ماذا ستطبخيـــن سيدتي لهذا اليوم ؟ //الجزء 49

[mimi53]

ميسسسسسسسسسسسسووووووو حبيبتي توحشتك وتوحشت طيابك يالزبنة
شوشيتا حبي اميرتي هههههههه مرسي ما شيغي هادا من دوقك والعريس كي تلقاي روحك جيبيلي واحد في طريقك خخخخخخخ

لبنات يعطيكم الصحة
​

 

[مطبخ الأحلام]

هاهي الوصفة لافخاد الدجاج

https://www.4algeria.com/forum/t/402873/

والتانية مزال ماحطيتهاش موضوع ان شاء الله غدوة راني نوافيكم بالوصفة وندرجهالك هنا


​

 

[BLEU PEARL]

شكرا لك أختي سوسو

 

[stelllo]

اليوم الروز بالكروفات

 

[مطبخ الأحلام]

صباح الخير عليكم

أم ايناس صباح النور

ميموشتي حبيبتي يتوحشك الخير والله حتى انا توحشتكم بصح تبالي الدعوة راها ميته وقتاش يرجعو ايام زمان ولا مايرجعوش؟؟
الحمد لله الي راكي بخير حبيبة سالي على العايلة
​

 

[ام ايناس]

صباااااح الانوار عليكم لبنات
سوسو صبااااح النور راكي هنا حكمتيلي فوتو هههه رانا نراجع باش ندي علامة مليح هههه امممم اطباق تشهي يعطيك الصحة فحلة مانخافش عليك
شوشو الرووووز رايح ينطق يعطيك الصحة والديسار واش نقول عليه بصحتكم
شيماء عاااشت الاسامي هاكا تسهلي علينا اسمك
امينة بصحتو الروز انا تاني يحبو ناشف
stellloبصحتك الروز بالكروفات مسبقا
انا الفطور راني نخمم راهي دور في راسي فريت اوملات وسلاطة وصااايي

​

 

[*amina*]

صباح الخير عليكم
كي صبحتو ؟
عجوزتي راهي دير فالفطور و انا لاهية مع وليدي و الخياطة
راني نعلم فيكم زعما هههههههههه​

 

[مطبخ الأحلام]

يسعدلي صياااحك
ههههههههه راجعي راجعي ان شاء الله عشرة على عشرة ^^ الله يسلمك غلاتو

تحياتي امينة مليح لقيتي عجوزة دير لفطور بلاصتك وانتي يحسن عونك مع الخياطة ماهيش ساهلة الله يعاونك بوساتي لوليدك
​

 

[*amina*]

يعطيك الصحة سوسو والله دايمن نقلها ندير الفطور متحبش تقلي روحي لوليدك بصح من ذيك اللقمة تاع الفطور متزيدش تتحرك من بللاصتها الا اوقات الصلاة
اصلا ركابيها واجعينها قلها الطبيب ملازمش تقعدي في بلاصة
ضروك دارت الفطور و خرجت تحوس ههههههههه

 

[مطبخ الأحلام]

الله يشافيها ختيتي الصغير وراه يشكي فمابالكي بواحد كبير الله يجعل صحتها قد عمرها خليها تسارا واش عليها ههه
نهاركم مبروك خيتاتي وبصح فطورك
​

 

[ام زين الدين]

صحا غداكم سيدات الجزائر

زاليغو وفري كاسي لعيونكم
​

 

[*amina*]

بصحتكم اخت ياسمين

 

[ام زين الدين]

شكرااا امينة تسلمي ناديني ام زيزو
​

 

[hadda0425]

مسلخير يا وجوه الخير
الله يبارك الله يبارك والله غلبت وانا نجامي ونقر ونشلل في عينيا
قريب ترجع الايام الخوالي
بصحتكم يا الحرات ويعطيكم الصحة كل طبق ببنتو صدق لي قال بنات الجزاير كل صبع بصنعة :d:p
نحطلكم صورة ونص هههه تحكمو يديكم حتى نزيد خرين :-r

بيتزا لي عدات الغاشي خخخخ

​

 

[*amina*]

يمي يمي على البيتزا يا اخت حدة
راكم غيرتوني ماشي كي حالتي ههههههههه الا دخلت للكوزينة كل واحد مايكلش ماكلة كل واحد ندبرلو واش يتعشى عجوزتي ماكلتها مسوس و شيخي ماكلتو تاع صحاب السكر ووليدهم الصغير تقلااااااااااش كبير تقول بيبي و وليدهم وحداخر ياكل مسكين بصح يجي روطااااااااااار سيرتو فالليل تخمام كبييييير هدو البيتزا و لي غراتان قاع ميحبوهمش عايشين غير في المرقة

 

[*amina*]

‏*amina*, ‏றĭṩṤ❤Ṡoşσ, ‏المتالقة78, ‏ام ايناس, ‏اناجزائري, ‏بنت السلطان, ‏hadda0425, ‏melissa lola, ‏nada242008, ‏nono_02, ‏wassila21, ‏yara salsabile, ‏yasmine08, ‏فايزة1207
اهلا ام ندى حكمناك وين راكي تروحي؟؟؟؟؟؟؟؟

 

[BLEU PEARL]

سلام امممممممممم الله الله على بنات بلادي كل صبع بصنعة
ماشاء الله

 

[nada242008]

السلام عليكم يالفحلات ..زهيتو الركن وحليتوه بطيابكم وقصرتكم
هذي طارط خدمتها لبارح لعيد ميلاد خويا

 

[*amina*]

الله يبارك ام ندى لا تارت هايلة ان شاء الله كاش نهار نصنع وحدة درتولي القلب

 

[*amina*]

اليوم درتلهم للعشا سلاطة و شرائح الداد و بيض مقلي بالفرماج وجي رويبة الله غالب ملقيتش واش ندير كل واحد وواش ياكل كون ندلهم كل واحد واش يحب ندخل على الزوج تاع العشية و منلحقش
شوفو السلاطة كل واحد و كيفاش يحبها
شيخي ندلو ليها زيت الزيتون و منكثرش الطوماطيش
عجوزتي ندلها غير شوية ملح على الطوماطيش و سلاطة الحشيش شوية زيت برك
حمايا الصغير ميحبش الزيتون و ميحبش الحشيش بزاف
غير انا لي ناكلها نورمال

[/url][/IMG]

[/url][/IMG]
​