ماذا ستطبخيـــن سيدتي لهذا اليوم ؟ //الجزء 49

[ام ايناس]

بصحتكم لبنات واش طيبتو هادا فطوري تاع اليوم صبح شوية البرد لازم حاجة سخوونة

​

 

[ام ايناس]

بووونجوغ شهرة واااااش نقول على المطلووووع تبان خفيييفة تهبل تاع الفريتة تبانلي بصحتكم مسبقا
حبيت نسقسيك على الطاجين هاداك تاع الحديد راني شريت واحد ومازال ما طيبتش فيه يطيب مليح وانتوما ديريلو نار خفيفة ولا لا
​

 

[shahrazad]

ايييييييييييه على الشطارة فطور واجد دليلة اممم هدا مايليق مع البرد حتى انا درت لوبيا بصحتكم
الله يسلمك حبيبتي ايه تع الفرينة ....اييييه هادا الطاجين الي عدنا كبير عليا عندو زمان ورحمان هههه​

 

[ام ايناس]

الله يسلمك شهرة ايييه تبان تاع الفرينة خفيفة تهبل انا شريت كيما هو ومازال مابديتش نطيب فيه
​

 

[nada242008]

مساء الخيرات لبنات ويعطيكم الصحة
شهرا حبيت نصقصيك على الخبز لي حطيتيه لبارح يهبلللل الوصفة ان امكن يالفحلة

 

[ام ايناس]

امممم ندوووشة البغرير رايح ينطق بصحتكم
​

 

[*amina*]

بصحتكم لبنات اطباقكم تشهي
ام ندى الغرايف جاوك يهبلو مرة جربت تاع الميكسور و الله مجاو يشدو رواحهم بصح رحت لدارنا و جربت لي يدلكوه بالبيدين جا يهبل
ام ايناس هداك الطاجين انا عندي منو يبغي نار قليييييييييييييييييلة بزاف

 

[*amina*]

اسمحيلي ام ايناس هداك يبان طاجين الرقة لي يبغي النار القليلة بصح هدا تاع الاخت طاجين عادي يبغي نار متوسطة يعني قليلة بصح ماشي بزلف نص نص

 

[راضية حامدة]

يعطيكم الصحة البنات
جوعتوني
راهي جات شتيوة باردة تعيط للسخون

 

[ام ايناس]

امينة طيبي فيها المطلوع وجيك مليحة كي تخلي النار قليلة
​

 

[sarah11]

ماشاء الله طيابكم روووعة مالقيت على من نعلق
الاخت شهرزاد طيابك دايما يعجبني تقول نقعد غير نشوف فيه
تعيشي وصفة تاع هدا ربي يجازيك

 

[shahrazad]

بونسوار عليكم وعلى الي راهم التحت يتفرجو جوزوووو
ندوشة بصحتكم ابغريييير
هاداك الخبز عادي فرينة خميرة برك زدتلو شوية لحظة ونعجنو بيااان نقلك السر فالكوشة انا كنت نطيبو فالفور اليكتريك مكانش يجي هكا مي دوكا راني نطيب فالكوشة هادوك لكبار
نسخنها بيان الفوق والتحت غير يدخل الخبز يتنفخ ممبعد نطفي الفوق

​

 

[shahrazad]

ساارة تعيشي حنونة هدا من ذووووقك
اتفضلي الوصفة خالوطة من راسي هههه بصح جي بنيينة وتسلك
تقطعي البصل مربعات وتقليهم مليييح على نار قليلة حتى يتكرمل البصل وهنا سر البنة
ممبعد في صحن تقطعي الطماطم دوائر ترابيلها الثوم كمية مليحة وتقطعيلها المعدنوس+فلفل اسود+ملح +شوية زيت و تخلطيها
وتكوني نحيتي البصل بعد ماطاب وتحطي في نفس مقلة البصل تحطي الطماطم وطيبيها تاني على مهلها حتى تذبال
تقلي البطاطا مكعبات ثم تضيفيلها البصل المكرمل والطماطم وتزيديلها البيض (البيض تضربيه مع رشة فلفل اسود +معدنوس +حليب)​

 

[نبض الحياة]

حالياً الأعضاء النشيطين الذين يشاهدون هذا الموضوع : 30 (10 عضو و 20 ضيف)
ЯέКîά Яồมkà, ‏*amina*, ‏نسائم الورد, ‏بلادي نبغيك, ‏hadda0425+, ‏mimi53, ‏راضية حامدة, ‏shahrazad, ‏somo_81, ‏فايزة1207

السلآم عليكن ورحمة الله تعالى وبركآته
حكمت وحد المخلوقة هنا صافي لوووووووووووونتون ما شفتهاش
عاش من شافك ميمي
توحشتنآآآك يا مخلووقة
يعطيكم الصحة كآآمل
عفوووووف بغررتي اليوم بصحتك الزينة
دلووول عودة قوية، ما شاء الله عليك
شهرآآآآآ كي العآدة طيريلي النعآآآس انت، ودآك المطلوووووع المخفخ الله يباااااااااارك عليك يا مخلوقة
راني حايرة فيك انت كيفاه مزال ما طاروا بيك :p
امينة الله يقدرك
هايا بالتوفيق للصغار والكبآر في الامتحآنآت، وحنا معآهم ما تنسوش تدعولنا
ليلة سعيدة حبوبآت
​

 

[shahrazad]

المطلوع تع الفطور مع اللوبيا ما صورتهاش
ولعشا مدربل بالجاج وديسار

 

[shahrazad]

ههههههههه راكي تشوفي رقية ماعندهمش نظر ياختي خخخخ
ربي يوفق كامل ولادكم فالامتحانات ويوفقك حبيبتي رقية ان شاء الله دايما ناجحة​

 

[نبض الحياة]

هههههههههههههههه والله غير راهم عمي وناكدلهم على ذلك
او في نظرية ثانية انهم كلهم ما يستاهلوك والامير لساتو مخبي
ربي يفرحك ويعطيك ما تتمناي حبوبتي، تستاهلي كل خير والله
​

 

[روز]

السلام عليكم يعطيكم الصحة البنات مشاءلله عليكم
طيبت شوي حويجات وعملت تطبيقات ان شالله نحطها في موضوع مستقل باذن الله
وكل وحدة عملت تطبيق على حاجة اتمنى تحطها في موضوع منفرد هكذا تشجع صديقاتها
بارك الله فيم

 

[مطبخ الأحلام]

السلام عليكم

وصح فطوركم وقهوتكم وعشاتكم بالصحة والهنا ان شاء الله

ام انووووس يحفظك ختيتي هدا من دوقك ^^ بيتزا خليتلك حقك وحق وليدي بلال راها فلفايس :P

شهورتي يعطيك الصحة الخبز جبتيها شابة وبلييييز كنتي حاطة خبز من قبل ياريت تعطيني الوصفة

ويعطيكم الصحة كاملين
​

 

[mimi53]

السلام عليكم لبنات
توحشتكم يالمشاكسات
انشاء الله تكونو بخير
رقرق حبيبتي يسقسي عليك الخير يالزينة راكي مهولة الكوزينة

جيت وجبت شوية اطباق














​