أول حاجة : السلام عليكم ورحمة الله وبركاته
ثاني حاجة : هذا أول موضوع ليا نكتبو في المنتدى وبالمناسبة لقيتو منتدى حلو برشا ويستحق التشجيع
ثالث حاجة : موضوعي باش نحاول فيه نعرفكم على تونس دون الحاجة إلى استعمال اللغة الخشبية مثل أغلب الأشخاص وقت ما يبداو يوصفو في بلاصة
رابع حاجة : الموضوع باش نكتبو بالعامية التونسية وإن شاء تكون مفهومة
أبدأ على بركة الله
تونس هي بلاد التناقض ، إيه نعم تناقض لكنو تناقض إيجابي
حيث أنها بلاد الشمس والشتاء ، البرد والسخانة ، البحر والصحراء ، الجبل والسهل .
تونس زاده هيا بلاد التنوع من حيث معالمها الأثرية والي نلاحظوه أنو كل معلم في أي بلاصة يختلف عن الآخر
حتى تقاليدها زاده
تونس جغرافيا : موقع تونس الجغرافي هو موقع استراتيجي فهي تتجه نحو إيطاليا من الشمال وتضرب عروقها في الصحراء في الجنوب وهذا لي يخلاها همزة وصل ما بين إفريقيا وأوروبا وهذا لي مكنها من أنها تكون ملتقى الحضارات فهي كانت قلب قرطاج ومن بعد مقاطعة رومانية
ومازلت آثار هذه الحقبة واضحة إلى يومنا هذا وذلك في متحف باردو الذي يعتبر بدون منازع أكبر مخزن للوحات الفسيفساء في العالم
من الحاجات الي تميز تونس هيا رملها الأبيض الصافي ونسمتها الحنينة
كما انو السواحل التونسية تتميز بانتشار الفنادق ومنازل الكراء عليها مما يسهل للسائح عملية التنقل بين مكان الإقامة والشاطئ
والفنادق في تونس كلها ذات معمار مستلهم من روح المعمار التونسي وخاصة من الطبيعة التونسية حيث الياسمين والجنائن
(عين دراهم)
(يتبع)
آخر تعديل بواسطة المشرف:
