شكون قال بلي الانتقام يكون في الفوتبال

[yani thiziri]

مسلخير عليكم خاوتي

هذه الايامات مكانش دزيري ماهوش يحكي على الماتش تاع الالمان

كاين لي معول من دوك على الخسارة وكاين لي يقول نوقفولهم عظم

معليش نخسرو مي منخسروش بسكور كبير باش منحموش الانجاز ونخرجو مرفوعي الراس

وكاين لي يقول نصومو ونفطرو على الالمان يعني كابابل تربح الالمان 5-0 :s

واكين لي ماازال يصدعلنا راسنا بماتش 82

bon

الشيئ لي يحكو عليه ليسيبورتار بزاف هو لو كان نربحو الالمان بيان سور رايحين نخرجو كونطر

فرونسا في يوم 5 جويلية يعني في يوم الاستقلال الوطني لي هو اهم يوم للجزائريين

والبروبلام انهم حابين ينتقمو من فرونسا بالبالون يعني حابين تثأرو من فرونسا بجلدة منفوخة

وها ربي هذا انتقام ......؟ متضحكوش لي فرونساز والعالم عليكم

الانسان الواعي كي يحب ينتقم من عدوه هو بالعقل والشخصية القوية (تعتمد على بلادك وطلعها ودير

شخصية قوية ليك وتنقص من الهجرة لارض اعدائك وتشرف بلادك في اكبر المحافل الدولية وتتحرر من العبودية الفرنسية لي رانا

عايشينها وتبين لفرونسا بلي ماناش محتاجينها بحيث تكون دزايرنا قوة اقتصادية واقليمية تعتمد عليها الدول في القضايا الدولية والمهمة ويضرب بينا المثل مثل المانيا واليابان) ولو ينحقق هاذ الشيئ ثم كي تقلي رانا انتقمنا من فرونسا قلك وي معاك الحق

وصحا فطروكم​

 

[Ma$Ter]

السلام عليكم ورحمة الله
اشعب الجزائري يحكي فهاذ الامور فقط باه يطلع المورال ليه وللمنتخب
ماكانش انتقال فى الفوتبول
بارك الله فيك خويا
​

 

[صدقة جارية]

السلام عليكم ورحمة الله

والله يغيظني تفكير البعض مازال مش مقتنعين ان الماتش 90 دقيقة على ارض مستطيلة كيفاش رايح تقنعهم ان البالون لعبة فقط مش اداة حربية وعسكرية تنتقم بها أو تخوّف الغرب بها .

طبعاً الشباب مانحكيش عليه بويسك الشباب يفهموا بعضاهم مي لي تحيّرني مولاة البيت لي فجآة تصبح مهووسة بالماتش وكأن حب الوطن والعلم وُلد من كفوف اللاعبين

( اكيد البعض يتهمني بالعمالة ومانحبش بلادي معليش بلادي ماتحتاجش طونوبيلات و زغاريد يخدموا في الليل برك تحتاج يدين يبنوها ماشي يشطحولها ويغنولها وماتحتاجش محللين آنيين يفتوا خلف الشاشة )

ومرد الأمر كلّه لشباب الفيس بوك لآن الفكرة كلها انطلقت منه شباب فارغ شغل حاكم باجة بانتلوا راه حاكم جمهورية يتحكم في عقول المراهقين بدليل كي نربحوا يهيجوا ويفرحوا وكي نخسروا يولوا لاعبين مايعرفوش ووووو

قتلك الدزيري مزاجي ماعندك منين تحكملوا منطق صحيح

وفكرتني نصف لاعبي المنتخب السابقين عندهم جنسية فرنسية كيفاش حابنا ننتقموا من فرنسا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هنا باش تعرف العقل زينة


صحّ رمضانكم
​

 

[yani thiziri]

السلام عليكم ورحمة الله

والله يغيظني تفكير البعض مازال مش مقتنعين ان الماتش 90 دقيقة على ارض مستطيلة كيفاش رايح تقنعهم ان البالون لعبة فقط مش اداة حربية وعسكرية تنتقم بها أو تخوّف الغرب بها .

طبعاً الشباب مانحكيش عليه بويسك الشباب يفهموا بعضاهم مي لي تحيّرني مولاة البيت لي فجآة تصبح مهووسة بالماتش وكأن حب الوطن والعلم وُلد من كفوف اللاعبين

( اكيد البعض يتهمني بالعمالة ومانحبش بلادي معليش بلادي ماتحتاجش طونوبيلات و زغاريد يخدموا في الليل برك تحتاج يدين يبنوها ماشي يشطحولها ويغنولها وماتحتاجش محللين آنيين يفتوا خلف الشاشة )

ومرد الأمر كلّه لشباب الفيس بوك لآن الفكرة كلها انطلقت منه شباب فارغ شغل حاكم باجة بانتلوا راه حاكم جمهورية يتحكم في عقول المراهقين بدليل كي نربحوا يهيجوا ويفرحوا وكي نخسروا يولوا لاعبين مايعرفوش ووووو

قتلك الدزيري مزاجي ماعندك منين تحكملوا منطق صحيح

وفكرتني نصف لاعبي المنتخب السابقين عندهم جنسية فرنسية كيفاش حابنا ننتقموا من فرنسا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هنا باش تعرف العقل زينة


صحّ رمضانكم
​

معاك الحق في كلشي قلتيه ختي​

 

[HAMZA USMA]

صحيت
​

 

[luna lunitta]

ربي يسلم هذاك الفم خويا

 

[fufa22]

صحيت

​

 

[ضيوف وسـنغادر]

هه ؟ قيل انتقام قيل
جزائريون جنسيتهم فرنسية+لغة رسمية فرنسية+مكتسبات فرنسية +احتلال فرنسي
ماتقولوش انتقام قولو تبيان للفرنسة ​