البوحرور البوسعادي من مطبخي

[السلطانة]

جبتلكم اليوم

'البوحرور البوسعادي '

مهراس الحطب لي يتخدم بيه

تشوي الفلفل الحار والطماطم

زدت معاهم فلفل حلو

تنظفيهم تقصيهم

تحطي اولا الفلفل مع شوي ملح وتهرسيه

مباعد نقص الطماطم ونزيدها مع الفلفل ونكمل التهراس :p

والنتيجة :

وتزيديلو شوي زيت باه ينقصلو الحرور
ويتكل مع الشربة خاصة
وبالصحة والهناء

​

 

[الحلم الوردي]

اممممممممممممممممم
شهيتيني باسكو نحب الحميص
مي البوحرور البوسعادي جامي درتو
ان شاء الله نسييه
يعطيك الصحة اختي سـآندي
بصحتك
​

 

[اماني 2007]

يعطيك الصحة

 

[ايمان العلمية]

هايل يعطيك الصحة​

 

[نبض الحياة]

السلآم عليكم
يعطيك الصحة شوشو جآ يشهي
بصحآآتكم حبيبة
​

 

[la_safa]

يممممممم يآآ شوشو الله يعطيك صحيحتك ان شاء الله
نموت على الحآآر وين مآ يكون نكون ^^
يعطيك الصحة و من اليوم هآآآذي طريقتي ان شاء الله في المهرآآس
​

 

[shahrazad]

سلفيلي هادك المراس ههه
حنا نقولولو الحميس
اممم والله يشهي من يديك شوشو يعطيك الصحة الزينة​

 

[امونة الشاوية]

راكي رايحة تديري فتنة في الركن يا ساندي
وشكون ما يسيلش لعابو لما يشوف الحميص
يعطيك الصحة وتاكلوه بالصحة

 

[مونية ك]

هايل بصحتكم
حنا نقولولو لحميص