3 كيسان
مالا ماديريش كيفي ..عمري 2 كيسان برك وشوفي
 
رد: شريت كوكوت مينيت

اختي نزيد عليك اسمحيلي كثرت عليك بصح الطبق فيه بلاستيك منين نحكمو ياخي نورمال كي نخليه يغلي
 
رد: شريت كوكوت مينيت

تم الرد على الاستفسار

يغلق الموضوع الآن
 
توقيع السلطانة
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom