رمضان يجمعنا في احلى لمة 2014

[الحلم الوردي]

saha ramdanekom hbibti rabi ykhalik ida hadi el kebba a3tini la recette psq men winta barya ndirha merci w rabi yahafdek wallah tgouli ta3 souryiiine

الله يسلمك اختي
انت تانيك صحا رمضانك
هاي ليك الكبة
برنامج الطبخ الرمضاني الطبق رقم7-قناة اللمة الجزائرية-مجموعة عالم المرأة-

​

 

[FARAH-31]

rabi ykhalik merciiiii

 

[جوهرة الهناء]

السلام عليكم هدا فطورنا لليوم التالت من تحضير اختي.
شوربة

بوراك

سلاطة

لحم لحلو

لوبيا صورتها في القدرة هههههههههههههههههه

و دارت لازانيا قريب حرقتها هههههههههههه

 

[lamia-constantine]

جوعتوناااااااااااا ههههه
حنا فطورنا
شربة فريك-بوراك-لحم لحلو و شباح الصفرة-سلاطة ماسيدوان بالروز و البطاطا,جلبانة,جزر, و مايوناز و زيتون
و المااا و كوكا كولا هههههه
صحا فطووووركم كامل

 

[جوهرة الهناء]

وهدا فطورنا لليوم الرابع من تحضيري
شوربة و لحم لحلو
غراتان البادنجان محشي باللحم و الفرماج

كبدة مشرملة

بوراك و سلاطة ارز

سلاطة فلفل

كبدة مقلية

سليطة

الغراتان كي طاب

وهادو درتهوم للسهرة اول مرة نديرهوم خرجو روعة

والحمد لله على نعمتو

 

[عفاف الجزائرية]

مساكم بالخييير بناات ان شالله لاباس عليكم
شوشو شوشوشكون طلت ام الزازائرية ربي يبارك عفوفتي ديما تحفة
دليلة اطباقك واللهسخفونييي ومازال خمس سوايع واش يصبرني
الاخت ايمي مرحبا بيك ويعطيك الصحة في القمة مشاركاتك
ملاك راكي ناشطةالله يبارك بصحتكم واش درتو
لبارح فطرت عند خالتي اني صورت منبعد نوافيكم
ليوم مازال لدرك ما خممنا للفطور
نتلاقاو ان شالله

 

[ام ايناس]

جوهرة الهناء يعطيك الصحة كلش يشهي من يديكم وبصحتكم
عفوفة ماتزيديش دوري منا ههههه الجوع وواش دار فينا والله يسلمك
انا قلت ندير حريرة وكباب وبوراك وسلاطة ماسيدوان
​

 

[الحلم الوردي]

حالياً الأعضاء النشيطين الذين يشاهدون هذا الموضوع : 56 (23 عضو و 33 ضيف)
‏ملاك25, ‏3afaf.dz+, ‏لحن الهدى, ‏أم رزق الله, ‏ام نوسه, ‏ام ايناس, ‏ام بسومة, ‏بنت السلطان, ‏fatima der, ‏GI Joe, ‏ibtesem+, ‏جوهرة الهناء, ‏mimi53, ‏صابرينة 22, ‏صدقة جارية, ‏samora68, ‏SaRa QuEeN, ‏sarah11, ‏simo_a, ‏عاشقة الوردة, ‏wassila21, ‏فايزة1207, ‏~lola.dz~

اسعد الله مساؤكن
واش راكم ان شاء الله راكم
ملآح
جيت نضرب طلة برك
الله يسلمك اختي عفاف
​

 

[fatima der]

السلام عليكم الله عليكم على موائدكم لي تشهي يعطيكم الصحة
افظار يوم امس
صح فطوركم

​

 

[oumsif]

مساكم بالخير
بسومتي صح رمضانك راني نشوف فيك التحت واطباقك ما شفتهمش والا راك تصدر في الفليزة اووووووووووووووف مرض
اهلا بهدا الطلة توحشنا وجودك واطباقك وتوحشت التلباز انتاع رائد معاك في الكوزينة صح رمضانك وموائدكي . كي العادة فورررررر
تسلم ايديكم لبنات موائدكم كلها تشهي ربي يدوم الخير اعليكم راني جميتكم الكل اليوم راحة ما درتش لفطور رايحا نفطر في دار عم زوجي ان شاء الله صح فطوركم جميعا

 

[حلوم]

الله يبارك عليكم حنوناتي نشالله كي نحط الفطور نصوره انا ثاني شهيتوني

 

[عفاف الجزائرية]

والله يا دليلة ليوم قتلني رمضاااان نشوف ورقة نتاع كابريس نتخيلها قرعة ماء هههههه
على العموم ربي يبارك فيكم خياتي كاااامل الله يهنيكم
سمورة بصحتك العرضة تقلشي وزيدي صوريلنا لاشتة من تحت الطابلة تعرفينا نحبو التقرعيج خخخخ
وصلت لقرار اخير فطورنا ميني بيتزا فريت مرقاز سلاطة حميص وشربة ورحمة ربي ليوم درت كل شي شوي شوي مانعرف تكفيهم ولا يبقاو نص شبعت وليت اللي نطيبها تقعد
بسومتي وينهم الطباسى نتاعك توحشناااهم
صحا فطوركم لبنات نتلاقاو من بعد ان شالله

 

[~lola.dz~]

صحآ فطوركم كامل واهلآ بيك الحبوبة ان ندى هآدي غيبة عليكـ
انآ وليت واش طيب مآيكلوش غي الفاكيا والمآ قلك ديرولنا شربة بزاف وميني بيزا حت ىالسلاطة واحد مايكلها كان بابا برك ياكلها ودرك راه غايب الوغ ليوم حكمت العجيتة تع 10 دقايق ودرت بيها مهرجان المعجنات هههههه مي كلاوهم جاو ملاح زدت معاهم كباب و معقودة
وهكا كانت مايدتنا لنهار اليوم يا رب ادمها نعمة واحفظها من الزوال
​

 

[ام ايناس]

صح فطوركم لبنات
هههه فوفة ربي يكون معاك والله اليوم السخانة حنا تاني نمشي ونطبع في رجليا في الكوزينة وقاعدة نعيط على بلال وايناس هبلوني يطلو عليا وخايفين ههه قلو ماما هبلت هههه
فطيمة ولولا بصحتكم الفطور وكلش يشهي من يديكم
سمورة بصحتك الفطور والعرضة
غدوة انشاء الله نوافيكم بالصور
​

 

[ibtesem]

صح فطوركم يالبنات
ربي يتقبل منكم جميعا

 

[ibtesem]

 

[nina ricci1]

الله يبارك كل الاطباق رائعة صحا فطوركم يامبدعات اللمة

 

[ibtesem]

 

[الحلم الوردي]

السلآم عليكم
صحا فطوركم
فطورنا نتاع اليوم

​

 

[لحن الهدى]

انتما سخفتونا اعطونا وصفات ادا كنتم تطبخون من المنتدى لكي نجربو حابين نطبخو ماكلة جديدة