اختكم في الله تحتاج نصيحتكم

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم ورحمة الله تعالى وبركاته

انا فتاة في العشرين من العمر يتيمة الاب
حبيتكم تنصحوني علاخاطر ماعرفتش واش ندير
مشكلتي في خويا انا عندي خويا واحد
هاد الليام لقيت زطلة في شمبرتو تصدمت مالقيت واش ندير
ماعرفتش نقول لما عليه ولا نهدر معاه
خايفة نظلمو وماتكونش تاعو
ما مسكينة مريضة وبعد الموت نتاع بابا ربي يرحمو ماتتحملش صدمة اخرى
عندها شحال كان يجوني ناس ويقولولي خوك راه يزطل مي انا ما امنتش وقلت سور ناس حاقدة عليه
بصح مادرتش في بالي يجي نهار ونلقاها عندو
ربي يخليكم قولولي واش ندير
 
رد: اختكم في الله تحتاج نصيحتكم

تم الاعتماد
 
رد: اختكم في الله تحتاج نصيحتكم

السلام عليكم و رحمة الله
اختي الحبيبة في رايي ان تخبري امك
على الاقل لتتدارك المشكل الان قبل فوات الاوان

مهما كان الحال سواءا كانت هذه المخدرات له او لغيره فباي حق يخفيها في البيت
هل يعلم حجم المشاكل التي يتسبب فيها لو انه يكشف امره؟
كيف سيكون رد امك ساعتها؟

افضل ان تخبريها بطريقة لينة شوي و تفهميها انها يجب ان تعلم لتعالج المشكل الان قبل فوات الاوان
و هي تعرف كيف لانه ابنها
اياك اياك و التهاون في امر كهذا
فالمخدرات لا ترحم مستهلكها يا اختي فهي بحد ذاتها دمار شامل

الله يهديه و يرجعو لعقلو
و الله يجيب لي فيه الخير
 
محبة الدراسة، تم حظره "حظر دائم". السبب: مخالفة القوانين
رد: اختكم في الله تحتاج نصيحتكم

أختي لازم تهدري معاه في الاول ممكن تكون النتيجة ايجابية

و اذا ما اتعضش

عندها قولي لماماك

هاذا هو الحل
 
رد: اختكم في الله تحتاج نصيحتكم

سلامي اختي
ربي يرحم باباك
مي اختي راكي تقولي قالولك الناس عليه اتسمى ماشي كذب وزيد لقيتيها عندو
ايا ختي ماماك راكي تقولي عيانة بعد موت باباك الله يرحمو قولي لخالك ولا لعمومك واحد يعزو خوك ويقدرو بزاف كيبحال باباه باش ينصحو قبل ماتتطفر حبوبتي راهي مخدرات هاذي ماشي لعب ماتخبيش حاجة اتجيب الضرورة لخوك
ماتقوليش راني ندير فيه الخير كي نسكت لالا والله راكي اتضري فيه كتر
وان شاء الله تداركو الامر قبل مايولي مدمن مخدرات

سلامي
 
رد: اختكم في الله تحتاج نصيحتكم

نصيحتي انك تخبري واحد اكبر منك وتثيقي فيه اهدرو معاه بلعقل هددوه بالشرطة
 
رد: اختكم في الله تحتاج نصيحتكم

السلام عليكم ,,,, أوّلا نوصّيك ,, ما تكبريش المشكل أكثر من حجمو الحقيقي ,,,, رانا عارفي ن بلي آفة المخدّرات و الزطلة بشكل خاص أصبت منتشرة بين الشباب و المراقين بشكل كبير ,, لكن أغلبهم يتناولها من أجل الفظول لا أكثر و لا أقل ,,,, لازم تنصحوا أخوكم و تفهموه بلي راهو غالط قبل ما يدخل مرحلة الإدمان ,,, الحل هو النصيحة بالتي هي أحسن ,,, ربي يوفقكم
 
رد: اختكم في الله تحتاج نصيحتكم

ما تغلطيش روحك أختي ... مادام عندك الأدلة بللي راهو يستعمل في الزطلة .. حاولي تتصرفي بالحكمة
بالاك كون تهدري معاه ديريكت مش راح يتقبل و بالاك ينفي خلاص بلي يستعمل فاها
شوفي الإنسان اللي قادر يأثر فيه و هو اللي يوجهلو الكلام .. شيئا فشيئا عسى يقلع علاها
الظاهر أنو صحابو أثرو فيه و هو تبعهم في هاذ الشيء .. إدعي ربي يبعدو على الصحبة السيئة لأنها هي مفتاح الشرور و الضلال
و حاولي تنفعيه بما فيه صلاحو في البيت على قد ما تقدري .. كونك أختو و ترضايلو الخير .
إن شاء الله يبعد عليكم الشر و يحفظلكم بيتكم أختي .. مع السلامة
 
رد: اختكم في الله تحتاج نصيحتكم

اختي لحبيبة
ما دامت امك مريضة حاولي تهدري مع احد الاقارب اللي تشوفيه قادر يعاوندكم وينصح خوك قوليلو يهدر معاه بطريقة غير مباشرة وانت اتتبعي امرو
واذا ما نفعش اهدري مع ماماك تهدر معاه بلعقل وتفهمو في وضعيتكم بلاك يهديه ربي
المهم اهدرو غير بلعقل وبلا حس ومشاكل
ربي يهديه
امييييييييييييييييييييييين
 
رد: اختكم في الله تحتاج نصيحتكم

السلام عليكم اختي انا تاني مريت بحالة مشابهة مع اخي الصغير.رد الفعل يعتمد على عقلية الولي نتاعكم يعني شكون الراجل المسؤول عليكم.هل عقليتو ouvert ويقدر يتعامل مع هاد الحالة ولا لالا.sinon انتي احكي مع خوك وبينيلو بللي tellement تبغيه وتخافي عليه ماراح تقولي لحتى واحد وحاولي تكسبي ثيقتو فيك
 
رد: اختكم في الله تحتاج نصيحتكم

َالسلام عليكم

ربي يرحم باباك ان شاء الله وربي يهدي شباب امة محمد على مايمرون منه من فتن

اختي ادا كان خوك عندو شخص لي يخاف منو ويستحي ويقادرو بزاف هاذاك هو لي يقدر يسلكك

بصح قبل ماتروحي لهاذ الانسان

حاولي تهدري معاه وتفهميه بالشوي واقعدي راسك وراسو وبلاك تتقلقي معاه ادا تنرفز

لانو الغضب ما يحل مشاكل احكي معاه وحدة وحدة فكريه بلي راه هو المسؤول تع البيت بعد موت باباكم الله يرحمو

قوليلو ادا باباك يرضا واش راك الدير لوكان كان بيناتكم

قوليلو على الحالة لي راهي عايشتها ماماك فكريه فالصدمة لي تعيشها ادا سمعت واش راه يدير موراها

قدميلو نصائح وبالتوعضةان شاء الله ربي يهديه وادعيلو بالهداية

وربي يجيب الخير ان شاء الله

تحياتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top