???la créme au beurre

[amina swift]

سلام عليكم
اليوم جربت قاطو جديد و خسرتلي كريمة الزبدة
استعملت هديك تع الشاربات كان تقيل و سخون و فرغتو على 2 بيض و درت مليح
و ضفت الزبدة طرية لكن الزبدة بقات حبيبات
المهم سلكتها :d ودرتها فوق النار دابت قع الحبيبات و درت الكاكاو و شوكولا دايبة و درتها فالكونجيلاتوغ
الحمد الله سلامات
في رايكم وين راه الخلل علاش فسدتلي يعني لازم الزبدة تكون باردة؟؟؟؟

 

[amina swift]

رد: ???la créme au beurre

50 مشاهدة ولا رد
هيا ساعدو ختكم

 

[غدر الزمان]

رد: ???la créme au beurre

اختي انا جربت هدي الوصفه وطلعتلي هايلة
كيما كرام شونتي
المقادير:
*250غ زبدة فلوغيال
*250غ سكر عادي
*1حبة بيض +صفار
*2ملعقة كبيرة لافاني ولا نيسكافي على حساب الذوق لي تحبيه
*1/2كاس ماء

طريقة التحضير:
فرغي 250سكر في كاسرونة +1/2كاس تع الماء و ديريه فوق النار و حركي بملعقة تع حطب حتى يدير العقاش ماعنتها كي يدير نبابل صغار
من بعد ديريه في البيتخا تكوني من قبل ضربتي البيض مع النيسكافي و لا لافاني كي يتضاعف الخليط فرغي فوقهم هاداك السيرو يلزم يكون سخون و الباتور يكون يدور باش مايطيبوش البيض خلطي مليح حتى يبرد من بعد زيدي الزبدة بشوية و خلطيها مليييييييييييييييح مليييييييح باش جي شابة
نخليكم مع الصور باش تفهمو مليح و اذا مافهمتوش سقسيوني

هذه لافاني بصح في moka ديرو نيسكافي 2 ملاعق كبار ok

و هاذا السكر مع 1/2 كاس ماء قبل مايطيب ok

وهاذا السكر كي يطيب كي يولي هكذا نحيوه من النار ok

غير طفيو النار عليه ارميوه فوق البيض و الباتوغ يدور b'1 sur ok

خلطوه حتى يبرد و يولي هكدا ok

من بعد ارمي الزبدة

خلطو مليييييييييح مليححح باش تنجح

هاذي moka في بلاصت لافاني درت نيسكافي هادي هيى تع الشانبينيو و لي غوس

إضغط هنا لرؤية الصورة بحجمها الطبيعي.

و شهية طيبة.............

 

[الحلم الوردي]

رد: ???la créme au beurre

السلآم عليكم والرحمة
الزبدة لازم تكون طرية بمعنى كي تخرجيها من الكونجيلاتوغ تخليها هكداك 20 دقيقة
ايه ولازم كي تخبطي 2 بيضات مع الشاربات الثقيلة يلزم تكون باردة شوية ماشي سخونة
حتى يتضاعف الحجم نتاعو ومن بعد تزيد الزبدة ماشي
gــــــآع ضربة وحدة تلوحي بلعقل برك وتبقاي تخبطي بالضراب الكهربائي
وفي التالي زيد الكاكاو نتاعك ولازم يكون مغربل باش ماتجيش حبيبات فيها
هكدا اختي
​

 

[amina swift]

رد: ???la créme au beurre

الحمد الله اللي بانو الردود خخخ
ربي يخليكم
بالنسبة للاخت غدر الزمان شكرا لكي و نعرف هديك الوصفة صح اجي بنينة لكن سقسيت على الوصفة اللي حطيتها قالولي اجي خير مشكورة اختي
ملاك مالة المشكل الشاربات درتها سخونة عالبيض لانو قالولي لازم تكون سخونة باش البيض اطيب معاها
يعني تندار باردة شوية يمكن هنا السبب
اما الزبدة درتها طرية و الكاكاو اكيد مغربل كالعادة
شكرا حبيباتي ربي يخليكم