ماذا ستطبخيـــن سيدتي لهذا اليوم ؟ //الجزء 49

[ام زين الدين]

اليوم عندنا ربيعي ولهذا جبتلكم شوية براج غدانا

وهذا غرتان البطاطة بالحليب

 

[ام ايناس]

مساااااااااء الانوار عليكم لبنات وحشتوووووني انشاء الله تكونو بخير
يعطيكم الصحة لبنات كلش من يديكم يشهي منطبخ وحلويات
ماجيتش بيديا فارغين خفتكم طردوني ههههههه هادو طياباتي

وهادا فطور تاع اليوم

​

 

[*amina*]

ياسمين يعطيك الصحة شهيتيني على البطاطا بالحليب نموت عليها في دارنا كنت ناكل زوج طباسة ههههههه ضروك عند عجوزتي ميعرفوش و نهار درتها محبوش ياكلوها عجوزتي متحبش الفرماج كي ندلها و شيخي ميحبش الباطاطا على هدي منحبش نديرها
ام ايناس اطباقك تشهي يعطيك الصحة

 

[أم منيــــــر]

والله جوعتيني نحب بزاف هاد الطبق حنا نقولو التريد بالحمص يشهي​

 

[somo_81]

مساء الخير عليكم يا لمويات الفحلات
راني جيت بصح اسمحولي نحط صور بلا ما نصغر من صباح وان نضارب مع تابلات محبتش تصغرلي الصور كاش مشرفة تصغرهملي علابالي دوك تسبوني على خاطر بزاف بصح ساعفوني حتى نسقم المشكل لي عندي

 

[ام ايناس]

الله يسلمك امينة تعيشي
ام منير في تلمسان تسميوه التريد كل منطقة وكيفاش تسميه صحيح هو طبق ماينشبعش مشكووورة اختي
اهليييين سومو رانا نسناو في الصور معليش اداربي معاه حتى تتغلبي عليه ولا نجي ناونك هههه
العشا بقالي من الفطور صح عشاكم

​

 

[somo_81]

يسلمك دليلة قوليلي منين راكي تحملي في الصور

 

[somo_81]

http://www.foxpic.com/V13uBeOX.jpg[/mignon][/url]
[url=http://www.foxpic.com/][img]http://www.foxpic.com/VaZBRltM.jpg

 

[ام ايناس]

هادا هو مركز التحميل سوسو
http://www.gulfup.com/
​

 

[نبض الحياة]

حالياً الأعضاء النشيطين الذين يشاهدون هذا الموضوع : 20 (8 عضو و 12 ضيف)
ЯέКîά Яồมkà, ‏البنوتة السوفية, ‏ام ايناس, ‏DARINE05, ‏hadda0425+, ‏راضية حامدة, ‏somo_81, ‏yasmine08

الســـــــــــــلآم عليكن
يعطيكم الصحة لبنآآآآت على واش طيبتواا
دلوووووول و شعال توحشتك دوري هنا
اطباقك فووووووور فوووووووور، تسلم ايديك
وما تعاوديش تغيبي علينا
~~~
بركوووووكس من ديات الماما

جينواز حشيتها على مرتين بالفواكه، عملتها لضياف جآو عندنا

حتى انا صوري عجزت ما صغرتهمش، اسمحولي هههههه

ما صورتهاش من الداخل، طاحوا فيها، المورصو التالي لحقت عليه مينوشتي الحمد لله
​

 

[hadda0425]

مسلخير يا وجوه الخير
نشوف في حرات لحراير نورو المطبخ مرحبا برجوعكم
امينة وندوشة وشهرة وساندي ودليلة وسهام و و :d نسيت تاني شكون
المهم دخلتو للمطبخ ودفيتوه بالاطباق والحلويات اللذيذة
عودة السنيورة سوسو ههه المطبخ اشتألك
سوسو فكريني في قاطو الفنجان والله ما شفيت اذا درت هاد القاطو بلاك اك غالطة
لاسوري (الفارة) شدها ادم تخدم ذراع
شوية اطباق بسيطة نحطها من الاندرويد مبعد
​

 

[ام ايناس]

اممممم سهام اطباقك يشهيو يعطيك الصحة سيرتو البيزا روووووعة والطعااام امممم بصحتكم
اهليييين رقيييية حتىىى انا توحشتك انشاء الله اااخر الغيابات البركوكس واش نقول عليه والتارت امممم يعطيك الصحة فحلة فحلة
اهلين حدة المطبخ منور بوجودك رانا نسناو في الاطباق
​

 

[hadda0425]

ياسمين ربعتو وبرجتو بصحتكم
رقية قتلتيني بالتورتة تاعك حديرلنا اشغال شاقة درك ههههههه
والعيش تع الصباح لدرك ما كلتوهش :p:d
​

 

[ام ايناس]

هههه حدة تبانلي مازالت حاطاتو قارنيتير وحالفة مكانش لي يدوق منو ههههه يالصح الصراحة من شكلو يهبل
​

 

[نبض الحياة]

هههههههههههههههه حدوود فيروسآتي من الحجم الكبيــــــــــر
بالاكي دوري بيا خخخخخخخ
ههههههههههه البركوكس قضينا عليه في العشاء قعدتي تسالي حنونة :p
​

 

[somo_81]

هبلتني النت و نص الصور محبوش يطلعو

 

[ام ايناس]

اممم على الرخسيس سومو كي تكون النت ناقصة تقلق
​

 

[نبض الحياة]

جبتلكم حقي نتاع البيتزا بعثاتهلي سوسو حبيبتي

سكآآرة فيكم الشح الشح الشح

​

 

[somo_81]

 

[السلطانة]

ياو عليكم :p
تحية من الشرق للغرب ويحياو بنات بلادي وشنانة في الحسّاد :p:p:p:p:p:p

أم ايناس وصومو مرحبا بيكم وبالأطباق الشهية

وشهرا ورقية وسوسو وام ندى وياسمين
والبرنسيسة حدة :d
تسلم الأيادي يخرب بيتكم شو حبيتكم

​