ماذا ستطبخيـــن سيدتي لهذا اليوم ؟ //الجزء 49

[الحلم الوردي]

ماكلتكم روووووووووعة
بصحتكم
حنا اليوم درنا
رقاق و الي يقوللها شخشوخة

وديسار

ومقشقشة

​

 

[ام فيروزا]

صباح الورد علي نووووووورات بلادي
حنحط لفطور ملقيتش مركز تحميل الصور كيفاه راكم اديروا

 

[ندى الأيام]

وينكم ماجاوبتونيش مالكم

 

[samah06]

صباح الخير عليكم لبنات

انا اليوم عندنا صيام ثاني والاولاد عندهم شخشوخة البارح
بصحتكم كامل واش درتو لعيدكم

 

[Nilüfer]

صباح الورد علي نووووووورات بلادي
حنحط لفطور ملقيتش مركز تحميل الصور كيفاه راكم اديروا

السلآم عليكم

حمليه من مركز التحميل تع اللمة

http://upload.4algeria.com/

ولا من هنا

http://www.gulfup.com/
​

 

[ام رستم]

السلام عليكم عاشوراء مباركة ربي يقبل منكم صالح الاعمال هادي بعض طلبيات نتاع الحلويات الي درت هاد الاسبوع و رشتة نتاع عاشوراء

 

[هدوء المطر]

السلام عليكم
صحآ فطوركم وربي يتقبل من الجميع يآرب
يعطيكم الصحة على الأطباق الشهية يا الفحلآت
ملآك عجبتني المقشقشة خليلي حقي ما تنساينيش :p​

 

[السلطانة]

صحا فطوركم الله يتقبل منا ومنكم اجمعين

​

 

[السلطانة]

​

 

[روز]

ماشاءلله راه رجع موضوع الطبخ كما كان واحسن
أكل يشهي بصحتكم راحة نرجع نتفرج وأبصم الاعجاب
صحيتو يالمويات

انا شعبت نوم في العشية مالقيتش وش ندير في هذا الليل
نضت طيبت كيكة سقسو عليها الناس لي طار عليها النوم كي حالتي
ولا وش قلتي شوشو

سهرة ممتعة وصحا عشورتكم

 

[M3TaZ eLLMa]

السلام عليكم

مممممم ما شاء الله

اطبااق ولا اروع راكم فور فور فور كما قالت الاخت روز راهي رجع الموضوع للأصلوا ولزينتوا


يعطيك الصحة يا طيبين

وربي يوفقكم وين ما كنتوا وربي يعطيكم ما تتمنوا يارب

وربي يقبل منكم

وربي يجزيكم الخير يارب

وربي ينجح الولادكم وربي يحفظلكم أزواجكم يارب

راني نشوف في أمي الطيبة ام ريهام غائبة تماما نتمنى تكون يخير يارب

موفقين​

​

 

[ام رستم]

راح تدخلو في سبات نوضو ماكانش كيما النشاط و الحيوية اتفضلو ايا اشربو قهيوة معايا و شمرو

 

[السلطانة]

حلويات رائعة اختي ام رستم
يعطيك الصحة
انا راحتلي النفحة تاع نصور
كي ترجعلي نرجع نصور ونحطلكم
سلامي لجميع الأخوات.

 

[samah06]

الله يبارك ام رستم حلوياتك رائعة
ساندي راه قاسني نفس المرض اللي فيك
كرهت التصاور والطبيخ والاكل وكلوووو من شهد يعطيها الصحة ما دارت فيا

 

[ام رستم]

راهو الروتين يقتل و الاكتئاب واعر ما يبانش الفيروس نتاعو حتان يدخل للعضم بعيد الشر كيما لايبولا لازم يتمسك الواحد بنشاط نتاعو و نهاركم مبروك ملئ بالنشاط و الحيوية

 

[مسلمة وافتخر]

ما شاااااااااااااااااااااء الله ام رستم دخلت على حلوياتك هااااايلة يعطاك الصحة
بنات حبيت نسقسيكم كاينة واحد النوع تاع الاسفنجة يحطوها مع الحلويات سيرتو المعسلة ياريت تقوليلي على اسمها بغيت نشريها ومعرفتهاش خخخخ

 

[samah06]

السلام عليكم
لبنات وينكم راكم تركتو الحالة خلاص
اخاه افطنو واش بيكم
حنا اليوم صايمين انا والحاج
اولا اليوم الخميس وثاني اول يوم من الايام البيض
الله يتقبل منا ومنكم
من بعد نجيب فطورنا اللي راني حايرا واش ندير
انا لو عليا نفطر ببيضة مقليا وطرف خبز

 

[hadda0425]

مساء النور
رغم انو الحالة مزالت في حالة ركود :s
يعطيكم الصحة صاحبات الاطباق
ونشكر بزاف الاخوات لي مزالو وفيات للمطبخ اللماوي :up:

زيتون

رشتة حمرا

شريك

​

 

[اكرام اكرام]

ما شششششششششششششاء الله تسلم الايادي

 

[روز]

السلام عليكم
ام رستم الله يبارك على الحلويات تحفة واتقان
سماح ربي يتقبل الصيام ان شاءلله يعطيك الصحة
حدة ماشاءلله مايدة تشهي بارك الله فيكم
يسلم هاذك الايدين جميعا يابنات

درت من قبل بريوش من وصفة الاخت ام كوثر يعطيها الصحة جا هايل
وحبيت نشارككم الصور