استفسـآر اتمنى ان تجيبوني عنه

[أم عبد الله]

سلامي للجميع

ابن اختي عبدو اللذي حدثتكم عنه سـآبقـآ طلبو منو Bilan biologique
pour scintigraphie renale

ولكني بصراحة حينمـآ سالتـ الممرضة ع ماهي هاته التعيـآراتـ قااتلي ماعلابانـآش نوغمالمو يكتبولكم واش نديرو احنـآ بالضبط
الان سؤالي هو المشكل ديالو كلاوي علابالي الان ماهي التعياراتـ اللازمة ؟
هل هي مجرد تعايير دم ام انه هنـآكـ شيء آخر احببتـ ان استفسر لانو صغير 8شهر مممم ولا اريد ان يكوني خوفي م الاطباء سببا ف تخويف اختي لهذا اسأل

مم ريتـآ ورميساء راكم تعرفوني خوافة الا تعرفو واش معناه هذا التحليل نوروني:$
هو فـ 17 يروح يدير كونطرول ويلزم هادومـآ التعيـآراتـ يواسييهم م قبل


اتمنى ان تفيدوني ولو بمعلومة صغيرة لاطمئن
سلام​

 

[نبض الحياة]

السلآم عليكم
على سلآمتو عبودي وان شاء الله ما يشوف شر
ربي يعآفيه ان شاء الله
شوفي نينوو حبوبتي ما نكذب عليك، دخلت على جآلك والله هههههه
هاد Scintigraphie ماهيش حاجة تخوف برك هو ايكزامان شوية متطور هوما يآنجكتوله وحد البرودوي في دمو
هاداك البرودوي مشع
وممبعد يديتاكتوه بوحد الكاميرا سبيسيال تمدلهم دي كليشي
يعني بالتوضيح اكثر: يشوفو هاداك البرودوي وين يمشي واذا يخرج ولالا
هو نورمالمون يمشي للكلى وبويسكو خاجة غريبة، الكلى رايحة تايليمينيه
مالا هوما بهاد الطريقة يشوفو الاشعاع في الكلاوي دياله وفي les urtères é l'urétre é la vessie ديالو
ويعرفوا اذا الكلى تعمل نورمال ولالا، او كاين حاجز ولا كاش retour
وعلى حساب معلوماتي يا الزينة هاد ليكزامان ما عندو حتى بيلون قبل
فقط لازم المريض يشرب الماء قبل ما يبدا فيه
bilan Biologique فيه جماعة كبيرة: FNS,VS,Glycémie,CRP والقائمة طويلة عريضة خخخخخ
على بيها ما عرفوا واش يديروا
كيما قالولك نورمالمون يوضحلهم هاد الطبيب واش حاب بالضبط
مي تبانلي والله اعلم كان قاصد Créat+urée
مي ما تخافيش الزينة، ممكن تولي عندو وهو يفهمك أكثر
ربي يشافيه ويعافيه يا رب

​

 

[أم عبد الله]

ربي يحفظكـ حبوبتي
وي صايي فهمتكـ ويبـآلي ساهل والله اعلم ياكـ مايوجعش خخ
وبالنسبة ليهم المشكل انو ماقالوليش واش حابين بالضبط والبروفيسور لي يعاين عبودي يخدم غير بالجمعة ع ذيكـ ماقدرناش نتواصلو معاه لانو ليوم برك لي خرجتلي العفسة ديال ماعلاباناش واش نواسو خخ
وفـ لاكلينيكـ عندو قالكـ ماعندوش التجهيزاتـ وبعتنـآ لسبيطـآر فهمتيني الزينة
ايا ان شـآء الله خير والا كاش ماكاين راني نجي نسقسي اختي
ميرسي وربي يحفظكـ يارب
سلامي​

 

[♫الباحثة عن الحظ♫]

سلام اختي نينا من معلومات الي عندي

شوفي bilan biologique مجموعة التحاليل الي يديرها خاصة بعضو من الاعضاء و في حالة عبودي راه الكلية
اما scintigraphie renale حاجة بسيطة خلاه خلاه و مليحة ومتطورة باه يعرفو الا كلية تاعو تخدم بطريقة جيدة جدا لازمو يشرب 4-5 كيسان تاع الماء قبل ما يدير الكونترول
راح يديرو وحد البروتوي مشع شعاع (gama) في الدم ديالو وامبعد نورمالمو يروح للكلية تاعه و يتجمع و تقوم هي باخراجه و هاك عن طريقة كاميرا gamma و يشوفو كيفاه يعمل

متخافيش اختي و ان شاء الله سلامات و ربي يشفيه
​

 

[أم عبد الله]

صحيتي اختي باد شونص ربي يحفظكـ غلاتي
ان شـآء الله تكون حاجة صغيرة بركـ
ميرسي مرة اخرى ع ردك
سلامي​

 

[أم عبد الله]

ريتـآ حبوبتي
راني جبتـ ورقة الطبيب
كاتلبنـآ فيها ع زوج مواعيد
الاول فـ 17 /DTPA
والثاني بعد سمانه فـ 24/ DMSA

وف السبيطار قالونا ماشي قراف وقالي تانيتـ خدمة 10د ولا قل بركـ يلزم مايبوجيش
وممكن يديرولو تخدير عام والله اعلم
اسمحيلي حبوبتي مي دايما نعييكـ معايا

سلامي​

 

[نبض الحياة]

مسآآء النووور
نونو نينوو ما يوجعش، الالم برك مين يعملوله داك البرودوي باسكو يديروه en injection intraveineuse
يعني يبكي شويا هههههه
وي صح لازم ما يبوجيش مي ماماه تقدر تبقى معآه الداخل ماشي حاجة كبيرة
هو ما يوجع ما والو قتلك غير الابرة برك
والبيلون حبيبة اذا ما حدهش الطبيب موحال يعملولك كل شيء
اللي كتبتيه بعد الزينة هادوك هوما ليبرودوي بالذات اللي رايحين يعملوهمله
DTPA باه يشوفله الكلى و les voies excrétrices اللي ذكرتهم قبيلا
DMSA باه يشوفو نوعية الخلايا ديال الكلى كراهي يعني Tissu rénale سيرتو كيما في حالة عبودي كانو يجوه les infections
والله حبوبة ماشي حاجة كبيرة، بالعكس نتمنى لوكان نزيد نشرح اكثر ونسآعدك اكثر
على العموم كاش حاجة قوليلي راني مرة على مرة نضرب عليك طلة
بالشفاء عليه ان شاء الله
​

 

[أم عبد الله]

ربي يخليكـ لحبيبة اوكي خلاص راني استرحتـ ربي يريحكـ
و ان شـآء الله مـآيكون غير الخير كيما قتلي
نو راني نقولكـ المستجداتـ ماتخميش هه
اوكي ايا اتهلايلي ف روحكـ آزينة
سلامي​

 

[نبض الحياة]

اوكي نينو حبيبتي مدابيك
وان شاء الله يكون عبودي تعافى بالكامل ويطلعوا ليزيكزامان بيآآن
في المتآبعة حبوبتي
​

 

[نبض الحياة]

السلآم عليكم
نينو حبوبتي واش درتي فيها؟؟؟؟
​

 

[أم عبد الله]

اهليين روكـآ
ياحي عليـآ قالكـ ماكانش لي موايان وزعما تخسرتلهم لاماشين آدييكـ
المهم رانا نستناو وخلاص ميرسي ع سؤالك حبوبتي​

 

[نبض الحياة]

يــــآ حي
بلآلآد ميكي
المهم ان شاء الله عن قريب يتوفروا وتعملوله الفحص
ربي يشافيهلكم حبوبتي
​

 

[Silent Hill]

ربي يشفيه و يعافيه و يرجع سالم معافى يارب
اللهم صل على محمد و آل محمد
أمين ...
​

 

[أم عبد الله]

اللهم اميين يارب
ربي يخليكم روكا وخونا حسام
هو الحمد لله تحسن بعد العملية مي راكي تعرفي لازم الكنترول هذا باش وتاكدوا
ربي يحفظكم سلامي​