انانية زوجي تخنقني

[منى احلام]

و عليكم السلام أختي أنا عمري 26 سنة لكنني نقدر نعطيك موقفي من مشكلتك أشباه زوجك بالألاف في مجتمعنا و بصريح العبارة الزوج الجزائري ديري معاه كلشي تحكي معاه بلحنانة يتفرعن ماتحكيش معاه يتغش تسقسيه وين كنت و علاه و كيفاش مايحبش ماتسقسيش يقولك نتيا جامي سقسيتي أنا راني نحكي هكذا بويسك هاد المشاكل جازو مع يما و انا كنت نراقب من بعيد و بابا غلط مع يما بزاف الرجل الجزائري عندما يتزوج و يجيب الأولاد سي بون يحب يغيش حياتو و في الأصل حياتو هي مرتو و اولادو في عوض باش يخرج يصيد يرفد مرتو و يحوس بيها يعيش كل لحظة معاها وش راح نقولك ماما ربي معاك و ربي يهديه نشاءالله

السلام عليكم
والله ياابني كل ما قلته صحيح وتحليلك هو الاصح وكانك عايش معاه وانت حسيت بي صح لانك جربت هاد الشي مع والدتك ربي يخليها لك
حقيقة يبالو لما يقضي للبيت ويوفر لعايلتو كل المصاريف خلاص ميحتاجو منو والو مع اني فهمتو شحال من مرة ان العيش مش اكل وشرب ولبس وخلاص كاين امور اخرى ...الله يهديه هو وامثالو واش نقولو...
نتمنى تكون خديت العبرة من والدك يا بني ومتغبنش زوجتك مستقبلا...بارك الله فيك والله يوفقك:regards01:​

 

[منى احلام]

شكون قالك راه يروح يصيد يعني نت تأكدتي من هاد شي ولا غي على هدرتو وامنتي
وزاد غاب نهار لعيد وبعدها تاني مدة طويلة ردي ماغديش يكون مخالف لواش قالولك الاخوة لانو يبقى الحوا رالهادئ اساس التفاهم
اما سؤال بخصوص انك غالطة لا أبدا راك مليون بالميئة نيشان لانو تخلى عن مسؤوليياتو قانونيا وشرعا هو ملام
​

السلام عليم
بارك الله فيك على الرد انا نجاوبك انا متاكدة انو يروح يصيد لانو ياخد كل لوازم الصيد والمبيت والاكل وياخد آلة التصوير ويتصور وين يكون هو وصحابو لما يجي يفرجنا على الصور ومع ذلك مرات يدخلني بعض الشك تعرفي المراة دايما موسوسة وانا دائما نحلفو على المصحف الشريف لما نشك فيه يعني هاد الجانب انا مريحة منو......والله اعلم بالخفايا
يعطيك الصحة ريحتيني وجازاك الله خيرا انا حبيت نعرف ادا راني غالطة وانت جاوبتيني:regards01:​

 

[largo19]

بارك الله فيك اخي ,المشكل ليس في التحاور والتواصل فنحن دائما نتواصل ونتحاور في كل الامور في بعض المرات نتفق وبعضها نختلف , المهم انه ليس هناك قطيعة انما هو من النوع الذي لا يتراجع عن قراراته حتى ولو كانت خاطئة المهم كلمتو الي تكون في الاخير كما نقولو في المثل الشعبي (معزى ولو طارت)...
اما فيما يخص تجديد العمر فانا لا ارى ذلك لانه مقتنع بعمره ولا ارى اي تغيير لا في لبسه ولا تصرفاته
انا طرحت مشكلتي حتى اعرف رايكم انتم بالخصوص اخواني في تصرفي انا معه لانه في كل مرة يقولي انت مخطئة ولا دخل لك في حياتي فبالله عليكم كيف لا يكون للزوجة دخل في حياة زوجها وخاصة اذا تعلق الامر بامور تخصها
اشكرك جزيلا على مرورك وجازاك الله خيرا
​

ما نقدرش نقول بلّي راكي غالطة في التصرّف تاعك معاه ٫٫٫ لأن تصرّفك كان ردّة فعل طبيعيّة من أي إمرأة ٫٫٫٫٫ من كلامك بشكل عام أنا فهمت بلّي زوجك ما تخلاّش على مسؤوليتو و على العائلة و عندوا تواصل معاك و يسمع الإنتقاد منك ٫٫٫ هاذي صفات إيجابية بزّاف لوكان تقدري تستغلّيها ٫٫٫ الصفات هاذي يفتقدها كثير من الأزواج ٫٫٫٫


بكل صراح يا اختي ٫٫ نفهمك حاجة لازم تعرفيها ٫٫ كل رجل عندو حدود للحياة خارج البيت و مع أصدقاءوا ٫٫ و أكبر غلطة أن تتدخل الزوجة في خصوصيات حياته مع أصدقائه و رفاقه خارج البيت ٫٫٫٫٫ أطلبي منو بطريقة ذكيّة باش يهتم أكثر و يعطي وقت أكثر للأولاد و ليك أنتي و في نفس الوقت ما تفهميهش بلي راكي حابّتو يلغي كل علاقاتو مع الأصدقاء و ييعوضها بالجلوس مع الأولاد ٫٫٫ أعطيه مساحة من الحريّة للتفكير و ما تحاوليش تتحدّايه ٫٫ لأن الرجل بطبعه لا يحب التحدّي و إن فرض عليه فإنّه سيتحدّى و يقاوم ٫٫ كل ما عليك هو أن تجعليه يعطيكم بعض الوقت بإرادته الشخصيّة و سيكون سعيدا جدا و لما يرى رضاكم بهذا فسيزيد من تخصيص أوقاته لكم بالتدريج دون أن يشعر ٫٫٫٫٫٫ لازم تكوني إمرأة ذكية يا اختي ٫٫ لأن زوجك حسب كلامك ليس بالشخص السيّء أو المتجبّر ٫٫ بل هو شخص غامض نوعا ما و ما عليك إلاّ أن تجدي المفتاح لصندوق أسراره و شكرا ٫٫٫ بالتوفيق

 

[Asmaa2020]

الرجل يحب العيش كطفل مدلل يبحث دائما عن الاحضان الدافئة وان لم يجدها في بيته مع زوجته بحث عنها خارجا....حالولى ان تدللي زوجك اكثر وتشعلي لهيب الحب بينكما من جديد وتكسري روتين الحياة الزوجية

 

[Amira28]

السلام عليكم اختي
ربي يكون في عونك
ما حقش عليه يدير هاكا هو كون عائلة لازم يكون مسؤوول عليها ويكون قد المسؤوولية ماناش مختلفين انوا يلقا راحتوا في الصد مي لازم يفكر تاني في عائلته
انا مع راي الاخ bilal22 انا نضن هاداك هو الحل الانسب
ربي يهديه انشاء الله ويرجعواا لطريق الصوااب
https://www.4algeria.com/forum/members/132294/

 

[cheikh2014]

السلام عليك أيتها الأخت الكريمة والله قصتك محزنة لكن لا بد أن يعلم الجميع و خصوصا الجنس الأخر مدى العلاقة التكاملية بين الزوج و زوجته دائما نطالب الزوجه بتلبية طلبات زوجها وتحقيق الحياة الرومانسية التييرجوها اي رجل في العالم

ونطالبها بارتداء اجمل الثياب ونقول استقبلي زوجكوانت مبتسمه وكوني في البيت غايه في الاناقه ..

جميل وماذا نجد في المقابلوجوه مكفهره واناقه فتاكه من الرجل .......هل كونه رجل يكفي كي لايتأنق

ويكون مظهره جميل ..ونطالب المرأة ان تبقي على رشاقتها بعد الحمل والاطفال ..ولو ينظر الرجل الى

كرشه التي تجاوزت كرش حامل في الشهر التاسع ...حسبيالله ونعم الوكيل .

اكيد ان للرجل على امرأته واجبات لكن اليس لها مثل الذيعليها ...هذه النقطه التي يغفل عنها الرجال .

الحياة الزوجيه شركه تستمرسنوات طويله تتخللها قضايا مختلفه ولا تخلو من المنغصات والمشكلات

تتطلب منالزوجين حسن التصرف ...ونصيب الرجل هنا من الواجبات

القوامه وهي تتطلب انيتحلى الزوج بصفات القياده والصبر والحكمه وحسن العشره ...وهذه الصفات

بهايستحق القوامه ، وليس ان يترك كل المسؤوليه على عاتق الرأة ويكتفي بالذهاب الىالعمل ويعتبر

نفسه الامر الناهي في البيت ....للاسف هذا مفهوم مغلوط عنالقوامه .

- عليك ايها الزوج المحترم ان تحترم زوجتك فهوشيء اساسي للعلاقه الزوجيه وله الاثر البالغ في تربية الابناء-

منحها الاحساس بوجودها ..فالمرأه تمتلك كل مقومات الانسانيه ولهامشاعرها الخاصه وبالتالي فان تهميشها في شؤون الحياة الزوجيه يعد قتلا لمشاعرهاواحاسيسها لكن أدعوك أختي الى الحفاظ على مثاليتك التي يفتقدها الكثير من نساء هذا الزمن........أخوك جمال

 

[cheikh2014]

السلام عليكم
انا متزوجة وعندي 3اطفال وقرابة 20 سنة زواج... نعيش حياة عادية تعرفو المشاكل الزوجية متكملش وانا عانيت بزاف مع زوجي وصبرت وتحملت كل شيء باش تستمر الحياة فيه المليح والقبيح كما كل الناس... وبصح الحاجة الي تغبني هي انانيتو كما قلتلكم 20 سنة زواج و3 دراري وما زال تفكيرو احادي اناني يحب نفسو
المهم باش منطولش عليكم زوجي من هواة الصيد البحري ومرة على مرة يروح للبحر يبات ليلة يصيد ويرجع وهادي حاجة معنديش فيها شك... هاد المرة ونهار العيد الي مفروض يقضيه مع عايلتو راح للبحر هو وجماعة من صحابو وقعدو قرابة الاسبوع في مكان بعيد بزاف ومكانش حتى ريزووقلبو هاني...وانا تعرفو دراري والقباحة نتاهم غبنوني وزيد وزيد.....نهار رجع ما زال مقعدش قال لي نعاود نرجع للصيادة بعد غدوة انا انفجرت ومقدرتش نتحمل لما قلتلو مش من حقك تسمح فينا كل هاد المدة صرخ في وجهي وثار وانجن وقالي مكان مدخلك نعيش حياتي كما نحب وراح ومازال مجاش لحد الان حتى انو ميتقلقش حتى على ولادو:
انا السؤال لنطرحو عليكم يا اخواني وخاصة الجنس الاخر اسكو انا غالطة او هو وعلاش المرا كتتزوج وتجيب دراري حياتها كلها تمدها لعايلتها والرجل لالا ديما اناني ويحب يعيش حياتو لنفسو ومعلابالو حتى بواحد:s
ارجو منكم ردود بارك الله فيكم​

​

قال رسول الله موصيا بالنساء و هو على فراش المرض الله الله في النساء لا يعرف قيمة المرأة الا كريم و لا ينكرها الا لئيم

 

[منى احلام]

ما نقدرش نقول بلّي راكي غالطة في التصرّف تاعك معاه ,,, لأن تصرّفك كان ردّة فعل طبيعيّة من أي إمرأة ,,,,, من كلامك بشكل عام أنا فهمت بلّي زوجك ما تخلاّش على مسؤوليتو و على العائلة و عندوا تواصل معاك و يسمع الإنتقاد منك ,,, هاذي صفات إيجابية بزّاف لوكان تقدري تستغلّيها ,,, الصفات هاذي يفتقدها كثير من الأزواج ,,,,


بكل صراح يا اختي ,, نفهمك حاجة لازم تعرفيها ,, كل رجل عندو حدود للحياة خارج البيت و مع أصدقاءوا ,, و أكبر غلطة أن تتدخل الزوجة في خصوصيات حياته مع أصدقائه و رفاقه خارج البيت ,,,,, أطلبي منو بطريقة ذكيّة باش يهتم أكثر و يعطي وقت أكثر للأولاد و ليك أنتي و في نفس الوقت ما تفهميهش بلي راكي حابّتو يلغي كل علاقاتو مع الأصدقاء و ييعوضها بالجلوس مع الأولاد ,,, أعطيه مساحة من الحريّة للتفكير و ما تحاوليش تتحدّايه ,, لأن الرجل بطبعه لا يحب التحدّي و إن فرض عليه فإنّه سيتحدّى و يقاوم ,, كل ما عليك هو أن تجعليه يعطيكم بعض الوقت بإرادته الشخصيّة و سيكون سعيدا جدا و لما يرى رضاكم بهذا فسيزيد من تخصيص أوقاته لكم بالتدريج دون أن يشعر ,,,,,, لازم تكوني إمرأة ذكية يا اختي ,, لأن زوجك حسب كلامك ليس بالشخص السيّء أو المتجبّر ,, بل هو شخص غامض نوعا ما و ما عليك إلاّ أن تجدي المفتاح لصندوق أسراره و شكرا ,,, بالتوفيق

بارك الله في اخي كل النصائح التي قدمتها لي ساجعلها في قاموس حياتي لانها بالفعل مفيدة واثلجت صدري وارتحت فعلا لما قراتها
ملاحظة فقط لم افكر يوما ان يقطع علاقاته مع اصدقائه ليتفرغ لنا لانه من حقه ان يكون له اصدقاء شكرا مرة اخرى ::regards01:[/CENTE​

 

[منى احلام]

الرجل يحب العيش كطفل مدلل يبحث دائما عن الاحضان الدافئة وان لم يجدها في بيته مع زوجته بحث عنها خارجا....حالولى ان تدللي زوجك اكثر وتشعلي لهيب الحب بينكما من جديد وتكسري روتين الحياة الزوجية

صدقيني انني ادلله اكثر من ابنائي شكرا لك على المرور​

 

[منى احلام]

السلام عليكم اختي
ربي يكون في عونك
ما حقش عليه يدير هاكا هو كون عائلة لازم يكون مسؤوول عليها ويكون قد المسؤوولية ماناش مختلفين انوا يلقا راحتوا في الصد مي لازم يفكر تاني في عائلته
انا مع راي الاخ bilal22 انا نضن هاداك هو الحل الانسب
ربي يهديه انشاء الله ويرجعواا لطريق الصوااب
https://www.4algeria.com/forum/members/132294/

شكرا لك اختي وبارك الله فيك على المرور​

 

[prince of love]

السلآم عليكم

أختي ربي يفرجهــآ عليكـ ان شاء الله

انا نظن بهدرتك هادي راكي تظلمي فيه .. ممكن الرجل ما يلقاش رآحتو في الدآر وربمــآ عندو مشــآكل

ونت بطريقتك هادي كيما راكي تقولو ( الصرآخ في وجهه ) راكي تزيدي غير في الزيت للنــآر كيما يقولوها

انا نظن انك تحاولي تتقربي منو وتفهمي واش .. ونعطيك حاجة ديريها مليح في بالك

الرآجل جامي ديري على كلامو كي يكون مقلق لأنو مثلو مثل واحد ماشي في عقلو
​

 

[منى احلام]

والله يا اخي جمال cheikh2014


كلامك كافيا وافيا فيه كل الحقيقة التي يغفل عنها بعض الرجال
شكرا لك على التدخل القيم الذي جعلني احس بالراحة النفسية
​

 

[منى احلام]

شكرا لك اخي prince of love على التدخل الطيب وحبيت نقولك انا موصلتش نصرخ في وجهو حتى نفد صبري كما انو ميينقصو حتى شي والله على ما اقول شاهد
بارك الله فيك وشكرا على المعلومة​

 

[منى احلام]

احببت ان اشكر كل من دخل صفحتي وقرا مشكلتي وقدم لي النصيحة بارك الله فيكم جميعا

 

[WàLiiD]

ربي معاك يا اختي

سمحيلي مقدرتش نعاونك
​

 

[Hakan]

السلام عليكم اولا يجب ان تحرصي على تحليل الاخطاء الموجودة فيك حتى تقومي بتصحيحها لعل زوجك لديهه بعض الصور ال سلبية عنك ثانيا والله تعبت من الرد على معظم هذي المشاكل مي كاينة حاجة وهي انو الرجال ماشي كيف كيف والنساء تاني ماشي كيف كيف والقاء اللوم علىى الكل لا يساعد واخيرا دعواتي لك بالتوفيق والسدادج والصلاح لزوجك وذريتك سلام​

 

[منى احلام]

ربي معاك يا اختي

سمحيلي مقدرتش نعاونك
​

بارك الله فيك اخي مجرد مرورك على صفحتي وكتابة كلمة واحدة هذا في حد ذاته اعانة شكرا لك:regards01:​

 

[منى احلام]

السلام عليكم اولا يجب ان تحرصي على تحليل الاخطاء الموجودة فيك حتى تقومي بتصحيحها لعل زوجك لديهه بعض الصور ال سلبية عنك ثانيا والله تعبت من الرد على معظم هذي المشاكل مي كاينة حاجة وهي انو الرجال ماشي كيف كيف والنساء تاني ماشي كيف كيف والقاء اللوم علىى الكل لا يساعد واخيرا دعواتي لك بالتوفيق والسدادج والصلاح لزوجك وذريتك سلام​

بارك الله فيك اخي على المرور الطيب وشكرا لك على الدعوات وتقبل الله منك ​