ارواحي نتعاونو في طيابنا -كوزينة اللمة -

الحالة
مغلق ولا يسمح بالمزيد من الردود.

angel

:: عضو بارز ::
أحباب اللمة
إنضم
4 سبتمبر 2008
المشاركات
3,092
نقاط التفاعل
2,229
النقاط
191
السلام عليكم ورحمة الله وبركاته


كيفاش راكم حراير اللمة؟؟؟ ان شاء الله لاباس



مع اقتراب معود رمضان الكريم حبيت نحط الموضوع ادا يساعدنا كامل


اي وحدة تحط طلب لاكلة والي عندها بواش تعاون تحطلها رد

هكدا مانقعدوش نحوسو و يروح علينا الحال


ان شاء الله تعجبكم الفكرة
:-h:-h



نبدا انا احم احم :p



لحراير موالفين تحطو تصاور للبيتزا المنزلية



ممكن الوصفة ربي يخليكم :d


وادا كاين astuce باش تجي كي تاع برا :$



وشكرااا مقدما :regards01::regards01:



هيا لبنات كل وحدة ادا خصتها حاجة تجي هنا لموضوعي

:-r


دمتمن في رعاية الله وحفظه




:regards01:
 
رد: ارواحي نتعاونو في طيابنا -كوزينة اللمة -

يعطيك الصحة انجل موضوع رايع صح ان شاء الله يلقى تجاوب من لبنات كامل
بالنسبة للبيتزا عني انا معتمدة عجينة ال10 دقايق في كل معجناتي البيتزا والا الشوصون وحتى البينيي الا اني في البينيي نزيدلها 2 بيضات وكمية السكر
والاخوات راح يزيدو يفيدوك
 
رد: ارواحي نتعاونو في طيابنا -كوزينة اللمة -

انجل روحي لقسم المعجنات راح تلقاي موضوع نضنو لابتسام تاع المعجنات راه ثابت را يفيدك
 
رد: ارواحي نتعاونو في طيابنا -كوزينة اللمة -

مساء الخير
انا البتزا تاعي نحط 1 كلغ فرينة حوال نص كاس زيت الزيتون الملح طبعا شوية برك ملعقة أكل سكر من زوج الى 3 مغارف خميرة فورية كيس خميرة الحلوى ونبلها بماء دافي ومانعجنهاش بزاف باه تجي مقرمشة امممم
ونخليها تخمر كي يتضاعف الحجم تاعها نخرجلها هاذاك الهواء ونعملها كويرات على حساب البلاتو تاعي
ومنبعد ندهن البلاط بشوية زيت ونحل هاديك العجينة تكون رقيقة ونتقبها بالفرشيطة ونحط عليها الصلصة ونزين بواش كاين فالدار(شومبنيو زيتون انشوان مخللة ........) وندخلها تطيب كي نشوفها طابت نخرجها ونحط عليها فورماج رابي
ونرجع دقيقة برك للفور باه يذوب الفرماج
ان شاء الله نكون افدت
 
رد: ارواحي نتعاونو في طيابنا -كوزينة اللمة -

ام سراج الدين لحريرة تاع الغرب رهم عندهم التوابل تاعها يعرفو يديروهم انا العام الماضي وصيت وليد اختي جابهملي من تلمسان فوت رمضان روعة كامل الجارات يقولولي غير كوزينتك اللي تبان ريحتها تهبل
معندناش حنا في الشرق لو تعرفي كاش واحد يجيبهالك غير ما تعطليش وديريلي قسمتي واوقفي في السانتفي نجي نديها ههههه
 
رد: ارواحي نتعاونو في طيابنا -كوزينة اللمة -

سماح ختي مانيش ساكنة في قسنطينة راني في اسبانيا أهلي برك تمى
خسارة كون راني تمى نجيك للدار عين مليلة راهي خطوة بيناتنا
وشكرا حبيبتي وربي ينجحلك ميدو ويفرحك بشهدة
 
آخر تعديل:
  • أعجبني
التفاعلات: angel
رد: ارواحي نتعاونو في طيابنا -كوزينة اللمة -

موضوع هايل اختي انا البيتزا باه تجيني كيما نتاع برا عندي سر صغيييير فيها وهو طيابها انا نطيبها لتحت خلاص ونزيد للفور نتاعي على الاخر هكذا باه تمتم تطلع و تدير هذوك الفقاعات اللي تديرهم نتاع برا وراهي نجحت معايا الفكرة لاستيس راهي في الطياب ماشي في العجينة عن تجربة متأكدة غير متكسريش راسك راني جربت حتان شبعت
بالنسبة لحبيبتي ام سيراجو والله يا ريت قدرت نفيدك والله منعرفلهاش الحريرة نتاع الغرب راني كيفي كيفك حنا ملي يدخل رمضان وحنا شرابي شرابي ههههههههه تمنيت نفيدك والله
 
  • أعجبني
التفاعلات: angel
رد: ارواحي نتعاونو في طيابنا -كوزينة اللمة -

السلام عليكم ورحمة الله وبركاته



كيفاش راكم حراير اللمة؟؟؟ ان شاء الله لاباس



مع اقتراب معود رمضان الكريم حبيت نحط الموضوع ادا يساعدنا كامل


اي وحدة تحط طلب لاكلة والي عندها بواش تعاون تحطلها رد

هكدا مانقعدوش نحوسو و يروح علينا الحال


ان شاء الله تعجبكم الفكرة
:-h:-h



نبدا انا احم احم :p



لحراير موالفين تحطو تصاور للبيتزا المنزلية



ممكن الوصفة ربي يخليكم :d


وادا كاين astuce باش تجي كي تاع برا :$



وشكرااا مقدما :regards01::regards01:



هيا لبنات كل وحدة ادا خصتها حاجة تجي هنا لموضوعي

:-r


دمتمن في رعاية الله وحفظه



:regards01:​

Salam okht Angle ana el pizza el hamdoullah tjini chabba w ygoulouli khir men ta3 bara hhhhh normalement nkhalik nti techokriha bessah rani ngoulek hak bech tssayiha nchallah bon la recette :
7 mraref farina bessah mel kbira ta3 tyab donc koul 7 mraref farina fiha 3 mraref zit 1 baid 2 mraref lahda halib moujafaf 2 mraref srar khamara melh w chwia sokor 3ajniha rie lemiha w khaliha traya raya hna wahed talyani galena 3liha beli ylik trayah li hada kan yakhdem m3a bouya lah yerhmah nwalou lel mado3 ta3na madabi tkhaliha trayah lila kamlaila briti diriha fel nhar ou si non mel sbah hata lel wakt el 3cha l’essenciel tebri el raha la patte w nchallah diriha w ida jatek chaba goulilna bach manensach had el 3bar tkadi doublih wela triplih 3la hsab les personnes
:up:eek:u:down:
 
  • أعجبني
التفاعلات: angel
رد: ارواحي نتعاونو في طيابنا -كوزينة اللمة -

بالنسبة للحريرة نتاع الغرب وخصوصا ولاية تيارت

حطي قدرة فيها بصل +جزر+حبة صغيرة بطاطا + طماطم+طماطم مصبرة +قصبر +لحم اودجاج+ملح +زيت وخليها تتقلة لمدة نص ساعة على نار هادية بعدين مرقيها بماء سخووون وخليها تطييب

لما تطيب نحي منها اللحم وقومي بطحنها بالطحانة اليدوية
نرجع الان لتحضير الدرسة
في المهراااز حطي راس ثوم مقشر ملعقة اكل كمون+راس الحانوت+حرور+ملعقة صغيرة كروية+كركم+قرطوفة+فص زعيترة قصبر اوراق فقط
واهرسيها وخليها بجنب
نرجع الان للطنجرة الي طحنتي الخضاار خليها تعاود تغلي لم تغلي ضيفي لها كمية تشسشة مرمز من النوع الرقيق حسب كمية المرق الي عندك حوالي لتر من المرق 5 ملاعق مرمز وخليها تطيب في نص طيابها ضيقي لها الدرسة وخليها تطبخ لم تنضج اطفي عليها رشي عليها ملعقة صغيرة قرطوفة خليها على السطح بدون ماتخلطيها لحين التقديم وشهية طيبة
 
رد: ارواحي نتعاونو في طيابنا -كوزينة اللمة -

بالنسبة للحريرة نتاع الغرب وخصوصا ولاية تيارت

حطي قدرة فيها بصل +جزر+حبة صغيرة بطاطا + طماطم+طماطم مصبرة +قصبر +لحم اودجاج+ملح +زيت وخليها تتقلة لمدة نص ساعة على نار هادية بعدين مرقيها بماء سخووون وخليها تطييب

لما تطيب نحي منها اللحم وقومي بطحنها بالطحانة اليدوية
نرجع الان لتحضير الدرسة
في المهراااز حطي راس ثوم مقشر ملعقة اكل كمون+راس الحانوت+حرور+ملعقة صغيرة كروية+كركم+قرطوفة+فص زعيترة قصبر اوراق فقط
واهرسيها وخليها بجنب
نرجع الان للطنجرة الي طحنتي الخضاار خليها تعاود تغلي لم تغلي ضيفي لها كمية تشسشة مرمز من النوع الرقيق حسب كمية المرق الي عندك حوالي لتر من المرق 5 ملاعق مرمز وخليها تطيب في نص طيابها ضيقي لها الدرسة وخليها تطبخ لم تنضج اطفي عليها رشي عليها ملعقة صغيرة قرطوفة خليها على السطح بدون ماتخلطيها لحين التقديم وشهية طيبة

بارك الله فيك أم رحاب نجربها ان شاء الله
 
  • أعجبني
التفاعلات: angel
  • أعجبني
التفاعلات: angel
رد: ارواحي نتعاونو في طيابنا -كوزينة اللمة -

شكرااااا على التفاعل حبيباتي


ربي يحفظكم ان شاء الله

 
أنا نحب لحريرة تاع الغرب ممكن وحدة من بنات الغرب تحطهالي مع الشرح وشكرا
وعليكم السلام
الحريرة نتاعنا
توجدي اللحم تسمسليه في2مغارف الفرينة ويكون في الفرينة البهارات كامل لي عندك الكمون الفلفل الاسود الزعفران الفلفل العكري السكانجبير و قلي غير من القرفة ونجمة الارض
وتانيك التوم 2 فصوص والزعيترة كمية قليلة
تحطي في الكوكوت مينيت الزيت وتديري اللحم يتقلى حمريه من جيهتين وتضيفيله 2حبات بصل و2حبات طماطم والحمص المرقد
والكرافس والفول اليابس و الفرينة لي بقاتلك
تضيفي الملح وملعقة طماطم مصبرة وتضيفلو الماء وتغلقي الكوكوت نتاعك
وكي تحسي اللحم طابلك
انزعيه و نزعي الكرافس و طحني واش بقا في الكوكوت
منبعد اغسلي حوالي3معالق التشيشا نتاع الزرع في اناء وضيفيلها ملعقة فرينة حركيه حتى تدوب الفرينة واضيفيها للمرق ديالك اه ماتضيفيهاش حتى تشوفي المرق نتاعك يغلي
وفي مقلات ديري الزيت و2فصص توم وحبة طماطم رابي و نصف حبة جومبو دوق لي تحبي وقليل من الكمون والفلفل الأسود والكروية و رميها في الرق نتاعك وكي تطيبلك دري فوقها القسبر
وشهية طيبة
نتمنى تجربيها وتعجبك وادا امكن حطيها تطبيق هههههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top