مساعدة من اللماويات الزينات

[السلطانة]

السلام عليكم ورحمة الله وبركاته


لبناات والسيدات والأوانس والآنيسات :p
حبيتكم تساعدوني

حابة ندير كادو لماما
وحفلة صغيرة
يعني حابة نديرلها جاست قبل ميلحق عرسي وتبقى تتفكرني بيه :-r

اعطيوني أفكار

تاع الكادو والحفلة
وكيفاه نغلفلها الهدية مثلا وكيفاه نقدمها

أوّل مرة نطلب منكم طلب :p:p:p:p
لي متساعدنيش نجيفها اليوم

​

 

[amira94]

رد: مساعدة من اللماويات الزينات

وعليكم السلام ورحمة الله وبركاته

أولا ربي يحفظ الوالدة الكريمة وربي يطول في عمرها

ثانيا من رأيي أنك تديريلها كادو يدوم مثال

تخيطيلها قندورة شابة تلبسها ان شاء الله في عرسك :d

مع حذاء للمنزل .... واذا حبيتي تزيدي معاها بارفان

لان جميع النساء يحبوا الي يكسيهم

أما بخصوص الحفلة اذا عندك وقت أعملي تورتة وأكتبي فيها

مثال أحبك أمي أو حفظك الله يا امي ...


و اتمنى يزيدو يفيدوك العضوات


​

 

[Louiza R]

رد: مساعدة من اللماويات الزينات

السلام عليكم ختي. ربي يكملك عرسك على خير ان شاء الله.:love01:
مممممم لو انتي تعرفي الأعمال اليدوية ممكن تخدميلها حاجة خطراكش الأمهات تعجبهم خدمة الأيد و يحسو صح بقيمتها خير من تروحي تشريلها كادو.:d
و لا عودتي حابسة في الحوايج هادو كيما اختك لويزة:$ اشريلها بون بيان سور بوكي ورد, تورتة (ماي كون نتي الي تخدميها تكون خار لشتى ماشي مليحة كيما تاع بررا بصح تعجبها) , باطة شيكولة من النوع المليح هاذا اذا تحبها ماماك, اشريلها جبة ولا روبة تاع دار يعني حسب الوالدة الكريمة.:up:
و ممكن تفاجئيها كي ترجع للدار تلقاك مبدلة ديكور شومبرتها ولا بدليلها الكوvرلي اشري واحد جديد باهي ولا اشريلها حوايج تاع زينة علقيهم في حيط شومبرتها ولا حوايج في الكوافيرز. :-o
ان شاء الله نكون أفدتك ولو بشوي أختي. :regards01:​

 

[ويبـقى الأمــل]

رد: مساعدة من اللماويات الزينات

مساء الخير
الله يحفظلك امك يارب ووربي يكملك في زواجك يارب
انا عندي فكرة على ماديريلهاش حاجة تاع ذهب لانو يدوم وزيدي اشريلها مصحف ولا كاش حاشة تبقى

الحفلة انا في رايي تروحي للتاع باتيسري وتقوليلو اخدملي طارطة سبسيال ويكبت فيها وفي هذاك نهاز تكوني خرجتيها للكاش بلاصة تحبها هيا وجوزو ساعات هناك :-h:-h
لانو احنا نساء نحبو خروج على غفلة نتفرهدو هه:-r​

 

[nanoche]

رد: مساعدة من اللماويات الزينات

ربي يخليلك الوالدة ديالك و ما يحرمكوش من بعضاكم
والله يا اختي على حساب المقدور ديالك لأنو العروسة ديمة تبقى محتاجة دراهم قبل العرس اذا راكي حابة حاجة خفيفة في رايي تشريلها حاجة اللي تحطها في شومبرتها و اللي كل ما تشوفها تجي في بالها ممكن تكون كادغ شباب أو دي vـــايوز أو تشريلها ملابس تحضر بيهم عرسك ان شاء الله ومن رايي تخرجي معاها و تخليها هي اللي تختار و كملوها بالغدا برا و تحويسة طلعو بيها المورال
واذا تقدري على اكتر ممكن تعمليلها عمرة هدية في رمضان حتى ويلا مور العرس
ربي يهنيك اختي
​

 

[secret de coeur]

رد: مساعدة من اللماويات الزينات

وعليكم السلام ورحمة الله وبركاته
عاش من شافك آ شوشو
ورايحة علينا وعلى ماماك وتحوسي ديريلها حاجة
ممم شوفي كوم انا نموت فالسامبل ونعرف بلي ماماتنا ماحيبوناش كي نغليو على رواحنا باش نفرحوهم
نقولك اشرليها فولاغ شباب حطة مع بغوش تاعو وزيديلها صباط ستيل
وبغفان وكتاب ( الا كان تحب تقرى رواية مثلا )
كوفغيهم مع بعض بيديك ماش عند مول حانوت اي ليك سميرة حطت افكار جدد تعلي كادو وكاين فاليتيوب وحايد ملاح

وديريلها عشا حطّة بعدما ترسليها تشيخ وتحكي عند جارتكم كي تجي فرحيها ا لالة وخلي خيك يعاونك فلاسوغبخيز
ربي يتمم افراحك شوشو
سلامي​

 

[السلطانة]

رد: مساعدة من اللماويات الزينات

ممممم فرحت باقتراحاتكم لبنات كل وحدة عطاتني افكار هايلين تاع الصح

كيما نديرلها المفاجأة نلحقكم بواش درت ان شاء الله ^^

ربي يحفظكم ويعطيكم ماتتمناو