السلطة رولي بالخضر

[ام هبة سيرين]

بسم الله الرحمن الرحيم
جبتلكم وصفة نتاع الخضر ساهلة وبزااااااااف بنينة انا وحدة والله مكنت ناكل البيتراف اي الشمندر
ولكن مين جربت الوصفة كليتها و عجبتني
المقادير
2 حبات بيتراف
2 حبات جزر
2 حبات بطاطا
3 بيض
بصل
علبة تونة
مايونيز وملح
نحطو البيتراف يتغلى وحدو في اناء و نفس الشىء للبطاطا و الجزر و البيض على حدى باه البيتراف ميتلقش لونو فيهم
و الخخضر توجدوها من قبل تغلي و تحطوها 2ساعات تبرد فالثلاجة من بعد لما يبردو ساعتين
نحطو البلاستيك الغدائي و نحكمو كل الخضر ونبرشوها كل وحدة وحدها
من بعد نحط طبقة الاوالى بيتراف مبشوورر ونضغط على شكل مسنطيل من بعد نضيف رشة ملح و طبقة مايونيز بعدها نحطو طبقة جزر و نفس الشيء بلا ما ننساو الملح و المايونيز في كل مرة و كل طبقة ونواصلو كل الخضر و في كل مرة الملح والمايونيز البيض البطاطا التونة البصل لما نجي لاخر حاجة نحكم البلاستيك الغدائي و نلوي حتى نكمل نحطو فالثلاجة يبرد 3 ساعات من بعد نجبدو ونقسمو تخرجلنا سلطة رولي
وبالنسبة الي جاتها صعيبة تقدر تحطها في مول وتتبع نفس الخطوات تفرش الورق البلاستيكي في المول و تحط المكونات بالترتيب بدون ما تنسى الملح و المايونيز بين كل طبقةو تخليه يبرد و تقلب الصحن وتزينو الاخت كيما حبيتي و بالصحة و الراحة
انا حطيت الاولى في مول اوفال و قسمتها على اثنين