تم الاعتماد
" و قل لن يصيبنا الا ما كتب الله لنا "
حتى لو كان هناك حسد و غيرة الا انهم ما يقدروش ياذوك الا اذا ربي سبحانه أذِن لهم بذلك
شوفي اختي كيفاش راهي علاقتك مع ربي سبحانه؟
حاساتك بعيدة شوي
و اصلا هذه الحالة تكون لما يكون صراع بين الشخص و نفسه و ما يكونش راضي على نفسو
و الواحد قد ما يبعد على ربي قد ما يصاب بالاكتئاب و تروحلو المتعة بالحياة و العكس صحيح
انساي مشكل العين و الحسد لانهم مش هوما المشكل
و عاودي راجعي نفسك
حياتك مش بين يدين الناس لي يحسدوك ولا لي يعينوك
بل هي بين يدين رب العالمين و الشدة غير فيه
و اصلا لوكان كنت تحصني نفسك بالصلاة و الاذكار و الوضوء ما تصيبك لا عين و لا حاسد
الحل راه بين يديك
نوضي اتوضاي و صلي و ادعي ربي يشرحلك صدرك و يفرج الضيق لي راه فيك و اقراي شوي قران او اسمعيه و انت مسترخية و ان شاء الله باذن الله ترتاحي
عرسك مرة وحدة في حياتك اذا ما استمتعتيش بيه الان وينتا تستمتعي بيه
هذا قبل الزواج راكي تقولي هكا اذن بعد الزواج وش تقولي
حتى حاجة ما تستهل تضيعي المتعة على جالها
مهما كانت لا ماضي و لا ناس و لا اهل و لا اي شي
عيشي هاذو اللحظات تع الخطبة ماهمش رايحين يتعاودو
و استمتعي بتحضيرك لعرسك و جهازك
و ما تنتظريش واحد يحفزك ولا يعاونك باش تفرحي لانها حياتك انت
انت تحكمي عليها بالسعادة او بالشقاء
و اختاري ايهما ترضاي لنفسك
و اذا خيرتي السعادة ما تنتظريهاش تجي ليك وحدها
انت اسعاي ليها
عيشي كل لحظة من يومك و كانها اخر لحظة في حياتك و انها ما تتعاودش
اصنعي ذكريات جميلة تبتسمي لما تتفكريها بعد سنوات و تحكيها لولادك
خليك مملوءة بالطاقة الايجابية لي تزيد من جمالك و ثقتك في نفسك و في مستقبلك
و ما تكونيش نكدية على اتفه الاسباب تحزني و ووووو
حتى حاجة في هذه الدنيا تستهل تحرمي نفسك من حاجة على جالها
صدقيني
استمتعي بكل لحظة و مهما صراو المشاكل و وسوس لك الشيطان قابلي الامور السلبية بالتقبُّل و التفكير الايجابي
و ربي سبحانه كيما امرنا باش ما نعملوش بعض الامور مثل
لا تقربو الصلاة و انتم سكارى
لا تزنو
لا تقربو الخمر
لا تؤذو بعضكم البعض
ايضا قال
لا تحزن
فحذاري
هذا كله من الشيطان و من النفس الامارة بالسوء
انساي هم العين و الحسد لانهم ما يقدروش يضروك باي شي الا اذا انت سمحت لهم بذلك بتفكيرك في هذا الموضوع و تخاذلك على الصلاة و الاذكار هكا راكي تعاونيهم
و فكري في كلامي مليح و تذكري قوله
لا تحزن
ما تحزنيش على امور ماكانش منها و حتى لو كان اي مشكل فكري في الحال و عالجيه مش تحزني
ان شاء الله ربي يشرحلك صدرك و يخفف عليك الضيق لي في نفسك و يبعد عليك العين و الحسد و يحفظك و يبارك فيك و يباركلك في زواجك و في زوجك و يرزقك من حيث لا تحتسبين
ان شاء الله تبشرينا قريبا بلي خلاص راهي فاتتك هذه الحالة و راكي احسن و اكثر قوة
