مجرد رأي لا أكثر

[KreiGer]

السلام عليكم خاوتي و خياتي
ان شاء الله تكونو بخير و في احسن احوالكم
انا تقريبا عندي سمانة من لي دخلت للمنتدي هذا
لقيت قيه كل الاقسام لي ينويها قلبك تلقاها
مي الحاجة لي خلعتني
انو الغاشي كاين الله يبارك بالالاف
و الاعضاء كاين بالمئات
مي المواضيع مكاش
و كاين اقسام راهي منسية
+ المواضيع لي راهي تمشي بزاف لي فيها التحراش و الضحك
انا المواضيع الهادفة و المفيدة قليل وين تتلاقا ببيها
و اذا كانت واحد ما يدور من جيهتها
راه كاين ركود و خمول فالمنتدي
و اذا راني غالط اسمحولي
​

 

[ماكانش]

رد: مجرد رأي لا أكثر

خويا عندك سمانة برمك ماتقدرش تحكم
بغض النظر عن وجاهة رأيك ..
​

 

[Ma$Ter]

رد: مجرد رأي لا أكثر

السلام عليكم ورحمة الله
خويا المنتدى كبير وفيها اقسام ما يهتموش بيها الاعضائ وخاصة الجانب النسوى
والمنتدى راك تشوف فيه نسبة البنات اكثر من الذكور يعني لما تروح لقسم الطبخ راح تلقي نشاط كبير جدا
وبالعكس فى قسم البرامج والاقسالم التقنية
لى عادت يهتم بيها الشباب

​

 

[KreiGer]

رد: مجرد رأي لا أكثر

ماكانش صديقي باش نحكم شحال يلزملي شهر شهرين عام ..............
يا اخي فالعنوان قلت مجرد راي
+ شوف اقسام الرياضة , تطوير المنتديات , البرامج و و و و و و و و و واحد ما يدور في جيهتها
واش من الفايدة كي تحل اقسام و ما تخدمش بيها
اي واحد يحط موضوع ما يلقاش لي يقراه او الردود التحفيزية
اما الاقسام لي راه تمشي هيا تاع التحراش و المشاكل


​

 

[زهرةالنرجس93]

رد: مجرد رأي لا أكثر

عندك الحق كاين اقسام تلقى فيها مواضيع ومشاركات بزاف و كاين اقسام تلقاها تقريبا خالية من المواضيع (مجرد رأي) وشكرا على طرحك للموضوع تقبل تحياتي
​

 

[أم عبد الله]

رد: مجرد رأي لا أكثر

ف الحقيقة اخي ف الله عندك الحق ف واش قلتـ
باسكو المنتدى الان ف مرحلة ركود مي هذا الشي مايمنعش كل عضو منتسب يحاول يقوم بالواجب ديالو اتجاهها ماشي يسجل فقط للعب والضحك كما قلت انت
بل يحاول افادتـ اخوانه والاستفادة منهم
وكما قال اخي ماستر هنـآكـ ركود ف الاقسام التي تتطلب وجود آدم ف حـآل حواء تقوم بدورهـآ ع اكمل وجه ف تنمية المنتدى
اذا الخلل اين؟
وبمـآ انكـ جديد ننتظر بزوغ شمس حروفكـ ومواضيعكـ معنـآ
سلامي​

 

[السلطانة]

رد: مجرد رأي لا أكثر

وعليكم السلام

المنتدى كبير وواسع وفيه منتديات بزاف

كل منتدى ونسبة النشاط فيه ماتقدرش تعمم على المنتدى بلي راه راقد كامل !!

شكرا بارك الله فيك

 

[دعاء19]

رد: مجرد رأي لا أكثر

كلامك صحيح يعني اعضاء كيمشو اقسام لي كتعجبو بمعنى اخر كل عضو واهتماماته
ولكن علاش لا مانحاولو نشطو جميع اقسام المنتدى خاصة اقسام لي ميتة بالمسابقات او افكار اخرى

 

[KreiGer]

رد: مجرد رأي لا أكثر

خاوتي و خياتي افهموني
انا مديت رأي تاعي كي شفت عدد الاعضاء المتواجدين و + عدد اعضاء الادراة
ديما نلقي عدد الاعضاء اكثر من 100 عضو و اعضاء الطاقمالادراي من 12 للفوق
و منتدي لي فيه عدد زوار تاع 20 ألف لازم عليك تخدم و تنشط كامل المجالات
+ كيما قلت عدد الاعضاء الاجمالي بين منتسب و ادراي حوالي 112 ولا أكثر
كي تشوف تقول الله يبارك مي كي تضرب طلة على المنتدي بكل تلقي حوالي 10 مواضيع لي فيها الفايدة اما الباقي كامل مشاكل و تحراش
و كي يدير كاش عضو موضوع مفيد واحد ما يناقشو ولا يشكرو تلفي شافوه 120 بنادم و فيه رد واحد او مفيهش كامل
انا واحد درت 2 مواضيع او 3 شفتها ماشي حاكمة حبست
واحد ما يحفزك باش تزيد للقدام
و اي واحد موالف بالمنتديات يعرف واش راني نحكي
و درت الموضوع هذا لانو معضم المنتديات الجزائرية لي تغلقت علا جال الركود و خمول الاعضاء

​

 

[علي الفاضلي]

رد: مجرد رأي لا أكثر

عندك الحق عموما .. هات خويا اقتراحات اذاامكن ..:regards01:

ربما تنشط اقسام فالفكرة قبل العمل ..

دمت ناصحا بناءا .. سالما ..

 

[صفحة بيضاء]

رد: مجرد رأي لا أكثر

بكل صراحة اول مرة سجلت انا.. دخت من كترت الاعضاء السيرفر يتقل ومنقدرش ندخل
والتعليقات بكثرة والمواضيع الهادفة ليها ناسها ونتاع الضحك ليها ناسها وكل واحد و ذوقه
اما رأيك انا معه لو كنت دخلت من زمان كنت شفت الفرق الواضح
العديد من الاعضاء انسحبوا لا اعرف السبب ممكن الفيس بوك وتويتر صارو هوما البديل والله اعلم

 

[اوراق الصييف]

رد: مجرد رأي لا أكثر

عندك الحق عموما .. هات خويا اقتراحات اذاامكن ..:regards01:

ربما تنشط اقسام فالفكرة قبل العمل ..

دمت ناصحا بناءا .. سالما ..

 

[num1]

رد: مجرد رأي لا أكثر

بالفعل صديقي دائما ما نلاحظ المواضيع الهادفة مهجورة و لا ادري لماذا عدم الاهتمام بما يفيد اتمنى و اتمنى و ادعوا الله ان يكون اكبر عدد من المتواجدين في الاقسام الاسلامية لاننا على ابواب شهر التوبة على شهر القران على شهر الرضوان
​

 

[yani thiziri]

رد: مجرد رأي لا أكثر

خويا هاذا الشي راه يعكس صورة الشعب الجزايري

الاغلبية تاع ليجان يحبو التحراش ويروحو للمنتديات

والفيسبوك باش يفرغو وينحيو على روحهم

ليصونسيال الواحد ينوع في كلش

خلطها تصفى

وmerci على رايك​

 

[KreiGer]

رد: مجرد رأي لا أكثر

الفتى الامازيغي اخي راني معاك في واش قلت
صح من كثرة المشاكل اليومية الانسان رجع يفرغ قلبو فالنات
مي ناس زمان يقولو نص لربي و نص لقلبي
خاب يقول نص تحراش و نص صرامة
لانو كثرة التحراش ما تفيدش
و كيما قال خونا num1 نشطو شوية الحاجة لي تفيدنا فاخرتنا على الاقل
راه جاينا شهر الرحمة و الغفران على الاقل نديرو شوية مواضيع لي تخلينا نصومو بلا سيئات و نحطو شوية معلومات
شوية تقاليد لكل ناحية من التراب الوطني التعريف بدينا
اوراق الصييف اختي المنتدي فيه كلش الا حاجة وحدا
التعاون و التشاور بين المراقب و المشرف و رئيس الصفحة و الاعضاء لي مكاش
الترابط لي راه غايب
و كل الاعضاء لي في المنتدي يحبو يستافدو و ما يفيدوش
مثال صغير
بدات كوب دو موند مي و تعتبر من بيم اهم الاحداث
في منتديات اخري بداو يوجدولها من ماي
اما هنا مكان والو لا حدث
و راه جاينا سيدنا رمضان مي المنتدي ما تحركش
خدمت في منتديات رمضان كنا نوجدولو من قبل بشهر
نديرو مواضيع و نتشاورو عليهم و نعينو الاعضاء لي تخدم في رمضان و كل واحد باش مستكلف
اما فالمنتدي هذا ماني نشوف والو


​

 

[ضيوف وسـنغادر]

رد: مجرد رأي لا أكثر

ايه كاين منهاهادي المشكلة
يعانو منها تقريبا كل المنتديآت
المواضيع الترفيهية تلقا اقبال في حين المفيدة لها احجآم
وهذا يعـــود للعضو يجب تفتيح فكره على امور اخرى غير الترفيه والاستمتآع​

​

 

[ÐϊF₣эŘєʼntَ]

رد: مجرد رأي لا أكثر

bon ana rani nechouf kayen tafa3ol lah yebarek ..
ou kima 9aloulek lebnat bezaf ou yehabo la cuisine ,khiyata ..etc

 

[همس الوُرود]

رد: مجرد رأي لا أكثر

السلآم عليكم

هدي هي كل شخص وميولآته

كي يزيد يدخل رمضآن تلقى العآلم كآمل مع السهرآت وكآميرآ كآشي والأقسآم الدينية تروح فيهآ

في أمآن الله​