الخطيب يصرف على خطيبتو او العكس...

7anin el 9ods

:: عضو مُشارك ::
إنضم
18 جوان 2014
المشاركات
152
نقاط التفاعل
245
النقاط
13
السلام عليكم ورحمة الله في هذا الموضوع ..
دون مقدمات طبعا موضوع كيما هذا فيه جانب تع فتوى وانا لست مفتية بصح الحمدلله مسلمة ونسعى ديما انو نثقف في الدين.
ربي سبحانو يقول//الرجال قوامون على النساء// المرا كيتكون في عهدة باباها هو الولي نتاعها اللي يطعمها ويكسيها والخطيب اللي مازال ما وقعش معاها عقد شرعي مازال يعتبر غريب عليها ومش مفروض عليه انو يصرف عليها...وهذا شيء يرفع من قدرها وقدر باباها..راني شفت رجال بعد ماتزوجو عايرو نساهم وقالولهم بللي حنا كنا نوكلو فيك نتي وداركم;) بعد الزواج المرا تصير في عهدة راجل وهوا اللي يصرف عليها وماشي مفروض على باباها يبقى يصرف عليها وهدا تاني يرفع قدر الزوج عند نسيبو وراكم سمعتو اكيد عن رجال بعد الزواج يبعتو نساهم لدار والديهم بالشهر باش يتهناو من مصروف الشهر.كاين بعض العايلات ميحبوش تكون مسافة كبيرة بين الخطوبة والعرس غير باش يخفو على الشاب المسكين هذي المصاريف الزايدة.
الشق التاني عن الموضوع هو المرا اللي تصرف على خطيبها وهذا شي نادر مي كاين..المرا اذا اخذت من مال باباها دون علمو واعطاتو للخطيب اللي شرعا مازالو غريب مادام ماكانش عقد بيناتهم ..وش يسمو هذا الشء:s.اذا كان هو اللي يرغمها بطريقة مباشرة او غير مباشرة فلازم تقول لدارهم باش يسقسو عليه مليح ممكن هو ناس ملاح و تكون هادي صنعة فيه ويقدر يتخلى عليها بالنصيحة هنا ينصحوه ومايفرطوش فيه لانو الرجال نقصو:d..واذا كان مش قادر يتخلى على هدي الصنعة فلازم يفكرو مليح الوالدين قبل ما يعطيولو بنتهم
هذا راه مستقبل وعمر وممكن مرة اخرى يطلب منها تخرج تخدم رغما عنها غير باش تجيبلو دراهم.واللي تصرف على خطيبها او حتى راجلها راهي تعلمو تفينيين الكسل.راني متاكدة انو ماكانش شاب يقبل خطيبتو او مرتو تصرف عليه لانو الدين نتاعنا ترك للمرا حرية التصرف في دراهمها اذا حبت تعاون بيهم الراجل في امور البيت او تعطيهم لاقاربها المحتاجين او تتصدق بيهم..
 
بارك الله فيك على الموضوع الرائع و مع الاسف واش قولتي صح راه يصرا بصح في رائي الرجل لي يفرض على مرتوا ولا خطيبتو تصرف عليه مش رجلة لازم يراجع نفسوا مليح على خاطر يتحاسب عليها
 
واش نقولك ربي يحفظك وجمعة مباركة

هاد الظاهرة انتشرت بزاف وهي ........... اهم عامل من مسببات الطلاق بعد الزواج


كي نقولوا راجل يعني يعي بمسؤوليته وقادر على باه يدبر قوت يومه لوكان من الحجر

وكي نحكوا على حاب يدير الدار يقولك
لازم يكون عارف بلي العشرة مضاعفة المسؤولية غادي تولي عنده زوجة وابناء شفتي المسؤولية زادت علاه على جال المصاريف زادواااا

..... وكي نقولوااا راجل ...... يعني رانا ندكروااا بلي عنده النيف والكرامة


وادا هو خطب....... والمراة بدات تصرف عليه عرفي بلي ...... هدا الشخص ليس مسؤول وهو فقط يريد تمضية وقت وحتى لو يجمع بينهما الله لكن ستكثر مشاكل جمة بعد الزواج

...........................................

الراجل يحتاج ماشي لالا بصح عمره ما يتقبل مال المراة الا ادا كان متزوج بيها ولا عاقد عليها ويكون في وضعية جد حساسة حاب يدير مشروع سكن ولا حاجة باه تسلكهم ويعيشواا مليح بصح هو ثاني يكون عنده المال

وادا كان باه يتقهوى ولا يشري سيارة ولا المهر ديالها تدفعه هي وتمده له باه نهار يجي يدفع يرجعه لها غير باه يقولوا هو جاب .......... راهي تحشي لروحها
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top