تارت مالحة بالجبن والدجاج والبطاطا المقلية - من مطبخي -

Nilüfer

:: عضو بارز ::
أحباب اللمة
إنضم
15 أكتوبر 2011
المشاركات
11,103
نقاط التفاعل
16,877
النقاط
351
السلآم عليكم ورحة الله وبركآته

اليوم جبتلكم تآرت مآلحة سآهلة وخفيفة وتحتاجش بزآف مقادير

ومكوناتها بسيطة نتمنى تنآل إعجابكم

أولآ

فيما يخص العجينة أنا دائمآ في كل معجناتي نستعمل وصفة الأخت ندى الله يجازيها

http://4algeria.com/forum/threads/215106/

وجديها وخليها تخمر


في هدا الوقت حضري الحشو

اقلي كمية من البطاطا وخليها على جيهة

ثم في مقلات حطي حبة بصل مقطعة مربعات صغيرة مع شوية زيت وملح وتفاوه

وكي تدبل شوية زيديلها كمية من الدجاج المقطع شرائح صغيرة مع التحريك حتى يتغير لونو ويطيب

زيديلهم2 حبات كبار طماطم مرحية بدون قشرة

سنة ثوم

ملعقة صغيرة طماطم مصبرة

ملعقة سكر لنزع الحموضة اللي في الطماطم انا ما درتهاش مي صآحبة الموضوع الأصلي اللي شفتو

في منتدى آخر زادته


خلي الكل على نار هادئة حتى تتركز الطماطم لكن مالازمش ينشف الخليط يبقى شوية جاري وكي

تطفي النار زيدي زيتون اخضر مقطع شرائح


نرجعو للعجينة

كي تتخمر العجينة قسميها على 2 حلي الكويرات على سطح مرشوش بالفرينة

الكويرة الاولى فرشيها في صينية مدهونة بالزبدة


وفرغي فوقها نصف كمية الحشو


وديري فوق كمية البطاطا المقلية وقطع من الجبن


ثم فرغي كمية الحشو اللي بقاتلك وسقميه بالملعقة


و الكويرة الثانية بعذ ماتحليها قطعيها شرائح بالجرارة ولا بالسكين وحطيها على الوجه كيما الصورة


وكي تكمليها كلها ادهنيها ببيضة مخلطة مع شوية قهوة


وعمري الفراغات بجبن مبشور

do.php


ورشي جلجلان وسينوج فوق شرائح العجين وممكن تزيدي بزيتون اسود انا ماكانش عندي

ودخليها لفرن ساخن حتى تطيب وتاخد اللون كيما في الصورة قطعيها وقدميها



do.php



do.php


وهادي لاول وحدة ترد ومعاها غرفية حريرة

do.php


المرة الجاية إذا حيانا الله نجيبلكم الحريرة تع تلمسآن


 
تارت روووووووعة
تالمو شهيتيني بيها
يعطيك الصحة اختي
ان شاء الله نسييها
بصحتك
 
يممم يعطيك الصحة يا لشاطرة جاتك هايلة

في انتظار الحريرة التلمسانية
 
mmmm yatik el saha jatek chaba bzzzf thabel w ana hada ma nebri rir had el swallah
merciii
 
شكرآآآ لكن أخوآتي

أسعدني مروووركن​
 
تبان بيننننينة يعطيك الصحة ياالفحلة​
 
bayan man la photo bnina merci 3ala al a9al anaw3o fal kozina
 
دو ريآن هههه

شكرآ ليك عالمروور حبوبة

 
اااااااااااااااااااااااااااااااااااااامممممممممممممممممم
رااااااااااااااائع
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top