طبق غريب بصح هذا واش تحب لعجوز

[قوقا]

اليوم حضرت طبق اول مرة نطيبو مع اني منحبوش بصح واش ندير كي تكون العجوز تحبو و تموت عليه من نطولش عليكم
الببوش خلعتكم ياك عندكم الحق تستغربو بصح هذا واش عندنا حنايا الغرب ايملا هاكو الوصفة
في الاول حكمو الببوش راه يتباع في السوق صوميه يعني خله ليله كاملة في بوغت مونج.و خليله باش يتنفس
و منبعد غسليه مليح بالماء ومنبعد حطيه في قدر يكون فيه ماء مغلي و متنسيش تسمي
الصور الاولى بعد ماطيبتو حوالي 40د في الكوكوت مينيت وحطيت عليه الملح وفلفل اسود الحلحال و الزعتر
ومنبعد نقيتو و قلعتلو من القوقاعة نتاعو
وفي مقلات حطيت الزيت والثوم و 2 حبات طماطم و البهرات الكمون والفلفل الاسود و القسبر
و خليتهم يتقلاو مليح و هذه النتيجة و انشاء الله تعجبكم

 

[الحلم الوردي]

صح نسمع بيه الببوش
ناس الغرب ياكلوه بزآآآآف
باسكو عشت تماك
يعطيك الصحة على الوصفة
بـآرك الله فيكي
​

 

[~Rita Queen ~]

يـــــــــآآآ ،وش هذآ ، جامي سمعت بيه

استغربت والله ،تآكلوه نورمــــآل ؟؟؟

بصحتكـــــــــــــــــم ​

 

[قوقا]

واه يكلوه نووووووورمال ونتمناش نسييه انا نطيبو برك مام مانقدرش نقيه بصح عجوزي شاطره فيه

 

[~Rita Queen ~]

الله يبارك ، تبارك الله عليها​

 

[قوقا]

بلا مزيا ختي شكرا على المرور

 

[أم عبد الله]

يعطيكم الصحة حبوبتي
الببوش لهنا نقولولو الجغلال هههه ونموت عليه انـآ اصلا الكل لهنـآ ف الدار ياكلوه
مي مانطيبوهش كيفكم لهنـآ نديروه بصل وطوماطيش يخرج علامة
ايا ربي يحفظلكـ العجوز
سلامي​

 

[قوقا]

الله يحفضك ام عبد الله و راني نتابع في مواضيعك الله يبارك

 

[أم عبد الله]

الله يحفضك ام عبد الله و راني نتابع في مواضيعك الله يبارك

يبـآركـ فيكـ غلاتي
ف انتظـآر جديدكـ

 

[نسمة ~]

نعرفو مي يعيي في الماكلة هههه

يعطيك الصحة حبيبتي

 

[قوقا]

نعرفو مي يعيي في الماكلة هههه

يعطيك الصحة حبيبتي

عفتيه ياك هههههههههة عندك الحق حتى انا نكرهو بصح حنا عندنا يكلوه نووووووووووورمال

 

[anissa 13]

حرام عليك شهيتيني هههههه نمووووت عليه سيرتو المرقة تاعو حنا نديرو فيها النوخة ولا النخالة والله ماعقلت كي سموها هههه انا مانعرفش نطيبو بصح نموت
مشكورة حبيبتي
​

 

[قوقا]

حرام عليك شهيتيني هههههه نمووووت عليه سيرتو المرقة تاعو حنا نديرو فيها النوخة ولا النخالة والله ماعقلت كي سموها هههه انا مانعرفش نطيبو بصح نموت
مشكورة حبيبتي
​

صباح الانوار نسوووووم اية وقبلة شميتي ريحة البلاد ايملا استحملي ههههههههههه العفو حنونة

 

[طباخة زماني]

انت من اي ولاية في الغرب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[نسمة ~]

عفتيه ياك هههههههههة عندك الحق حتى انا نكرهو بصح حنا عندنا يكلوه نووووووووووورمال

:$

الله غالب مانحبش الاكلات الغريبة

 

[NABILA NA]

اهلا اختي جاك هايل انا كليتو غار مرتين الاولى كي رحنى لوهرن والتانية جابولي الميسيو لدار
حنى في الدار قلال لي ياكلو
هههههههههههههه

 

[قوقا]

انت من اي ولاية في الغرب؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من سيدي بلعباس و تيارت خيار الناس

 

[قوقا]

بصحتك اختي و نتمنى تزيدي تعاوديها عندنا و الله يخليلك المسيو نتاعك

 

[ام اشراق]

يعطيك الصحة اخت فوفا على الوصفة
نسمع به بصح جامى كليتوا
حنا نكلوا تاع البحر هذاك نموت عليه

 

[قوقا]

يعطيك الصحة اخت فوفا على الوصفة
نسمع به بصح جامى كليتوا
حنا نكلوا تاع البحر هذاك نموت عليه

مشكورة على لهتمامك ♡