مالقيت ماندير مع دارنا

[مشكلتي]

مالقيت ماندير مع دارنا
salam

كيما شفتو راني رجعت

وحابة ندير تعقيب على ردودكم

ماقدرتش نرد عليكم بويسك منيش مسجلة في هاد المنتدى

نشكركم تانيك على الردود مع انو كاين ردود قاستني شوية
في الاول الشيطان لعب في مخي
وقلت والله ما نديرو وخلي mais من بعد كي قريت ردودكم و
surtout
الرد نتاع الاخت راضية حامدة

نشكرك بزاف وراني دعيتلك من قلبي
merci ma soeur

éh ben

جيتكم اليوم نقولكم باركولي راني تحجبت اليوم

papa فرح و صلينا مع بعض قتلو حابة نشوفك إمام تاعي
ناض يضحك عليا :d

malgré
هكاك والدار ما عجبهمش الحال
ختي الكبيرة ربي يهديها عمرتلهم روسهم

وحبيت نوجه رد للي قالولي ما يغركش المال والدراهم

انا لوكان غرني المال والحطة ماشي في عمري 20 نجي هنا
ندومووندي ف النصيحة باش نتحجب

لانو لو وحدة اخرى في عمري 20 تتغر بسيف عليها

عالعموم انا تحجبت حجاب نورمال
حجاب مونتو في الشتاء ..
ودرك كي رانا في الصيف شريت
des robes

الحمد لله الحمد لله
jamais
حسيت بالراحة لي راني فيها درك

وان شاء الله نكون سبب في تحجب خواتاتي

راني نكتب ونبكي
من الفرحة

انا مهبولة مي نحب ربي

ونحبكم في الله

مانزيدش نكتب خلوني نبكي من فرحتي

ربي يحفظكم :d:d :-r:cray02::bye01:

راني متابعة منتداكم الرائع

​

 

[روز]

رد: مالقيت ماندير مع دارنا

ماشاءالله تبارك الله
الله يبارك فرحتينا ربي يثبتك على الاستقامة وينور طريقك وبصيرتك
شكرا على التعقيب

 

[راضية حامدة]

رد: مالقيت ماندير مع دارنا

الحمد لله حمدا كثيرا طيبا مباركا فيه

شفتي قتلك بلي الاباء يفرحو و النسا ديما مشكل لكن تنحل ان شاء الله

الحمد لله ربي يثبتك
اما عن اللبسة لك الحرية البسي وش تحبي
المهم مستور و مش ضيق و مش شفاف
و حافظي على صلاتك هي مفتاح الراحة
اما خواتاتك و امك خليك قدوة ليهم باخلاقك و معاملتك و تشوفي النتيجة ان شاء الله

الله يبشرك بالخير و ربي يثبتك ان شاء الله المرة الجاية تبشرينا بخواتاتك و امك
و كلما تضيق بيك ادخلي هنا و رانا هنا ان شاء الله اليد في اليد معاك

 

[أمــ وليــد الجزائرية]

رد: مالقيت ماندير مع دارنا

دمعت عيني من هذا لخبر

الف مبروك ياختي
وربي يقدرك على الخير في كل حياتك
و ما اجمل العودة الى الله
​

 

[حاملـة المسك]

رد: مالقيت ماندير مع دارنا

السلام عليكم

عفيفة أخرى تنضم الى زمرة العفيفات الطيبات التقيات النقيات :up:

و لا شيئ مستحيل من بعد تبيان الحق من الباطل..
قليل من المجاهدة و الصبر ..... و ينتصر الحق.

ألف مبارك لك أختي ..
ربي يكملك ..​

 

[الزهرة البهية]

RABI YKAMALAK HANOUNA DIRI FI HSABAK MAKI GA3DA TARDI F HATA WAHAD SAUF AKI TARDIFI RABI BAL3AKS HAFDI 3LA SLATAK W HAWLI TAWRI MAN ROHAK AKTAR DIRI NIYA DOK TCHOUFI ANA HAKA KOUNT KIFAK BDIT B ROBE ET TOUT DOKA RANI F HIJAB MASTOUR W TWWIL HMDOULAH RABI KAMALAK KHTI