عاونوني في ديكور صالة تاعي

ام عبد الرؤوف

:: عضو منتسِب ::
السلام عليكم راني راح نرحل لداري ان شاء الله وبغيت تقولولي عندي بالكون وطاقة في الصالة تاعي وقولولي كيفاش ندير الريدوات اسكو يكونو في زوج كيف كيف او مختلفين خاتر عجلني واحد المودال بصح غالي الواحد بمليون وتسعمئة الف يعني كان نشري زوج يسقامو قلت ندير واحد سانبل وواحد غالي واش رايكم تعيشو قولولي واذا ما يصلحش واش دبرو عليا واذا امكن الصور بصح من الواقع وجعلها الله في ميزان حسناتكم:regards01::up:
 
اختي ديري واش يخرج عليك جميل ان يكون الديكور الاوانه متناسقة ولون واحد موفقة اختي لماذا لا تاخذي براي زوجك راحيكون امر جميل
 
السلام عليكم اشكرك اختي بسمة لكن زوجي قالي دبري راسك هههههههههههههه
 
علاه راكم تهاونتو على الرد انا قلت خواتاتي يعاونوني لكن خاب ضني بكن
 
اوكي معليش نحاول نساعدك

الا صالونك مودارن حاولي تنسقي الريدوات والا كان شعبي قصدي تاع لارض معليش كل ريدو زي

رأي الشخصي :

الا كان البالكون والتاقة ي نفيس الحيط حاولي تنسقي بيناتهم مش شرط نفس الريدو على الاقل الالوان تناسب بعض والا كان كل واحد في حيط ثم تقدري ديري وش تحبي

نحاول نشوفلك صور مع اني مش اكيدة
 
نسيت نقولك الا باب البالكونة تاع زجاج رايح يوالمو ريدو خفيف تاع دانتيل وتشديه على جهة برباط راهم يتباعو عند لي يخدموا لي فوتاي والقش هاذاك . لمسة جمالية خفيفة
 
salam okhti tekedri diri wahed blanc fi el west w bach ydakhal edaw w diri zouj f les cotés
 
آخر تعديل:
يعطيكم الصحة البالكون والطاقة في زوج زجاج فيمي وجاو من جهة وحدومي كل واحد في حيط اما الاثاث ندير لاي فوتاي وتابل مونجي مودارن وتليفزيو في الحيط معلق برك مانحبش نكثر كاش افكار عاونوني
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom