هل تم تكريمك في حياتك دراسية؟

[آمِيْرَتُه]

السلام عليكم
الحمد الله تم تكريمي من الابتدائي حتى الثانوي و وصل الأمر حتى بالجامعة
فقط هناك تكريم لن آنساه يوم تحصلت على المرتبة الآولى في مسابقة بين نجباء الثانويات الخاصة بمدينة وهران حين تحصلت على المرتبة الآولى ( نجباء مادة الفلسفة ) كان نجاح و تكريم خاص جدا

 

[samir batna]

نعم من غير الدراسة ........ كنت أحسن رسام وقتها و لا أنسى تكريمات الكشافة الإسلامية أيام ولا أروع

 

[فارس الروح]

سلام مرحبا

امممممممممممم راح نبدا

في الابتدائي في سنواتي الستة رغم تحصلي على معدلات عليا و احتلالي المراتب الاولى دائما الحمد لله
نتذكر اعطاوني شهادات و هديا فيها كراريس واقلام وووو ههههههههه

في المتوسط تم تكريمي في السنة الثانية متوسط لاحتلالي المرتبة الثانية شهادة و الهدية كانت نتذكر قاموس و كارتابل
في الثانوي كانو مجحاحين يعرضوني برك ههههههههههههههههههههههههههههههههههه
​

ياسر عليك كل هاذي الجوائز ههههه مزيدا من التوفق والنجاح دائما يارب

 

[فارس الروح]

نعم الحمد لله وفقني الله في مشواري الدراسي منذ السنة الأولى ابتدائي
تحصلت في السنة اولى متوسط على معدل 17.21 وكرموني بشهادة وكادر ورحلة لتيبازة مدفوعة الأجر السنة الثانية متوسط معدل 16.82 اعطاوني شهادة وكادر فيه دعاء وستسلو مشبح
الثالثة متوسط كرمت في منتدى الاعلام الالي والمشاركة في المواضيع الثقافية بشهادة وكادر ثاني والسنة الرابعة متوسط كرمت على مستوى الدائرة لاختش شاركت في مسابقة اسئلة واجوبة وكلاسيت الثانية وفيوم العلم كرموني بشهادة ورحلة سياحية وديكسيونار وفي اليسي ديت 15.62و14.73 وكي العادة كادر وشهادة لوكان نقدر نصورهم نحطهم تشوفوهم وشكرا على الموضوع

الله يبارك هذا التفوق ومزيدا من الجوائز والنجاحات

 

[BLEU PEARL]

الله يبارك هذا التفوق ومزيدا من الجوائز والنجاحات

شكرا لك​

 

[King_of_alGeRia]

توبيخ نعم______ التكريم جامي صرات

 

[فارس الروح]

توبيخ نعم______ التكريم جامي صرات

هههههه ربي يجيب
​

 

[اميرة في مملكة العلم]

موضوع رائع بارك الله فيك ..
انا في الحقيقة اول سنة دراسية لي حصلت على شهادتين تهنئة ...اعني في الاولى ابتدائي ...
و حصلت على شهادة تهنئة في السنة الخامسة ابتدائي و هي اخر سنة دراسية لي في الابتدائي ..و من ثم حصلت على شهادات تشجيع لكل فصول السنة الاولى و الثانية متوسط ...
و هأنذا في الثالثة متوسط و لا اعلم ما سيكون من نصيبي ...
بالاضافة ....
حصلت على جائزة في الاولى متوسط و كانت قاموس بحجم الكتاب العادي ...عربي عربي
و حصلت ايضا على جائزة في الثانية متوسط

 

[ندى الشاوية]

اهلا انا والحمد لله وفقت في حياتي الدراسية كل عام احصل على ثلث شهادات وجائزة هذا في الاجمال اما في الثالثة متوسط كرمني استاذ اللغة العربية اجتهادا منه بكتاب سير الانبياء اضافة لما احصل عليه عادة اما العام الماض السنة الاولى ثانوي رغم تحصلي على معدل16.58الا انهم اكتفو بتكليفي بالقاء كلمة عن الاساتذة
لعقوبة لهذه السنة

 

[mà_dikrà]

سـلآم
أممم
أنآ الـسـنـوآت الـست الإبتـدآئي كـرموني + جيت للـمتوسطة أعـطوني فـي أولى مـتوسطة الـثآنية لآ والـثآلثة رآنآ فـهآ اله أعـلم يـعطوني ولآ لآ هههه​

 

[Ryry_Ndj]

موضوع رائع نتعرف من خلاله على المجتهدين في اللمة
انا طوال الطور الابتدائي اتكرم في يوم العلم شهادة امتياز واما قصة واو قاموس اوكتاب خارجي
وتحصلت على السانكيام بامتياز وتكرمت من بين الاوائل في ولايتي
والطور المتوسط كذلك اتكرم في يوم العلم نفس الشئ شهادة امتياز وكتاب خارجي
وتحصلت على البيام بامتياز وتكرمت على مستوى ولايتي
واليوم انا طالبة ثانية ثانوي تكرمت السنة الماضية وتحصلت على شهادة امتياز وسلسة الهباج في العلوم والفيزياء والرياضيات للثانية ثانوي

 

[بنت الـ25]

السلام عليكم
تم تكريمي بزاااااااااااااااااااااااف
اول مرة فالسنة الرابعة كنت الأولى فالقسم دارولنا حفلة راحت معايا ماما
مشفيتش مليح عالهدية خاطر كنت فرحانة وانا ناكل فالقاطو والjus هدوك اللي كانو يهموني خخخخخخخ
فالسنة الخامسة كيف كيف مي مدارونش حفلة نهار مدولنا الدفاتر عيطلي المدير وعطاني مجموعة من الكتب نشفى على رواية بنو هلال الجزء 1 و 2
فالسنة السادسة جيت الأولى فالقسم عطاوني وحد العلبة فيها ىلة حاسبة وساعة يد ولعبة الكترونية وشهادة

فالسنة السابعة كنت السابعة على مستوى المؤسسة دارنا المدير غدا وقهوة
قبل الحفلة بعتنا المدير لوحد الاستوديو تصورنا ودارولنا هدوك الصور في كادر مقابلها شهادة
والهدية كانت عبارة عن مجموعة من الكتب المدرسية والأدبية ، حافظة ، سلسلة المبشرون بالجنة فيها 10
والأستاذة تع الاجتماعيات دارتلي كادو وحدها عبارة عن مصحف وتفسير تاعو
كي فتحتو لقيت فيه رسالة كتبتلي فيها انها اول مرة يتحصل تلميذ عندها على معدل عام 20 في جميع مواد الاجتماعيات والتربية المدنية
ودارولنا رحلة لمدينة عنابة فاليوم الموالي رحنا تبحرنا خخخخخخخ
فالسنة الثانية ثانوي دارولنا تاني حفلة والكادو كان عبارة عن كلاسوغ تع الصيونص وىلة حاسبة وبوغداص تع الفيزياء وكتاب الوجيز في التاريخ والجغرافيا

هادو هوما كادوات تاعي ولا قدرت نصورهم اني نجي
​

 

[red rose]

نحكيلك قصتي هههه

في الابتدائي كنت داب مدبدب غير نسلك روحي ب 5 معدل ههههههه

في السيزيام حالفني الحظ و ديت 9.33 الله يبارك هههههه على زهري ماكانوش في هاذاك العام تكريمات ههههه

في اولى متوسط تكرمت بمعدل 15.26 مدولي كالرطابل كحلة

في ثانية متوسط بمعدل 15.67 مدولي الاة حاسبة و شهادة و قاموس

في ثالثة المعدل 14.98 بقاولي 2 نقاط نتكرم و متكرمتش ههعهههههههه

اما الجوائز باش نصورهملك كاين لي تكسر و لي تقطع ههههههه مايتشافوش


و نتا فارس كاش مرة تكرمت ولا جامي

 

[أويس مصطفى]

نعم .. ارجعتنا القهقرى الى ايام الدراسة الاولى ، فكلما تصرمت امامي الايام كل اوقدت نارُ ذكريات الصبا ...
تم تكريمي تقريباً في كل المراحل ...خاصة المتوسط والثانوي ...
وايضا تم امدادي بجائزة في المدرسة القرآنية ، الرتبة الثانية ...

 

[فارس الروح]

موضوع رائع بارك الله فيك ..
انا في الحقيقة اول سنة دراسية لي حصلت على شهادتين تهنئة ...اعني في الاولى ابتدائي ...
و حصلت على شهادة تهنئة في السنة الخامسة ابتدائي و هي اخر سنة دراسية لي في الابتدائي ..و من ثم حصلت على شهادات تشجيع لكل فصول السنة الاولى و الثانية متوسط ...
و هأنذا في الثالثة متوسط و لا اعلم ما سيكون من نصيبي ...
بالاضافة ....
حصلت على جائزة في الاولى متوسط و كانت قاموس بحجم الكتاب العادي ...عربي عربي
و حصلت ايضا على جائزة في الثانية متوسط

الله يبارك حياتك كلها نجاحات عقبال الشهادة الاهلية والبكالوريا

 

[فارس الروح]

نحكيلك قصتي هههه

في الابتدائي كنت داب مدبدب غير نسلك روحي ب 5 معدل ههههههه

في السيزيام حالفني الحظ و ديت 9.33 الله يبارك هههههه على زهري ماكانوش في هاذاك العام تكريمات ههههه

في اولى متوسط تكرمت بمعدل 15.26 مدولي كالرطابل كحلة

في ثانية متوسط بمعدل 15.67 مدولي الاة حاسبة و شهادة و قاموس

في ثالثة المعدل 14.98 بقاولي 2 نقاط نتكرم و متكرمتش ههعهههههههه

اما الجوائز باش نصورهملك كاين لي تكسر و لي تقطع ههههههه مايتشافوش


و نتا فارس كاش مرة تكرمت ولا جامي

ههههههههه وش هدا يا عبير راك فوور مكنتش عارف راك بالامتياز هدا ربي يزيدك نجاح على نجاح

 

[imi_usma]

السلام عليكم
أنا تان كرموني في المتوسطة واعطاوني قاموس و كرة أرضية و كتاب منهاج المسلم و اعطاوني وحد الحاجة منعرفش آسمها هديك لي يحطوها ف les bureaux يحطو فيها الستيلوات واعطاوني تان ستيلوات لي يجو ف les boites

 

[فارس الروح]

موضوع رائع نتعرف من خلاله على المجتهدين في اللمة
انا طوال الطور الابتدائي اتكرم في يوم العلم شهادة امتياز واما قصة واو قاموس اوكتاب خارجي
وتحصلت على السانكيام بامتياز وتكرمت من بين الاوائل في ولايتي
والطور المتوسط كذلك اتكرم في يوم العلم نفس الشئ شهادة امتياز وكتاب خارجي
وتحصلت على البيام بامتياز وتكرمت على مستوى ولايتي
واليوم انا طالبة ثانية ثانوي تكرمت السنة الماضية وتحصلت على شهادة امتياز وسلسة الهباج في العلوم والفيزياء والرياضيات للثانية ثانوي

الله يبارك رك فوووووووووووووووووووووور يارب تجيبي باك بمعدل كبيير

 

[imi_usma]

ان شاء الله

 

[ثَسْكُورْثْ نَثْدُوكْلِي]

الله يبارك عليكم شاطرييييييييييييييين
ربي يوفقكم كااااامل