السلآم عليكم ورحمة الله تعالى وبركاته
صبآح الخير بنآت واش راكم؟
صح عيدكم و ربي يتقبل صيآمكم كآمل إن شاء الله
باش نتعرفو أكثر على العادات المختلفة في بلادنا، جبت هذا الموضوع وحبيتكم تشاركونا تقاليدكم في عيد الأضحى المبارك
نبدآ نحكيلكم أنا:
bon قبل العيد بيومين ندير الحنة أنا و ختي الصغيرة، ونطيبوا القاطو (لازم يكون تقليدي)، وكي يوصل نهار عرفة (كما اليوم) نوضو نتسحرو، ونطيبوا الفطور عادي، و من بعد في الليل نديروا الحنة للكبش في جبهتوا و نتصوروا معاه باش تبقالنا souvenir، للغدوة (يعني صبحة العيد)، نوضوا على أصوآت التلبية و صوت الكبش ههه،
نصلّيو الفجر، ونحطوا سنية القهوة والحليب بالقاطو، نفطروا
و نهزو مآعن الفطور، من بعد يوصل وقت الصلاة يروحوا الرجال يصلوا وحنا نسيقوا الدّار حاجة خفيفة برك على خاطر نكونوا ديجا درنا الميناج من قبل العيد
و كي نكملوا التسياق نحطوا البخور،، و نروح نشعل التلفزيون بآش نسمع ''من زينوا نهآر اليوم''
وكي يرجعوا من الصلاة يغافرو الجيران على بعضاهم، و من بعد كل واحد يروح لدارو يذبح الكبش طبعاً، وأنا تلقاوني ديما راني نصَوَّر كي يعودو يذبحو فيه
من بعد كي ينحيو البوزلوف نشوطوه، وهما راهم مع السليخة، قبل ما يكملوها، ينحّوا المصارن و الكرشة، يغسلوهم مليح،(أنا ما نغسلهمش نعآف الله غالب
)،، وهاهو جا وقت الغدا نديرو الكبدة و القلب مشرملين اممممم
، ومن بعد نوجدو الطابلة من سلاطة، خبز، قازوز...نتغداو
،نهزو الماعن ونسيقوا الكوزينة، و من بعد ندوشوا
،.
بعد الغدا نروحوا كآمل عند جدة
، نغافرو، نقصرو، نحكوا، نضحكوا، نتصوروا مع بعض، (بنات خوالي و خالاتي)
، حتان المغرب كل واحدة تحكم دارها تروح تطيب عشاها، و حنا في دآرنا كل عآم نطيبوا البوزلوف في الفور نتعشاو بيه،..
في اليوم الثاني نتاع العيد نوضوا على صوت الشاقور ههه، وفي الغدا نديرو بربوشة بالكتف الأيمن و أطراف أخرى نتاع لحم على حسب عدد العايلة، يجيو خوآلي يتغدآو عندنا، ويشربوا قهوة، و في العشآء نديرو لحم مقلي، و طبعاً الـjus نتاع القارص ديما حآضر،.
و في اليوم الثالث نوجدوا لي بروشآت ونقطعوا الفلفل و الطماطم دي ترونش، نوجدوا الفحم و نبدآو الشواء اممم
و في اليوم الرابع، نديروا العصبآنة،.
ونتوما احكولنا على عاداتكم؟!
سلآم.
صبآح الخير بنآت واش راكم؟
صح عيدكم و ربي يتقبل صيآمكم كآمل إن شاء الله
باش نتعرفو أكثر على العادات المختلفة في بلادنا، جبت هذا الموضوع وحبيتكم تشاركونا تقاليدكم في عيد الأضحى المبارك
نبدآ نحكيلكم أنا:
bon قبل العيد بيومين ندير الحنة أنا و ختي الصغيرة، ونطيبوا القاطو (لازم يكون تقليدي)، وكي يوصل نهار عرفة (كما اليوم) نوضو نتسحرو، ونطيبوا الفطور عادي، و من بعد في الليل نديروا الحنة للكبش في جبهتوا و نتصوروا معاه باش تبقالنا souvenir، للغدوة (يعني صبحة العيد)، نوضوا على أصوآت التلبية و صوت الكبش ههه،
نصلّيو الفجر، ونحطوا سنية القهوة والحليب بالقاطو، نفطروا
من بعد كي ينحيو البوزلوف نشوطوه، وهما راهم مع السليخة، قبل ما يكملوها، ينحّوا المصارن و الكرشة، يغسلوهم مليح،(أنا ما نغسلهمش نعآف الله غالب
بعد الغدا نروحوا كآمل عند جدة
في اليوم الثاني نتاع العيد نوضوا على صوت الشاقور ههه، وفي الغدا نديرو بربوشة بالكتف الأيمن و أطراف أخرى نتاع لحم على حسب عدد العايلة، يجيو خوآلي يتغدآو عندنا، ويشربوا قهوة، و في العشآء نديرو لحم مقلي، و طبعاً الـjus نتاع القارص ديما حآضر،.
و في اليوم الثالث نوجدوا لي بروشآت ونقطعوا الفلفل و الطماطم دي ترونش، نوجدوا الفحم و نبدآو الشواء اممم
و في اليوم الرابع، نديروا العصبآنة،.
ونتوما احكولنا على عاداتكم؟!
سلآم.
آخر تعديل:
