طلب وصفة .

¬Đỉaмơŋđ ✿

:: عضو شرفي ::
إنضم
19 أكتوبر 2013
المشاركات
3,275
النقاط
191
محل الإقامة
Jijel
السلام عليكم ورحمة الله وبركاته


تحية طيبة للجميع
خواتاتي قصدتكم باش تعطوني وصفة مجربة لمقروط الكوشة لأني جربو خطرة وماجانيش مليح كيما تمنيت ووصفة أخرى للمقروط اللي يتقلى فالزيت .. نحتاجهم للعيد إن شاء الله
يآريت لو تكون الوصفتين عن تجربة وبالصور إن أمكن

بآرك الله فيكن مقدما وصحا فطوركم
 

الحلم الوردي

:: عضو شرفي ::
إنضم
21 مارس 2010
المشاركات
44,617
النقاط
1,191
محل الإقامة
عالم النسيان
الجنس
أنثى
مقروط الكوشة
كي الطيبيه في الدار يجيء يابس على هدي لازمك الطيبيه عند الخباز
العجين
المقادير
علبة مرغرين لابال 250غ ننزع نصفها ونملا الفراغ بالزيت نتحصل على كيلة مرغرين + نص كيلة زيت اخدميهم مليح بيدك حتى يتجانس الخليط
اضيفي صفار بيضة وكملي خلطي بيدك مليح
اضيفي 3 كيلات دشيشة يعني سميد منزوع منه الرطب وحكي جيدا بالايدي + شوية ملح
اضيفي 2 كيلة فرينة ونص خميرة كيميائية حكي مليح بالايدي

الان اعجني باصابعك بحوالي نص كيلة ماء بارد او اكثر بقليل
غطيها بكيس نايلون وخليها ترتاح ربع ساعة
حضري لوازم العمل فرينة وسكين نقاش والغرس والطابع
اقسمي العجين على اربعة والغرس على اربعة
سطحي العجين حرابيش بطول 50سم وعرض 7 سم خلي الفراغ بيناتهم
ضعي وسطهم الغرس
لميهم مليح واضغطي جيدا ما تخليهمش مفتوحين
نمرر السكين تحت الحرابيش اتسهيل عملية قلبهم
نقلب جميع الحرابيش لان الجزء السفلي انعم من العلوي لتفادي كثرة التشققات الناتج عن عدم جمع العجينة جيدا
ننثر فوقها الفرينة لتنعيم اكثر ولملا الفراغات او التشققات ولتفادي لصق العجينة في الطابع ونمسحها باليد
نستخدم كيس بلاستيكي لتنعيم وضبط شكل الحرابيش نضع الكيس فوق الحربوش ونملس الجوانب والسطح
شوفوا كيف اصبحت متساوية وناعمة للحصول على نقش جميل
نكمل عملية التعيين في جميع الحرابيش
ننقش
نستفوا الحبات في صينية

ندخل الصينية للفرن المسخن مسبقا كي يطيب من اسفل نحمروه من فوق
نخرجه ونسقيه بالعسل وهوساخن والعسل بارد باستعمال ملعقة ونسكب على جميع الحبات
خليه يبرد تماما والشقوق تتلم وحدها ثم انزعي الحبات برفق وبواسطة سكين

 

ندى الورود

:: عضو شرفي ::
إنضم
13 أوت 2008
المشاركات
5,789
النقاط
351
شوفي موضوعي
برك تبعي الخطوات وتقيدي بالمقادير يعني ديري 2 كيلات سميد رقيق تكون الكيلة ممسوحة
وكيلة سمن ذائب وبارد تكون مملوءة
وثاني لازم يكون السميد نوعية جيدة ويكون يتشرب السوائل اللي ما يتشربش السوائل ما يجيكش مليح
جربي بكيلة صغيرة وشوفي
انا هاذي هي طريقتي تاع المقروض والله يجي يهبل وبنين والبسوس تاعو معتدل
مقروض الكوشة على طريقتي



 
Top