مقارنة بين عقلية الالماني وعقلية الدزيري

الحالة
مغلق ولا يسمح بالمزيد من الردود.

yani thiziri

:: عضو مُشارك ::
إنضم
13 مارس 2014
المشاركات
329
نقاط التفاعل
833
النقاط
31
سلام خاوتي صحا فطوركم

مكانش لي ما شافش البارح لافينال ديال المونديال بين الالمان والارجنتين

الالمان بيان سوغ داو la coupe بكل جدارة واستحقاق بعد ما كلاو البرازيل ب 7 ورحموهم فوقها

مي كي كنت نسمع المعلق نسمع فيه يقول الالمان ليسو فوتبول فقط بل الالمان عقلية

ومعاه 10000 حق بعد 6 سنين من الجد والكد والسيريو مع مدرب عندو بروجي تكلو عليه وخلاوه يخدم

مام هو ماخيبهمش وفي لافان كيما راكم تشوفو اهم اسياد العالم.......

مليييييييح

انا ماشي هاذو لي حاب نحكي عليه مي حبيت نوصلكم الفكرة من هاذ الماتش

كون تروح تقرا على الالمان في اي دومان تلقاهم يتميزو بالسيريو والدقة والصراحة واحترام الوقت

اي بار ايكزومبل نشوفو هيتلر لي قريب حكم العالم والشيئ هاذ لي دارو موش وهو قاعد وداير سيقار

ورجل فوق رجل ويقول انت دير وانت افعل NO هاذ الشيئ لي دارو كامل بلامزية عقليتو لي كان يتحرك

بيها ويتعب ويخدم وكان سيريو والفنيان يطير راسو ولي هي العقلية النازية يا صديقي الروجي

وكون تشوف اقتصادهم لي يضربو بيه المثل باقوى الاقتصادات ويعتبروه اقوى اقتصاد اوروبي

واي حاجة تجي من الالمان يقلك اديها وتخافش صوا طوموبيلاتهم صوا لبسة صوى اي حاجة

ودوك نروحو لطوموبيلاتهم BMW,AUDI,mercedes,volkswagen,porsche,maybach ولاليست طويلة

والدوموند كحلة على طومبيلاتهم في كل العالم لي معروفة بالفخامة والصوليد والكونفورم والرفاهية

والسرعة مام الطوموبيل القديمة لي عدهم كيما mercedes ولا BMW تلقاها مزالها على ديدانها وتعجبك

بزاف وماكاش طوموبيل من نوع اخر تشد وتبقى صوليد كيما تاع الالمان

والالماني تلقاه يشرب بزاف ومكاش شعب يشرب كيمهم مي تلقى الالماني في وقت السيريو سيريو

وما يبذرش دراهمو ويقتصد ويتكل على روحو ويخدمو بلادهم وينتجو وميستوردوش

وفي السياسة لالمان قوة سياسية ضاربة ومكانش لي ميعرفش انجيلا ميركل لي معروفة بالمراة

الحديدية خطراكش تحب غير الخير لبلادها وسيريو ولالمان كلمتها مسموعة بين الدول العظمى

وجيشهم مكلاسي ساتيام وقادر يحتل اي دولة

وفي sport راكم تشوفو البارح وفي اي sport بار يكزومبل تلقى جووار من البرازيل يروح للوروب

ميلقاش راسو خطراكش مالف بالسخانة ولوروب فيهاالبرد مي العكس الالماني تلقاه يلعب في اي بلاد

ويتاقلم مع اي جو

وتلقا الالماني اذا دخل الاسلام يدخلو على حق خطراكش عقلية الاسلام كي عقلية الالماني

وكاين امور بزااااااف وانتم غير اقعدو عاندو في لاكوب تاع Marco Reus وMario Gotze

والدزيري مانيش قادر نكتب عليه راه كل واحد يعرف روحو

الالمان ما وصلوش لهاذ الشيئ موهبة من عند ربي مام احنا قادرين رانا كامل ولادت 9 شهر

مي السيريو والنظام والصراحة خلاو العالم يشوفهم هاك

مي وشمن نهار نشوفو الدزيري يوصل لهاذ الشيئ​
 
آخر تعديل:
السلام عليكم ورحمة الله وبركاته
الانضباط والعقلية لى تشوفها فى اروبا عامة والمانيا خاصة كلها بسبب خوفهم من النضام والقوانين
الصارمة
لاكن كل هذا لا يعنى انها حياتهم فور
كل بلاصة فيها كامير كل ما تعمل حاجة لازم تخلص وووو
علابالك راهم رجعو الات
بارك الله فيك خويا
وشكراا على تميزك الواضح فى القسم

 
السلام عليكم ورحمة الله وبركاته
الانضباط والعقلية لى تشوفها فى اروبا عامة والمانيا خاصة كلها بسبب خوفهم من النضام والقوانين
الصارمة
لاكن كل هذا لا يعنى انها حياتهم فور
كل بلاصة فيها كامير كل ما تعمل حاجة لازم تخلص وووو
علابالك راهم رجعو الات
بارك الله فيك خويا
وشكراا على تميزك الواضح فى القسم



وعليكم والسلام

اكثر شعب منظم في العالم هو الالمان

خويا كفاش شعب ماشي منظم حياتو ماتكونش فور

هوم يطبقو في كل تعاليم ديننا لي تحث على العمل والسيريو

وعدم تضييع الوقت والنظام والصرامة كفاش ماتكونش حياتك منظمة

ومارسي على رايك وصحا فطورك
 
يا ودي واش جاب لجاب
بصح حنا نقولو ان شاء نوصلو هاك
و العبد يخدم على الاخرة و خلاص
و حنا نحمدو ربي على نعمة الاسلام
 
matnsach haja rahoum faytina b3alem rana hna rir fi l3alm thaleth !! wmadam faytk b3alm rahou yfoutk fi kolch wach ygholo nass bkri li faytk blaila faytk bhilla homa 3alm kaml wmayfotonach fi mizak
 
الفكرة وصلت
لكن في الكرة .. الامر مختلف قليلآ
يعني وين كانت الانضباط والاقتصاد القوي لما خسرت من اسبانيا بل 2010 ؟؟!
او من ايطاليا بل 2012 ؟؟؟
 
يا خو احنا لوكان نطيروا ما نلحقوش بالالمان وسيرتو فالسيريو تاعهم والنظام
ربي يبارك عليهم ماشي جدهم هتلر يا محاينك


مبروك عليهم الكاس يستهلوها
 


:d
هههههههههههههه

والله ضحكني ردك

علاه ياك راهي تبدا من الرئيس ل مصحصح تاع الصح ههههههههههههههه:p

+

الوزير اللي العربية مايعرفش يقراها .............الخ:$





ياو اسكت برك خلينا عند بعضنا بزاف علينا

ديجا هاذ الرئيس حتى وهو صحيح كي نشوفو نحسو خابط حبة pاركيديل

ايملا كي شافو رئيس الشعب مدروgي قالو لازم الشعب ثانيك يكون مدروgي

وكثرولنا غير من الدواء والكيف والقرعة هكذا باش تتعدل المعادلة ويطيح الرئيس على شعبو

وكيما راك تشوف العشب كامل مداوي​
 
آخر تعديل:
يا ودي واش جاب لجاب
بصح حنا نقولو ان شاء نوصلو هاك
و العبد يخدم على الاخرة و خلاص
و حنا نحمدو ربي على نعمة الاسلام

ههههههه قلتي العبد يخدم على اخرتو

مي لي يخدم على اخرتو ملازمش يكون فنيان
 
matnsach haja rahoum faytina b3alem rana hna rir fi l3alm thaleth !! wmadam faytk b3alm rahou yfoutk fi kolch wach ygholo nass bkri li faytk blaila faytk bhilla homa 3alm kaml wmayfotonach fi mizak

لالا هاذي تاع فايتك بليلة فايتك بحيلة يقولوها على واحد كي يكون كبير عليك

مي هوما فايتينا بتخمامهم اكي فاهمتيني ختي ؟؟

التخمام المصحصح عدهم وماعدناش
 
ههههههه قلتي العبد يخدم على اخرتو

مي لي يخدم على اخرتو ملازمش يكون فنيان
هههه يعني كل واحد عندو حسابو في الاخرة على حساب اعمالو
و لازم ما يكونش فنيان هههه
 
يا خو احنا لوكان نطيروا ما نلحقوش بالالمان وسيرتو فالسيريو تاعهم والنظام
ربي يبارك عليهم ماشي جدهم هتلر يا محاينك


مبروك عليهم الكاس يستهلوها

اااا ختي رانا كامل 9 شهر كفاش منقدروش نلحقوهم

قدارين نولي خيرمنهم
 
مهما كان يبقاو شعب همجي واه ماكن لاه تستغرب يفتاقرو لاهم نظام هو النظام اسلامي
في بالك خلطة لي عندهم وانفلات اخلاقي عادي ابدا مانتفقش معاك مالقري كاين امور قلتهم صح وهي التطور لي ارتبط بسياستهم المستقطبة للادمغة ماشي بحال سياستنا وساسينا المفرنسين
لانو يا اخ نحن قوم اعزنا الله باسلام
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top