على وجه ربي فهموني برك واش لي بيا

الحالة
مغلق ولا يسمح بالمزيد من الردود.

JAWHARA25

:: عضو مُشارك ::
إنضم
4 أفريل 2010
المشاركات
478
نقاط التفاعل
684
النقاط
31
السﻻم عليكم اخواني اخواتي ،ربي يجازيكم خير ويستركم ،حابة نفهم واش هدا لي عندي ،ﻻني تعبت من هدا الحالة لي راني فيها جيت ليكم بعد الله تعالى ،على وعسى نلقى الجواب الى يريحني ونفهم برك واش بيا هدا مكان ، ياخاوتي الفشلة وﻻطونسيو ديما هابطة ،ديما مع الصباح خاصة ،كي نكون قاعدة ونوض باه نخدم اشغالى وﻻ اي حاجة الدوخة تحكمني حتى نعود منشوفش مليح ،عينيا يزغلو ، نحس عليهم ضبابة ، ونحس بضعف كبير ،الاعمال المنزلية نخدم بشوي ونحبس ،،حتان ناكل حبة سكر ،ساعات تفيدني وساعات ﻻ،،، وقلبي يخبط يخبط بسرعة ،حتان نحبس ونقعد مندير والو ،هد الشي عياني وكرهت ﻻنو راني متزوجة وعندي وﻻد ،ﻻزم نقوم بيهم ، الطبة كي نروح ليهم يقولولي معندك والو ،شحال من طبيب شفت ،صافي قداه واناهك ،معرفتش واش ندير ، غير فهموني برك وشيا هد الحالة ،ربي يجازيكم خير
 
رد: على وجه ربي فهموني برك واش لي بيا

السلآم عليكم
سلآمتك حبيبتي
حبيت نسالك قبل اذا ممكن
اسكو تعآني من مرض مزمن؟ اذا نعم وآش هو
عندك دواء تشربيه؟ اذا نعم اكتبيلي اسماء الادوية
والطبيب اللي مشيتي عندوا عآم لا خاص في امراض القلب والاوعية الدموية؟
عملتي تحليل للقلب ما يعرف ب ECG؟
من وقتآش بالضبط وانت تعآني من هآد الحالة؟
واسكو انخفاض الضغط يكون غير مع الصبآح يعني مين تكوني رآقدة تجي نآيضة ولا طول النهآر تآني؟
لي عودة

 
رد: على وجه ربي فهموني برك واش لي بيا

السلآم عليكم
سلآمتك حبيبتي
حبيت نسالك قبل اذا ممكن
اسكو تعآني من مرض مزمن؟ اذا نعم وآش هو
عندك دواء تشربيه؟ اذا نعم اكتبيلي اسماء الادوية
والطبيب اللي مشيتي عندوا عآم لا خاص في امراض القلب والاوعية الدموية؟
عملتي تحليل للقلب ما يعرف ب ECG؟
من وقتآش بالضبط وانت تعآني من هآد الحالة؟
واسكو انخفاض الضغط يكون غير مع الصبآح يعني مين تكوني رآقدة تجي نآيضة ولا طول النهآر تآني؟
لي عودة


وعليكم السﻻم اختي بارك الله فيك كي رديتي عليا ،عندي ﻻزم ،بصح تقدري تقولي رتحت منو ،، ﻻمعنديش دوا المرة لخرة ،طبيبة عطاتني passiflora compose شغل فيتامين هدا مكان ، طبيبه عامة وتاع العايلة ، ﻻﻻجامي درت على القلب عندي سنين وانا هك نروح لطبة يقولولي ماعندك والو ﻻزم تاكلي مليح ،وانا نورمال ناكل عادي ، كي نوض نوض فشﻻنة ،والدوخة حاكمتني ، وتبقى معايا هكاك نهار كامل ساعات نقاوم ،وساعات منقدرش ،نخدم بالشوي ،
 
رد: على وجه ربي فهموني برك واش لي بيا

بالشفى عليك حنونة و ماتشوفي شر
من رايي اعملي تحاليل و شوفي الدكتور واش يقولك
يا رب مايكون غير الخير
ان شاء الله البنات يزيدو يفيدوك
 
رد: على وجه ربي فهموني برك واش لي بيا

روحي عند الطبيب او شوفي حالتك
 
رد: على وجه ربي فهموني برك واش لي بيا

صبآح الخير
شكرآ ليك الزينة اللي جآوبتيني عن اسئلتي
وسيرتو الاهم انك ذكرتي l'asthme
شوفي حبوبة، رآيحة نوضحلك قدر المستطآع
في الحآلة العآدية، الانسآن مين يكون رآقد ويجي نآيض كآين انخفآض في الضغط
لانو كمية كبيرة من الدم تهبط للتحت
الامر النآتج عنه انخفاض الضغط الدموي، دوخة لانو الدم قليل في المخ،
القلب هنا يزيد من ضرباته حتى يحآول يوصل كمية كآفية من الدم للمخ وبآقي الاعضاء ويرجع الضغط الى حآلته العآدية
يعني هنا انخفاض الضغط رآه فيزيولوجي عند اغلبية النآس ونعيطوله hypotension orthostatique
في حآلتك انتِ حبيبة، مين تنوضي وتصرآلك هآد l'hypotension قلبك يزيد في السرعة وفي نبضآته حتى يحآول يعدلها
مي بالرغم من ذلك مآيقدرش يرفع من الضغط الامر اللي يخليك عيآنة طول النهآر وتحسي بالدوخة والفشلة
آه علآه قلبك مآ يقدرش يعدل الضغط الدموي :
هنا كآين اسباب عديدة ويمآ انك ذكرتي l'asthme اللي عآنيتي منو من قبل، احتمال كبير يكون هو السبب في ذلك
علآش؟
ببسآطة لانو هآد l'asthme يتميز باتفآع نسبة الافرازات في الرئة بالتحديد l'arbre bronchique
يعني الانسآن يدخل الهوآء مي مآ يقدرش يخرج السبب اللي يدير souffle expiratoire يعني في خروج الهوآء في السمآعة نسمعوا وكانوا وآحد ورآه يصفر
مع مرور الوقت، يترآكم الهوآء الدآخل، وهآد الهوآء كي شغل يعرقل عملية ضخ الدم
c t d, il va comprimer le cœur
وهنا القلب يعيا نوعا ما وين الانسآن مآ يقدرش يتنفس وممكن يحس بآلآم في الصدر
ومن بين les complications de l'asthme ، هآد الحآلة اللي رآهي عندك بالضبط: قلبك مآ يقدرش يلبي احتيآجآت الجسم من الدم وسيرتو كي تكوني رآقدة وتنوضي كيما فهمتك من قبل
حآجة ثآنية، كآينة ادوية في حآلة لآزم تسبب انخفآض في الضغط
وممكن مشكل في الاوعية اللي مآ تقدرش تقلص من حجمها
كيمآ كآين اسباب اخرى لهآد الحآلة
آسفة لاني طولت عليك مي حآولت نفهمك قدر المستطآع
وهآد التشخيص يعتبر اولي، لانوا على الاقل لآزم سمآع ضربآت القلب
انا من رايي الزينة تشوفي طبيب القلب والاوعية الدموية
لانوا هآد الحآلة لو متعلقة بتعب او فشلة عآدية مع مرور الوقت نروحلك
لكن من كلآمك فهمت بلي رآكي من مدة وانت تعآني منهآ
وممكن بعد تشخيص الطبيب يشوف امر آخر
هآد فقط على حسآب واش حكيتيلي وواش فهمت
تمنيآتي لك بالشفآء العآجل
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top