رمضان يجمعنا في احلى لمة 2014

[مايا الجزائرية]

ممكن الوصفة بلييييييييييييييييييز

 

[المشتاقة لأمها]

صحا فطوركم لبنات
لينا م شااء الله يعيشك اعطيني وصفة نتاع هادي بالشرح الممممل

 

[ام ريهام]

صح فطوركم كامل يا لحباب ان شاء الله راكم بخير وعلى خير
بصحتكم كلشي راه يشهي
فطورنا اليوم حريرة طاجين حلو كبدة مشرملة ارنب في الفور سلاطة حميص ومطلوع والحمد لله

 

[الحلم الوردي]

السلآم عليكم
صحا فطوركم
فطورنا نتاع اليوم

​

 

[oumsif]

مساكم بالخير لبنات وصح فطوركم
فطورنا اليوم شربة فريك كي العادة غراتان وبوراك والسلمون مشوي الحمد لله علي هدا النعمة

 

[~lola.dz~]

saha frorkom
hada ftorna ta3 lyouma ​

 

[ام ايناس]

صح فطوركم لبنات
يعطيكم الصحة كلش يشهي وبصحتكم
انا اليوم درت حريرة وبوراك وشطيطحة جاج وسلاطة والحمد لله والله ماقدرنا ناكلو
سمورة ماعليش لعقوبة للبورطابل الجديد لولاد مايقدروش يقعدو بلا لي بورطابل

​

 

[hadda0425]

صح فطوركم بنيات راكم بخير
ملاك وايمي ولينا وفطيمة بصحتكم كل شيبالطبع
دلول اني نسنى في اليوتيوب خخخخخ
عفاف شفتي كيفاه نتعافرو ههههه
بسوم انا نتفرج فيك ونت خارج مجال الكوزينة :d

اليوم درت شربة وكاينة جلبانة وزدت مقبلة الفلفل تع ساندي بصح انا درتها في الفور مع شوية بطاطا مقلية ولحت عليها صوص تع طوماط وفوقها بيض بالمعدنوس جا ممم مرسي شوشو
مركز تحميل الصور

مركز تحميل الصور
قلب اللوز

مركز تحميل الصور
لمحلبي

مركز تحميل الصور
وبصحتكم وربي يديمها نعمة
​

 

[hadda0425]

دليلة وسمورة ولولا بصحتكم فطوركم
​

 

[ibtissam imén]

السلام عليكم ورحمة الله وبركاته
صح فطوركم
مشاء الله , كامل فطوركم يشهي , فحلات تبارك الله

 

[ibtissam imén]

سمحيلي أختي مايا الجزائرية عطلت عليك
الوصفة ; 500g فرينة ,م ك زبدة ,م ك زيت الزيتون,م ك زيت عادية ,ملح,م ك خميرة الخبز , م ص سكر , م ك لحظة , ماء دافئ باش لمو لعجينة الحشو نتي وسم حبيتي أنا عملت لحم مرحي و زيتون خضر شوحتهم في حبة بصلة و الفرماج , ماتنسايش تدهني لعجينة ب صفار البيض باه تاخدي اللون الذهبي

 

[ام اشراق]

مساكم بالخير صح فطوركم ربي يتقبل ويقدر الجميع على الصيام والقيام
بصاحتكم كامل واش طيبتوا هذى بعض اطباقى من ليام اللى فاتوا

هذا عصير الزرودية مع الخوخ مانقولكمش اكثر من رائع

سلامى الحار للاخت نوال ان شاء الله تكون بخير وعافية وكامل عائلتها.

رمضان كريم وصح صحوركم

 

[عفاف الجزائرية]

دليلة سمورة لولا ملاك حدة ام ريهام ام سيف شوشو ايمي ابتسام العفوفتين شريفة سامو نانوس روز امنياتي رغود زيدو زيدو راني نسترجع في الذاكرة صحا فطوركم غايبات وحاضراات

حدة هاذا فطورنا نتاع لبارح في خاطرك ختيتو
ودرك نحمل نتاع ليوم تصبحي عليه ههههه

مازاال نتاع ليوم ما بغاوش يتحملو راني نمتعافر معاهم خخخ
​

 

[omarwa]

بصحتهم لبنات ربي يدوم نعمتو علينا وصح فطوركم
أنا راني رايحا نصلي الفجر ونرقد مرقتش في الليل هههههه
صح سحور كم كامل كامل

 

[lina-67]

صحا فطوركم لبنات
لينا م شااء الله يعيشك اعطيني وصفة نتاع هادي بالشرح الممممل

سلام اختي تفضلي الوصفة رابي حبات بطاطا زيديلها التوابل ملح حرور كمون كيري قصبر حبة بيض مغرف فرينة و لمي كلش و شكلي كويرات حليها في الوسط شوية ديري فيها شوية فرماج و شوية باتي و لا الحشو اللي تحبي و غلقيها مليح سخني زيت غزيرة كي تسخن مليح نقصيلها النار و ابداي تقلي باش تطيب من داخل ما تكبريش الكويرة بزاف و صح فطوركم

 

[بنت السلطان]

السلام عليكم

صح رمضانكم

ما شاء عليكم ربي يتممها نعمة عليكم

 

[مهندال سعيد]

الضاهر غلطان دخلة مكان مخصص النساء اسف والله اسف
هههههههه

 

[fatima der]

السلام عليكم
ماشاء الله عليكم اكلم يشهي
افطار اليوم السابع​

 

[ام ايناس]

مساء الانوار عليكم لبنات
اممممم حدةنور الهنا وعفاف بنت السلطان فطيمة كلش يشهي من يديكم يعطيكم الصحة وبصحتكم
ام اروى ربي يتقبل منا ومنكم انشاء الله
راني نخمم واش ندير للفطور
​

 

[shahrazad]

سلااااام عليكم يالبنات
جات متأخرة مي ماعليش صحا رمضانكم تصوموه بالصحة ولهنااا ان شاء الله
الله يبارك دايما نطل على موائدكم ماشاء الله كلشي يشهي فحلات مانيتخافش عليكم
حتى اليوم باش قدرت نحط بعض الصور سامحوني

​