غير المعاني '_'

[قوقا]

السلام عليكم اخواتي حبيباتي العضوات او المارات اليوم جا في بالي موضوع وقلت

في نفسي غير نطرحه ونشوف
و يتعاق بكل عضوة حاطة اسم مستعار تقولنا واش معناه ولا واش يعنيلها هكدا



















ندو فكرة على شخصيات بعضنا واممتو نعرف بعضنا كثر ادا سمحتو :d​

 

[Ma$Ter]

السلام عليكم
بارك الله فيك اختى على الموضوع
انا اسمى ما اخترتوش انا
اختاروه صحابي كى كنا مجرمين فى النت ^^
master = معلم والا زعيم
​

 

[نبض الحياة]

وعليكم الســـــــــــلآم
اولا انت فهميني اسمك واش معناتو :p
انا اسمي الحقيقي داك هو
​

 

[~خفة روح~]

لماذا نخفي الحقيقة
اسمي سلمى ونبقى سلمى -_*
شكرا على موضوع​

 

[قوقا]

روكا والله ماكنت حاسبة بلي الموضوع انزل كنت غادي نكتب معناه انا اللولى مي ماعليش اولا قوقا هو اسم بنتي ههههههه ولد حمايا لي كبير عليها بعام يلغالها قوقا ما يلغالهاش اميرة وجات في بالي كي بغيت نسجل في لمنتدى مدوما قبلولو لا اسمي لا اسم بنتي وباباها تاني يعيتلها قوقا اما انا اسماء ههههههههههه

 

[هُدُوء المَطَر]

السلام عليكم

عجبني موضوعك اختي أسمآ

bn انا الإسم اخترتو psk نبغي المطر بزاف و نحس بالهدوء كي تكون النّو تصب على بيها سميت روحي هكآ ^-^
​

 

[touta04]

السلام عليكم
انا اسمي حقيقي اسية و دانا من صغري يعيطولي توتة بقيت معروفة بهذا الاسم اما 04 فرقم ولايتي
نحب بزاف هذا الاسم يذكرني بطفولتي
شكرااااااا على الموضوع هايل

 

[red rose]

اوكي
انا اسمي عبير عليها شميتو نفسي هكا
اما بالنسبة ل ♫ شفت الباحثة عن الحظ داراتوا عجبني و ليت زدتوا لاسمي^^
​

 

[السلطانة]

وعليكم السلام

والله يااختي قوقا مزية لي شرحتيلنا معنى اسمك المستعار :p
منلي سجلتي وانا حايرة واش معناه

بالنسبة لاسمي

ساندريلا باينة :p:p:p:p

شكرا على الموضوع
سلامي
​

 

[بحجابي افتخر]

شكرا اختي على الموضوع

اخترت اسمي هدا لاني حقيقة نفتخر بحجابي لي بعض الناس ينضرو ليا بيه على انه تخلف وخصوصا الحجاب في البيت
كما انه افض شيئ يعبر عليا

 

[*Prinçesse*]

سلام اختي بالمناسبة عجبني موضوعك بالنسبة ليا انا جوريتا اسمي الحقيقي و الشنوية يعيطولي الشنوية بويسك عينيا كبار و شفاري طوال مرسي ختيتو على الموضوع الراقي​

 

[قوقا]

شكرا على الشرح

 

[♫الباحثة عن الحظ♫]

فكرة شابة ههه

انا باين الباحثة عن الحظ

معنديش الزهر في حتى حاجة اي جيت نحوس عليه

سميت روحي هاك و رجعت بادشونص

 

[*Prinçesse*]

pdq gouga *_______*

 

[Fłǿŕikâ ʚǿɞ]

السلام عليكم
موضوع جميل وفكرة ممتعة احببتها .-.
اما عن اسمي :3
حقيقة لما قرينا في العلوم على وحد الفيروسات
قرينا واحد اسمه كلوريكا نظن , عجبني الاسم *-*
بدلت اول حرف والباقي خليتو , ووليت نسجل بيه .-.
احم المهم سلمت يمناكـِ على موضوعكـ الممتع
في امان الله ورعايته​

 

[Katyusha]

بووون اسمواتكم كامل شابين و انا سميتو كتيوووشا اعلا خاطر ملي كنت صغيرة و بابا يعطيطلي بيها و كتيوشا هي غنية روسية عندها حكاية كبيرة تقدرو تسمعو الغنية في اليوتوب (katyucha)

 

[adel._dz]

بووون اسمواتكم كامل شابين و انا سميتو كتيوووشا اعلا خاطر ملي كنت صغيرة و بابا يعطيطلي بيها و كتيوشا هي غنية روسية عندها حكاية كبيرة تقدرو تسمعو الغنية في اليوتوب (katyucha)

:-o

Россия-Матушка
:p
​

 

[الباندي]

بووون اسمواتكم كامل شابين و انا سميتو كتيوووشا اعلا خاطر ملي كنت صغيرة و بابا يعطيطلي بيها و كتيوشا هي غنية روسية عندها حكاية كبيرة تقدرو تسمعو الغنية في اليوتوب (katyucha)

يسما انتي كاين زوج حوايج الام تاعك روسية هههه ولا تشبهي لغناة هذي الغنية ههه varvana ههههه
كاتيوشا ثاني نعرف هو احد انواع الصواريخ او حاملة الصواريخ ههههه

 

[Katyusha]

nn mama jazayriya hhhhh et oui c vrai kayna sarokh katyucha ma yakhfa 3lik walo lol

 

[حروف تائهة]

السلام عليكم
الموضوع جميل
انا اسمي الحقيقي زكية
صديقة عزيزة عليا سمتني سوزي.