البنات و......الماكياج

الحالة
مغلق ولا يسمح بالمزيد من الردود.

7anin el 9ods

:: عضو مُشارك ::
إنضم
18 جوان 2014
المشاركات
152
النقاط
13
السلام عليكم
اليوم حبيت نطرح هاذا الموضوع اللي اصبح في بلادنا phénomene ظاهرة منتشرة بزاف وهو البنات و الماكياج
البارح كنت في محل لادوات الزينة نحضر لعرس اختي لقيت بنوتة تشري في الماكياج وفهمت من كلامها مع صديقتها انها تشريه من اجل..............الجامعة.
اسمحولي نحكيلكم هاذي الطرفة اللي سمعتها في الشارع...كان شاب في ال 20 قاعد ولما جازت عليه واحدة دايرة كيلو ماكياج قالها..ربي يبعد عليك العين....ويقربلك الصابون:d العين بمعنى صنبور الماء:d.سقسيت مرة اخي الصغير عندو 22سنة في عمرو وشرايك في بنات اليوم...قالي لبنات ولاو كامل يتشابهو..كامل كيما مايكل جاكسون:s جبس ابيض مع صبيغة زرقاء وحمراء.
انا نظن ما ولاش كاين تميز في لبنات parsk كيما قال خويا ولاو كامل متشابهين.مارانيش contr الاهتمام بالجمال mais ماشي برسم لوحة بيكاسو على الوجه.عندي صديقتي في عرسها بانت كالشمس المنورة وحسيناها فعلا متميزة وجديدة لانها ماكانتش تلعب بزاف بوجهها doncماكياج الحفافة بان عليها.
ننصح الامهات de temps en tempsيراقبو حقيبة يد بناتهم..malgré شفت امهات ربي يهديهم يشجعو بناتهم على الماكياج ويفرحو بيهم..ومبعد كيتصرا المشاكل يقولوا ياريت اللي كان ماكان
 

أم راضية ~_

:: عضو متألق ::
إنضم
4 جوان 2011
المشاركات
3,063
النقاط
191
السلام عليكم
موضوع جميل و واقعي
الكوبيي كولي حتى في الوجوه (ربي يسترنا )
بارك الله فيكِ
لكن الموضوع مكانه ليس هنا يناسبه واش راك تهدر احسن
والله اعلم
 

Nilüfer

:: عضو شرفي ::
إنضم
15 أكتوبر 2011
المشاركات
11,104
النقاط
351
موضوع حساس جدا حقا انتشرت بزاف هاد الظاهرة ولينا نلقاوا بنات 12- 13 و14 عام دايرين الماكياج والمصيبة معا ماتهم وفرحانين بيهم

والله كارثة

اصلا المرأة ما يجوزلهاش تتزين لغير المحارم

والماكياج برأيي ينقص جمال الفتاة ماشي يزيدو

وما عندو حتى فايدة غير انو يفسد الوجه ويدير المشاكل

نصيحتي خليكم طبيعيين ماكان لاه هاد التبهديل

والزين تع الصح موجود فالقلب والعقل ماشي فالوجه

سلآم

 

zagane

:: عضو بارز ::
إنضم
2 جويلية 2007
المشاركات
5,337
النقاط
1,401
محل الإقامة
معسكر
الجنس
ذكر
السلام عليكم
البنات ليوم صبحو تحت قناع البنتورة
الجمال الحقيقي هو بعد الاستيقاض من النوم الطويل
لي يحب يخطب يبعث امه الصباح بكري يصيب كل شيئ على طبيعته
لعن الله امراة تتزين لغير زوجها ومن مازالت لم تتزوج فلمن تتزين ادا
 

السائحة

:: عضو منتسِب ::
إنضم
2 سبتمبر 2011
المشاركات
36
النقاط
3
السلام عليكم ...

لما نتأملو في الطبيعة : أزهار نباتات شجر شمس قمر نحسو بالراحة ونحبوهم .. تخيلو الشجرة ما تعجبهاش روحها وتصبغ روحها ولا غزالة تسخف على ودنين كما القطة ههههه والا عصفور يحب يدير ذيل كيما فرخ الطاوس هههه ... كلشي تخيلناه يجينا سامط وماعندو حتى معنى ... هكاك المراة اللي تقيل تبنتر وتصبغ وتبدل في خلق الله ..
 

Moha le sage

:: عضو شرفي ::
إنضم
15 مارس 2009
المشاركات
8,013
النقاط
851

الماكياج عند البنات يتفرق .. كيما تتفرق عقلية البنات


كاين لي تدير حاجة خفيفة و كاين لي ترسم وجها ..


الانثى بخلقها تحب تكون شابة و باهية .. بصح الأمور ما بقاتش بسيطة كي بكري مع لامبروطاسيون تاع لي برودوي كوسميك و جميع انواع لاتانت و لي pودغ .. تاع البشرة ..تاع الشعر ..الخ

بصح ديفوا نحمد ربي ما زال ما تطورناش كيما شي بلدان وولو يديرو لاشيروروجي ايستيتيك و يكبرو ..... و يصغرو ... و ينقصو من نيوفهم و يتيريو خدودهم ...


اللي بغا يتزوج ما يشوفش في بنات العرس ... و اذا عجباتو وحدة ولا عجبت ختو ولا أمو .. كي يجي يخطب يطلب منها ما يشوفهاش بالماكياج ولا تدير عفسة خفيفة زعما كحل برك ... و هكذا ما يتخدعش و ما يرقدش معى ليلى علوي و يصبح على سلال القلوب ;)..

بصح في نفس الوقت الذراري ثاني يديرو أمور كثر من البنات .. هاذي سراول ضيقة و مقطعة و هابطة على .....

هاذي شعور ملوية و طالعة و باطة جال كل صباح و بوك تاع دالبيرو و لي pات تاع معرف شكون و تحفيفة تاع بيكهام ...


ووسط هاذا كامل و الله ما تغيضني لا اللبسة لي يلبسوها الذراري ولا البنات .. ولا تغيضني الزينة لي يديروها ..ربي يسهل على كل واحد ...تغيضني العقلية لي مكانش .. المخ الفارغ .. خدمة اليدين لي زيرو .... تغيضني وينهم ذوك النسا ... و ذوك الرجال .... لي كانو ...




 
آخر تعديل:

هشام رضا

:: عضو مُشارك ::
إنضم
7 ديسمبر 2007
المشاركات
259
النقاط
509
هذا كامل من سياسة غسيل الادمغة لي بداها المتنورون
بصح وشيه الفايدة كي تبين طفلة زينها لكل الناس ويعشقو فيها على جال جسدها وزينها زعمة وممبعد يتزوجها عام وزوج ويرميها
الصح لما تكون لما بقلبها تعرف ربي وتضحي وتصبر وتعاون
 

الميزان

:: عضو مُتميز ::
إنضم
3 فيفري 2010
المشاركات
1,132
النقاط
43
العمر
25
عندك الحق ماكانش كيما الجمال الطبيعي

نفس شكل الحواجب نفس شكل العيون نفس لون البشرة عند كامل لبنات رجعو يتعاندو حت في لاطاي لازم نسمان من هد الجهة ونضعاف من هدي الجهة ربي يستر علابالك مرات الواحد يقول الحمد الله على نعمة العقل قليل الي يعرف معناها ربي يهدينا ويهدي بنات المسلمين

ماعنديش يومين كنت في عرس صحبتي كامل الي في العرس شعرهم اصفر +كامل لابسين نفس نوع الفستان غير الالوان تختلف سولت صحبتي قلتليها انتي قلتيلهم يديرو كيما هاكا كيما الاشبينات نتاع الماريكان قالتلي نونو وحدهم تعاندو

وكلنا نعرفو الجمال الطبيعي غير هو الي يبقا والبنتورة كي تتمسح يبان الصح
 

ازهار الربيع

:: عضو مُتميز ::
إنضم
11 جويلية 2010
المشاركات
1,124
النقاط
51
شكرااااااااااااااااا لك
موضوع في وقتو
انا نقول اللي عندو نقص في حوايج اخرين يفرغهم في وجهو
مالغري مازالو بنات صغار على لحوايج هاذو
ربي يهدينااااا
 
إنضم
8 فيفري 2013
المشاركات
782
النقاط
51
العمر
21
الحمد لله مانيش من هادا النوع تا لبنات
^^
و مانشري ما نخسر دراهمي على حوايج هاكا
ايه l vrais
كاين بزاف بنات يديروه بطريقة تخيلية :p
الله يهديهم
 

"Màrià"

:: عضو متألق ::
إنضم
3 سبتمبر 2013
المشاركات
3,451
النقاط
191
ايه راكي تشوفي ,, ربي يهدي ما خلق
2 كيلو تاع ماكياج ف وجهها يا محاينك ! و الله الدراهم لي يشرو بيها ذاك الماكياج توكلهم حياتهم كاملة
انا يعيفوني -_- ‘‘‘

ربي يجيب الخير هذا ما نقولو
 

lizou

:: عضو مُشارك ::
إنضم
12 أكتوبر 2011
المشاركات
187
النقاط
7
bon awalan nechkrek o5ti l karima 3la had lmado3 ra2i3 mais nti fi mawdo3ek 3lah madkertich anha had chi yo3tabar 7oriya cha5siya ya3ni tefla ki te5rej te5rej me dar w yemaha chafetha c vrai la faut ta3 lyemat marahich tethela fi bentha mais kaynin les autre balak mchawhin balak 3andhoum 3ib c pour ça y5abiweh bel makeup mais nti raki derti 7okm 9bel mat7ali lwa9e3 c pur ça michi ay wahda daret makeup ça veut dir picasoo ok mrc
 

BiG JoE

:: عضو مُتميز ::
إنضم
3 أوت 2010
المشاركات
628
النقاط
51
اييه دايرين في رواحهم قصة بالماكياج و يرسمو حواجبهم وما نعرف وين رايحين بيها لعقلية هدي
وسيرتو هادوك لي يرسمو حواجبهم شرعا حرااام لأنه تنمص وراكم عارفين حكم التنمص والوشم وهو اللعنة والعياذ بالله
وزيد المرأة في الشرع تتزين لبعلها لا غير بالصح عندنا هنا تضرب فيها 3 كوش تاع ماكياج و قرعة بارفان ولا دودورون ' تاع 200 ميل ) وتخرج تبهج في الشارع ......لا لا يا وسمك لأنو تعتبر زانية وراكم تعرفو حكمها ديجا ...
نقولو جاهلين ؟؟ لا راها هابطة للافاك تقرا زعمة يعني علابالها نورمالمون
نقولو نقولو ما تعرفش لازم راهي عندها في الدار على الأقل أب أو أم أو أخ يفهمها
اللهم اذا عقلية ضرك يتوب عليا ربي ويغفرلي ضرك راني مازالني صغيرة معليش .... ثمة نقولو يهدي الله من يشاء ويظل الله من يشاء
ما بقاتش معاهم هدرة ولا موعظة
 

7anin el 9ods

:: عضو مُشارك ::
إنضم
18 جوان 2014
المشاركات
152
النقاط
13
الحمد لله مانيش من هادا النوع تا لبنات
^^
و مانشري ما نخسر دراهمي على حوايج هاكا
ايه l vrais
كاين بزاف بنات يديروه بطريقة تخيلية :p
الله يهديهم
نستعرف بيك ختي ...خلي الماكياج لزوجك باش تاسريه بجمالك :up:
 

كاتمة الاسرار

:: عضو مُتميز ::
إنضم
12 جويلية 2014
المشاركات
1,009
النقاط
71
هههههههههههههه
علابالك بلي كي نقرى حاجة هاكذ ولا نسمع كيما هاكذ يجيني الضحك
كاين بنات ماشاء الله ........................وكاين انا نعوذ منهم
مي الحمدلله انا وحدة متقية ونعرف كيفاه نمشي في هادي الدنيا الغدارة
ميرسي​
 

~Rita Queen ~

:: عضو شرفي ::
إنضم
24 جانفي 2013
المشاركات
3,387
النقاط
191
ههههههههههههههههههه ه عجبتني هذي تاع مايكل جاكسون

انا ضد الفتاة الي تخرج من الدار بالماكياج وسيرتو تروح تقرا تقول عليها معرسة

يخصها غير القفطان :d:p تقول ماعندها خوها و لا بوها يحكم فيها ،

ربي يهدي ماخلق ويستر جميع بناتنا

شكرااا على الموووضوع

:regards01:
 
الحالة
مغلق ولا يسمح بالمزيد من الردود.
Top