خطيبتي راح تهبلني

jezif

:: عضو منتسِب ::
إنضم
30 جويلية 2007
المشاركات
3
نقاط التفاعل
12
النقاط
3
العمر
45
باختصار أنا خطبتُ وكتبتُ كتابي على فتاةٍ فاضلة ذات خُلُقٍ ودِين، فرحت بقدومي لخطبتها وبعد فترة قصيرة طلبت منها رقم الهاتف للتواصل وبقينا نتكلَّم من خِلال الهاتف، المشكلة أنَّ خطيبتي تكون في العمل أو مع أهلها تنساني بالسَّاعات، ومن الممكن أنْ يمرَّ يومٌ كامل دُون اتِّصال أو حتى رسالة نصيَّة، وعندما أتَّصل بها تقولُ لي: نتكلَّم لاحقًا، وحصل أنها انشَغلتْ عنِّي عدَّةَ أيَّام، وعندما نتكلَّم بعدَ هذه الفترة لا أجدُ لديها الاشتياقَ لي.والان مر على خطبتنا اكثر من شهران لم اسمع منها ولوكلمة رومنسية بسيطة حتى كلمة خطيبي تخجل ان تقولهاوعندماافاتحها في الموضوع تقول كل حاجة في وقتها وتغضب وتقول لى انت لا تثق بي.
نفسي تعبت جدًّا، أرسلُ لها كلَّ يوم رسائل حبٍّ ورسائل كلُّها حنان لعلَّ قلبها يحنُّ ويلين، أنفذُ كلَّ طلباتها، ولم أقصِّر في أدنى شيءٍ، وإلى الآن لم تتغيَّر، ما أودُّ إيصاله لها أنَّه يجبُ أنْ تجد لديها وقتًا لي وإنْ كانت مُنشغلةً بصَدِيقاتها، وأيضًا خائف من ان اللامبالات تبقى حتى بعد الزواج.
 
رد: خطيبتي راح تهبلني

وعليكم اللام ورحمة الله


ياخويا غي بالعقل ماشي شرط في بداية الخطوبة تبدا الكلام الرومنسي ..
ديجا ماهيش موالفة بيك ولا اصلا ماهيش موالفة بالرومنسية على حسب ماقلت انت
واك تعرف بناتنا ربي يبارك
يبقى تو السؤال
اسكو كبير عليها ولا متقاربين فالاعمار ؟
نستنى ردك ونزيد نشوف
 
رد: خطيبتي راح تهبلني

السلام عليكم
اولا الف مبروك و ربي يهنيكم
ثانيا
هذا ماشي مشكل و اكيد البنت مربية و تحشم و تخاف تغلط في كلمة معاك و ممكن تحشم قدام اهلها باش تحكي معاك
و كيما قالت كلشي في وقتو
و تاني الكلام الزايد ماشي مليح ممكن يجيبلكم مشاكل
و هي كون ماتحبكش ماتقبلش اصلا بيك
و ربي يكمللكم على خير و يهنيكم
 
رد: خطيبتي راح تهبلني

السلام عليكم
نحن متقاربان في السن اخي خطيبتي من النوع المتدين فهي الان تدهب للمسجد لحفظ القرآن وتشتري كتب الحيث والسنة فهي ملتزمة والحمد لله وهدا ما جعلني ارتبط بها وربما هدا ما يجعلها تتجاهلني ولا تتهتم للرنات ولا الرسائل النصية الرومانسية او ربما تخجل من الرد عليها
وانا حبيت نفهم حاجة واحدة وراح يرتاح قلبي هل هدا النوع من الفتيات ممكن تعيش الرومانسية بعدالزواج او تبقى خجولة ان شاء الله راكو فهمتو واش نقصد
 
رد: خطيبتي راح تهبلني

و عليكم السلام اخي
هههههههه عارف علاه نضحك ؟
انتم زوج تقول انا و راجلي في وقت الخطبة كنت وانا نهدر معاه في التيليفون نطفيه والغدوة نقولو ديشارجا ههه حتى نهار الفاتحه مهدرتش معاه و كان يزعف
نورمال اخي متقلقش روحك هي حشامة و مزال وقت باش توالفك و توالف الكلام معاك لازم انت تفهمها و متتقلقش منها و معليش مرة على مرة تذكرها بللي مش تحكي معاك و متسمعش منها كلام زين على عكسك معاها ، و بللي تزعف من هاذ التصرفات ، و على الرومانسية مش شرط ضرك .. تجي بعد الزواج ان شالله

ربي يهنيكم و يفرحكم
 
رد: خطيبتي راح تهبلني

السلام عليكم
وعليكـ، السلام ورحمة الله تعـآلى وبركـآته اخي ف الله
وانا حبيت نفهم حاجة واحدة وراح يرتاح قلبي هل هدا النوع من الفتيات ممكن تعيش الرومانسية بعدالزواج او تبقى خجولة ان شاء الله راكو فهمتو واش نقصد

اولا خويـآ والله الطفلة باين عليهـآ حشامة وانتـ راكـ فهمتنـآ علاش بالضبطـ وربي يتمم بينـآتكم بالخير
مي سؤالكـ لهنـآ فيه شوي خوف خويـآ ماتخممش النوع هذآكـ م الفتيـآتـ كيمـآ قلتـ انتـ ثان يعيش الرومنسية وبلاكـ اكثر فقط ف وقتهـآ وكيما قالتـ كل شيء ف وقتو حلو
اتسمى اصبر عليهـآ وستجد منهـآ مـآيــٌرضيكـ ان شـآء الله

سلامي
 
رد: خطيبتي راح تهبلني

عادي جداااا اخي الغالي ستجدون للرومانسية وقتا كافي بورك فيها وحفظكما الله لبعض لا تختلق من اتفه الاسباب مشكلا قد يدمر هذا الهدوء الجميل بينكما وتعلم ما ياتي متاخرا يكون اجمل اكيد والا حدثها بطريقة لبقة انك تشتاق لها وعودها على حبك بالسؤال الدائم تقبل مروري تمسك بخطيبتك فمنها القليل في زماننا هذا تحياتي​
 
رد: خطيبتي راح تهبلني

مبروك عليكم الخطوبة

لكن فترة الخطوبة ليست فترة للكلام الرومنسي والاشتياق ...

هي فترة للتفاهم على اساسيات الحياة الي رح تعشيوها مثلا تعرف طموحاتها وشروطها
 
رد: خطيبتي راح تهبلني

انا نشوف بلي الردود اكل اكدو انوالرومنسية وقتها بعد الزواج
اما سؤالك راهم جاوبوك عليه اخواتاتنا المتزوجات ...
لي ربي يصلح حالهم ...

 
رد: خطيبتي راح تهبلني

يا اخي
ربما هاد الشيرا تحشم

ولا هدي عفسة من عفايس الشيرات باه تشوف روحا عليك

وتقدر تقولها واش راه في قلبك نورمال قولها راكي سامحة فيها علاه ?

والله يكون فالعون
 
رد: خطيبتي راح تهبلني

وما احلاه عشقا في الحلال
يا خويا وش راح نقلك كاين نساء الحب نتاعهم يترجموه بمواقف تقول عرفت لبؤة ماشي مراة وكاين نساء حبها ترجمو بكلام حنين وكاين لي يترجموه بضحكة والا بحشمة وهكذا
وكاين لي يترجموه بيهم كامل ههههههههه سعيد الحظ لي طاح فيه
يا خويا رانا فاهمينك القلب لحمة وقلبك رهف ههههههه
بصح كيما قتلك ما أحلاه عشقا في الحلال أصبر يابايا أصبر الشغل المليح ياخذ وقت
بعد الزواج ان شاء الله اعرف كيفاش تضبط عيار الرومانسية برك وان شاء الله راك تعيش هاني

ريس يسهل
نصيحة برك عيش الواقع واعرف واش وكيفاش
تهالة
 
رد: خطيبتي راح تهبلني

hasb rayi khoya men lahsen lik w liha matkathroch men klam roumensi fi fatrat lkhotoba ida katartou menou ba3d zwaj rayeh koul chi yji samat dok ki tatzawjou inchallah yzid lhob binatkom w rabbi yhanikom w la39oba lina inchallah .... ad3iwelna m3akom
 
رد: خطيبتي راح تهبلني

مبروك عليك خويا
بصح بلعقل برك على الطفلة
بالعكس افرح كي لقيت طفلة في وقتنا هادا ثقيلة هكدا
باين عليها بنت اصل و خلي الكلام الرومانسي بعد الزواج و ربي يهنييييييييييييييييكم
 
رد: خطيبتي راح تهبلني

شهر مازاااااااااااااااااااااااال لعود تحشم لعود مازال ماوالفاتكش ..........بلعقل برك و نشاء الله تتربا على يدك فى الرومانسية و الحنان نشاء الله ..........و ماتلومهاش كامل تصرانا ماشى لحد التجاخل انما مع الوقت تديرلك وقت خاص بيك و تسقسى عليك و تتقللق عليك و تتوحشك اصبرها برك و مادام الصفات لى فيها الله يبارك ماشاء الله اصبر باية تستاهل و الا تانى حاجة مليحة كون تصارحها بالعقلية برك و فهمها بلى تحب لى تعيطلك و تهتم و تسقسي ..................
 
رد: خطيبتي راح تهبلني

انت بين فيك بلى ارتيس خطيك منها راهم بزااااااااف
 
رد: خطيبتي راح تهبلني

وعليكم السلام ورحمة الله وبركاته
بالبراكة ان شاء الله
صراحة ...عجبتني عقليتها .....هاد اللي نقدر نقولهلك
 
رد: خطيبتي راح تهبلني

مبروك عليك اخي ،، قال رسول الله صلى الله عليه وسلم:
"فاظفر بذات الدين تربت يداك" و"الدنيا متاع وخير متاعها المرأة الصالحة"
وانت بإذن الله ربي رزقك ذات الدين المرأة الصالحة اللي تعينك على نصف دينك الثاني
المرأة يا أخي سيرتو في بداية مرحلة الخطوبة تكون تحشم تستنى ديما المبادرة من الراجل خاصة اذا كانو ما يعرفوش بعض من قبل
وحتى لو قالها كلام رومنسي هي راهي حابة تقولو مي متعرفش وش ترد مالحشمة وتخاف تقلك كون نقولو كون نرد وش يقول عليا (علابالي امر مش منطقي بصح يصرا خخخخ)هكدا خطيبتك
وانك تقول راهي تنساك نقولك اي ما نساتكش وموحال تنساك ،، كل ما فالحكاية هي ماكانتش موالفة من قبل ويلزملها وقت باش توالف بوجود راجل في حياتها،، وهاد الشي بيدك انت لازمك تولفها وتتبع الطريقة التالية:
لازم تتفهم نفسيتها وتهدر معاها بلطف وحنانة وتفتح معاها هاد الموضوع وتعاتبها بلطف كي مراهيش تعيط
تاني يلزم تنحي حواجر ما تسناش حتى هي تعيط،، عيطلها انت ديما رح تفرح وتحس انها رقم 1 في اولوياتك وتولي هي اللي تعيطلك نأكدلك هاد الشي
الحاجة لوخرا : سقسيها هل تحبك ولا بدات تحبك،، صارحها بحبك دايما مش فالرسائل برك وشوي شوي رح تتعلق بيك كي تلقاك غامرها بالعطف والحنان والحب وتولي هي تاني تقولك كلام حب
أهم حاجة ما تستسلمش وجامي تقول علاه ديما انا وعلاه ما تتنازلش ؟ هكدا رح تفتر العلاقة بينكم وتسماط
يلزمك تاني تلقى امور مفيدة تحكيو فيها مش برك حب ورومنسية،، يعني راهي خطيبتك ورح تكون مرتك عندكم بزاف امور تحكيو فيهم
هي باينة مالنوع الخجول دونك مهمتك تنطقها،، سقسيها كيفاش حابة تكون حياتكم مع بعض
احكيو على امور عائلية ،، سقسيها على ماضيها كيفاش قرات،، ووين ،، وش مالفة دير في حياتها
سقسيها كيفاش فوتت نهارها ،، حتى لو قاتلك عادي قلها انا نحب تحكيلي بالتفصيل نحب نعرف حبيبتي وش تدير فالنهار
و........الخ وان شاء الله ربي يلقي الألفة والمحبة بينكم أخي
سلام
 
رد: خطيبتي راح تهبلني

ربي يهنيك لا تنس في اخر الحديث قول النبي صلى الله عليه و سلم "...........فاظفر بذات الدين" راهم قلال هاذ اتلزمان هذي شد عليها بيديك و سنيك
 
رد: خطيبتي راح تهبلني

يقال ان الحب الحقيقي ياتي بعد الزواج و الله اعلم صديقي ليست لدي الخبرة في هذا الجانب لكني اظن انك تجد الجواب عن طرحك هذا لدى المتزوجين فهم من مروا بالتجربة
 
رد: خطيبتي راح تهبلني

ممكن تحشم بزاف او ممكن تكون راهي من النوع نتع البنات لي تحب حتي تكون مزوجين و تعاملك كيما نتا حاب
بزاااااااف بنات عادي هك و انا ووحدة منهم عادي و مكانش احلى من حب الحلال على العموم زيد حاول تكلم معاها و افهم السبب مكانش افضل من الصراحة بين الطرفين
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top