رمضان يجمعنا في احلى لمة 2014

[ام ايناس]

السلام عليكم لبنات
والله يسلمكم وربي يحليكم انشاء الله
رووووعة اسم على مسمى نورتي اللمة وكلامك صواب والله كنا كل 10 ايام نغلقو جزء واطباقك دااائما روعة
شهرة كلش يشهي كالعادة بصحتكم
فطيمة بصحتكم طابلة تشهي
انا راني مع الضياف على هاديك مانيش ندخل درت بقلاوة جديدة جاااتني روووعة وخفيفة كي نعاودها راني نصور المراحل بالاك عدوة ايدا كتب ربي
صح فطوركم لبنات
​

 

[mimi53]

السلام عليكم لبنات انشاء الله بخير
صحا فطوركم حبيباتي
يادي نور يا دي نور حبيبتي روعة جات على سلامتك حنونة انشاء الله بخير توحشتك وتوحشت طيابك الزين
ندوش وين راكي طلي علينا خلاص بطلت منشوفكش ههههههههههههههههه
شهرورة كي العادة فووووووووور
قاطمة الزهراء تسلم ايدك
البنات يعطيكم الصحة










​

​

​

​

 

[روعة2005]

ربي يقدرك دلولة ومتنسايش لاغوسات تاع بقلاوة
ميمي ياميميتا واش هذا الخير والخمير الله يبااااااااارك كلش باطبع والشان

 

[روعة2005]

وليوم قالك المسيو حب يتسحر بسكوي غولي بذوق نيسكافي ههههه طبعا الوصفة لعفوفتي الغالية ربي يجازيها كل خير

تاع اليوم سوب فرماج وغرتان سلق بالفيوند

لسهرة تاع تحلية بعصير فراز وعصير تشينة تاع الدار زدتلهم فلون وكريم باتسيير جاو ممممممم

عصير فراز بالقارص ممممممممم منعش نعنشة هههه

الحمد لله على نعمه وفضله وربي يباركنا في رزق ويجعله حلالا

 

[روعة2005]

شكرااااااااااااااااااا شهرة على الوصفات ربي يغليك ويعليك لحبيبة

 

[nina usma]

sa7a ftourkoum & shourkoooom
^^​

 

[ام ايناس]

صباااح الانوار لبنات
امممم ميمي وعفاف كلش يشهي يعطيكم الصحة وبصحتكم
لبنات اعطيوني مركز تحميل راح تاع اللمة ولا وشبيه

​

 

[fatima der]

السلام عليكم
صح فطوركم ماشاء الله عليك ميمي وشهرزاد وروعة الله يبارك يعطيكم الصحة نتوما ولجميع سيدات اللمة على تعبكم
افطار يوم امس​

 

[ام ايناس]

بصحتكم فطيمة فطور يشهي يعطيك الصحة
هادو اطباقي تاع النهارات لي فاتو
مونشتو قراتان

بوراك العجينة

فلفل محشي

وهادا فطور نهار طهارة بلال

​

 

[shahrazad]

سلام عليكم
واش درتوووو فييا يالبناااااااااااااااااات حطمتوني تحطيييييم ههههه
فووور
والله هاد ليامات حكمتني واحد الفشلة ربي يستر برك مع القاطو هداك شكون يسلكو
ربي يقدرنا​

 

[ziassia]

صحا فطوكم كاامل
واش بيكم الحالة راهي رااقدة مش كيما موالف كاااامل وينها حلويات العيد نتاعكم
المهم ان شاء الله تكونو كااااامل بخير
راني جربت البارح المشكلة وكانت تجربتي الأولى فيها م جاتنى مليحا بزااف مي الشكل شوي شوي هههههه

 

[ام ايناس]

شهرزاد والله كامل هاكاك انا راني نسحب في رجليا بالسيف مع القاطو فشلنا تاع الصح
زياسيا يعطيك الصحة جاتك المشكلة هايلة انا درت التشاراك ومازالو لخرين يسناو

​

 

[هدوء المطر]

سلآم بنآت
إن شاء الله راكم بخير
يعطيكم الصحة على أطباقكم كلش يسخف وبالطبع ربي يدومها نعمة إن شاء الله
مي ضرك راها أيامات العيد لازم تخليو شوي طاقة للقاطو، حنا البارح درنا البقلاوة هذا هو وقتها باش تشرب عسلها، والباقي راني نخمم واش نزيد ندير
صحآ سحوركم​

 

[هدوء المطر]

زياسيا يعطيك الصحة على المشكلة شكلها جا باهي تقول عندك اكسبريونس فيها
تآكلوها بالصحة والهناء إن شاء الله​

 

[ندى الأيام]

اختى هدوء المطر تديري بقلاو من درك ياخي ماتخسرش حنا نديروها ليلة العيد

 

[هدوء المطر]

اختى هدوء المطر تديري بقلاو من درك ياخي ماتخسرش حنا نديروها ليلة العيد

لالا ختي ما يروحلها والو ، بالعكس تشرب العسل مليح وتولي طرية، مي كي ديريها ليلة العيد تبقى تعوم بهذاك العسل ما تشربوش، عندك نعطيك نصيحة برك كي تعودي تدهني بين الطبقات ما تكثريش السمن بزاف على خاطر راهي السخانة رشي برك...
​

 

[ندى الأيام]

مرسي وخيتي برك قوليلي كيفاش ووين تخبيها و يا ريت نصيحة بش تجيني مورقة

 

[هدوء المطر]

مرسي وخيتي برك قوليلي كيفاش ووين تخبيها و يا ريت نصيحة بش تجيني مورقة

غطيها بساشي وحطيها في الشمبرة اللي فيها الكليماتيزوغ، أما باش تجيك مورقة ذوبي السمن وديري فيه شوية برك خميرة نتاع القاطو وادهني بين الطبقة وأختها...
أي سؤال واحد آخر تفضلي ختي​

 

[hadda0425]

سلام على الاحباب صح فطوركم وتقبل الله صيامكم وقيامكم بمزيد من الاجر والثواب
لبنات يعطيكم الصحة على ما قدمتن من اطباق رغم انو الحالة راهي فشلانة لكن درتو جهد بوركتن اخواتي
عفوفة الباتنية عودة ميمونة
ميمي مرحبا توحشناك
وين راكم غاطسين يا حراير
البشبوشة والعفوفة لمسيلية بسوم شريفة سهام فريدة زينب نور نعيمة فيفي روز ساندي .......:-r
لويزة طلي علينا لاشتى بغراتان البسباس قابلين
لعيون العفوفة لمسيلية نقولها سامحيني طولت لكن كنتي في القلب وعاودتو على جالك :$

​

بريك الدنوني التونسي من مطبخي

 

[hadda0425]

صح سحوركم لبنات
​