عاجل أدخلوا

[اكرام اكرام]

المشكل هو البنات اللي يهدرو بالسوايع البورطابلات سواء المخطوبة او غير ذلك بغيت نفهم غير واش يقولو كل يوم واش يحكو ويقولوليك انا خاطيني اللي نعرفها خاطيها تعطي بورطابلها لخوها ولا لبوها لمدة يومين بلا ما تسقسي عليه هادي نقدم ليها التحية

 

[Ma$Ter]

السلام عليكم
..
المكاملات هادى مافيها حتى فايدة وهى مخالفة للشرع
وحتى المخطوبة يجوز تتصل بخطيبها الا فى حالة تتكلم او تتفاهم معاه فى امور العرس والزواج


..
اختى دايما نقلك توسعي اكثر فى المواضيع باه تتجنى مخالفة الفوانين
محتوى ناقص ​

 

[YARA 26]

شكرا لكي اختي
بارك الله فيكي

والله يا اختي حتى انا راني حايرة يبقاو ب3 سوايع واكثر واهوما يهدر واش يهدروا منعرف

والله يا اختي انا من هادوك لبنات انا عندي بورطابل بصح يوم نديه معايا لليسي يوم منديهش وكل يوم قدام بابا

بصح الي تلقايهم يهدروا في التيليفون ما يفارقهمش ولا لحظة و ميحطوهش اصلا​

 

[السلطانة]

والله يااختي انا راجلي درك ومنهدرش معاه 3 سوايع كي نروح لدارنا
حتى وكنا مخطوبين ساعة ومنكملوهاش بويسك الهدرة لاطالت تصماط
وتولي ماعندها حتى معنى
القدر مطلوب في كل حاجة
شكرا
سلامي

 

[ضآحكة مستبشرة]

بارك الله فيك موضوع يستحق الرد عليه
رانا نشوفوه بزاف
بون موآ وين نقرا كي تصوني 12 تلقاي لبنات متكيين عالحيط و ليك لهون ليك لهيه
معلآبليش وآش يحكو
مي دي ف,آ نسمعهش و الله العظيم كلآم فاسد تحشمي باه تسنعيه
الله غالب مكاش رقابة من الوالدين
الدين راح مع ماليه اما اليوم فلا حياآآآآآآآآآآآآآآآء


سلآلآم​

 

[djillo20]

صح و الله لا تحير و متلقاش الى يحير معاك
انا نهدر معا وحدة والله 5 دقايق صاي نكره بصح المشكلة انو هي تبغي تزيد تهدر و في امور خاطية و صامطه كيما نقولو تبقى (تكعرر)
و نزيدك تاني حاجة الهدرة كي تطوال يوقع فيها قلة الحيا و المداسرة وووووو

و شكرا

 

[ضيوف وسـنغادر]

ابسط مثال في ثانويتنا المخروبة ساعة بطولها وعرضها لاستراحة البنات كامل تلقاهم بليكيتمان انا اول مرة كنت مانعرف والو كل طفلة نلقاها تهدر مع روحها توسوست قلت واش هذا مسكونين ولا واش ؟ مبعد ظهر بلي يهدرو مع اصحاب الجحيم تاعهم
ربي يهديهم والله كيما قلتي علاواه يهدرو ؟
انا بورطابلي ماين نروح مطيشة فيه مكودية برك الملفات تاعي من الصور وقبايلا برك كان هعند بابا شارجاه ماعندي با دو بروبلام يجي نيميرو مامعروفش راهو عند بابا يشوفو الحمد لله طريق ربي راهي باينة واحنا ان شاء الله ماشيين عليها
نكبرو ونشوفو ...
​

 

[red rose]

مام انا حايرة واش يهدروا في هاذوك الساعات كامل

الله يهدي ما خلق

 

[Hakan]

هيه يااختي المراة بالاك ما نحاسبوهاش بصح انا نحير في الراجل اللي ينجم يهدر ساعتين واش تحول الى انثى بي يهدي ما خلق.
[/NTER]​

 

[بنت الـ25]

قاتلي مرت خويا جامي نشوفك تحكي مع خطيبك فالتلفون؟:s
أنا : :d:d:d
ولهتيني لحاجة هي اني صح منحكيش بزاف مع خطيبي فالتفون:-r
خاطر الهدرة بزاف تولّد الدخاصة والدخاصة تولّد قلة الاحترام وعلاقة بدون احترام ما نحتاجهاش:down:

وكيما شوشو انا تاني جامي حكيت معاه فوق الساعة:-r
أطول مدة 28 دقيقة كي تكون حاجة مهمة:-r

القاعدة اللي تعلمتها ان الحكايات فالتلفون (بين المخطوبين) تبدا بالتعارف
ومبعد كي يخلاصو المواضيع اللي يحكيو فيهم يبدا الكذب
ونهار يبداو حياتهم مع بعض يكتشف كل طرف كذب تع الآخر:s
وتبدا المشاكل
وتنتهي العلاقة

آلوغ ما نقدم للهندي ما نقول آي يدي:up:

​

 

[stelllo]

ربي يهديهم ويهدينا