زوجة سلفي مغيارة لنقاش

بوربيع نهاد

:: عضو منتسِب ::
إنضم
26 فيفري 2014
المشاركات
88
نقاط التفاعل
90
النقاط
5
بونجور حبت نحكو في الموضوع حكينا على زوج.علي الحمات .حموك.سلفك اخو زوجك حكينا سلفتك اخت زوجك. درك نحكو علي زوجة سلفك اي نو تك. كيما نقولو احنا تاع جيجل نووووووتك.واش رايك فيها تغير منك. تغيري منها.تحبيها ان حبت نطرح الموضوع روحت لظبيب البارح وراكم تعرفو كيتلقا نساوين والله منتدي وحدو فيه جميع المواضيع كل وحدة تعبر وتعطي رايها. والله قلت نروح لدار ونطرح المشكل نبدا بيا الحمد الله عندي خمسة وانا ستة وكل وحة من ولاية علاش سلافي كامل عسكر منين يخدم .اول انا جيجلية والمزوزية وكاين سكيكدية والشاوية من عين البيضا والباتنيةوالدزيرية .......... والله لاباس ونتوما واش رايكم في المتل لي يقول نوتك ةي نوظة قلبها كحل كي البلوظة.وربي يكون الخير
 
رد: زوجة سلفي مغيارة لنقاش

وعليكم السلام اهلا بيك اختي والله موضوع يستحق النقاش
انا حاليا معنديش حتى احتكاك ولاعلاقة بنساء سلافي
مازلت مكونتش عليهم فكرة
حتى نعيش معاهم ونشوف
اما اسباب الغيرة نرجعلها ل انو النسا يغيرو من بعض كي تشوف راجلها مثلا ماش دايرلها كيما لوخرا
ولا تشوف لوخر احسن منها في امور وتبدى تقارن في روحها بيها والغيرة تتطور تولي حسد
شكرا اختي على الموضوع ان شاء الله يتفاعلو معاه الاخوات
 
رد: زوجة سلفي مغيارة لنقاش

ماعنديش نوايطات سلفي مزال ماتزوج​
 
رد: زوجة سلفي مغيارة لنقاش

ana maret salfii hayela tjr tessa9ssi 3aliiya mais 2 l rah tetezawj ma3aya tebanlii gayoura

rabii ba3dhoum 3aliya
 
أنا مازال ما تزوجتش بصح من تجارب بنات العائلة و الصديقات ديت العبرة وهي القدر والإحترام لزوجات أخوة الزوج إذا كانت كبيرة عليك و لا حتى صغيرة و ما تحتكش بهم بزاف يعني امام اهل رجلها ما تجلسش معاهم على إنفراد دائما بحضور أهل الزوج هذا إذا كانوا بنات حلال اما إذا كانت من النوع الشرير والغيور فمن الأفضل ان تترك العلاقات بين الأخوةو فقط وصباح الخير مساء الخيربيناتهم يعني كانها تتعامل مع وحدة غرية
 
شكرا انا شخصيا ديت فايدة من هذا الموضوع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top