تراجع مستواي الدراسي سبب تعاستي

ر

روعة الاخلاق

:: عضو مُشارك ::
السلام عليم انا طالبة في الماستر بالعام الماضي تحصلت على معدل 14 و طول عمري متفوقة في الدراسة يومامس لم اوفق في الامتحان احسست بضياع حتى بحوثي تراجعت كثيراا احسست بهذا من البداية حتى صحتي تراجعت و سمحت في نفسي كامل انا نشوف في قرايتي هي كلشي ربما هذا هو سبب تعاستي بكيت كثيرا بالامس و لم اتبل فكرة انني لم اتفوق في المادة بالامس خائفة جداا و لااجد حماس لدراسة المقاييس الباقية حسيت بنهاية العالم فعلا امحوللي طولت عليكم شكرا
 
يقال : الحياة كفاح وأجمل ما فيها النجاح
ورسوبك في مادة من المواد لا يعني أنك فاشلة
فالحياة عثرات ولا ينبغي عليك أن تسقطي عند اول عثرة بل يجب عليك القيام ومواصلة المشوار
ومشوار النجاح هكذا دوما محفوف بالعقبات عليك بالتغلب عليها حتى تحسي بطعم النجاح
موفقة في دراستك أختي
والله كي نشوف أمثالك نغير ،، ربي يبعد عليك اعين الحساد:regards01:
​
 
قال روعة الاخلاق:
السلام عليم انا طالبة في الماستر بالعام الماضي تحصلت على معدل 14 و طول عمري متفوقة في الدراسة يومامس لم اوفق في الامتحان احسست بضياع حتى بحوثي تراجعت كثيراا احسست بهذا من البداية حتى صحتي تراجعت و سمحت في نفسي كامل انا نشوف في قرايتي هي كلشي ربما هذا هو سبب تعاستي بكيت كثيرا بالامس و لم اتبل فكرة انني لم اتفوق في المادة بالامس خائفة جداا و لااجد حماس لدراسة المقاييس الباقية حسيت بنهاية العالم فعلا امحوللي طولت عليكم شكرا
إضغط للتوسيع...

عآدي يَ اختِي
مَ صآآر شيْ
فيكِي تعوضِي بغير امتحآآن و خآصه اذَآ كنتِي بتدرسِي فِ مستغآنمْ ( كِ حآلتِي
كلْ شي بيتعوَّض اختِي
ثقِي في اللهْ ثمّ فِ نفسِك
سلام​
 
نفس البروبلام
أنا ما عمري ما حسيت بلي القراية حاجة مهمة
إلا السنا بطريقة غريبة وليت وقت ما نقراش نحس روحي باش ندوبل والا حاجة
مي ما وصلش بيا الحد للتعاسة والحمد لله :) ;)
ربي يخلص وحلك أختي
​
 
خسرت معركة ولم تخسري الحرب
مرحلة وتفوت انشاء الله ماتخليش روحك تتأثري بزاف ولاتوسوسي روحك بالاك حالتك النفسية تعبانة المادة هذ ماتخمميش فيها فاتت وخممي فلي جايين ربي يوقك انشاء الله
 
سلام اختي
والله تقولي تحكي عليا انا انا تاني صراتلي في عامي هذا والله حرت
ديما علاماتي جيدة في بحوثي هي مزالت هكاك لكن هناك دوما حاجة تفسد عليك
المرة هادي رجعو لبروف معريفة عيني عينك تغيضك وتعبك يروح هكاك
حتى لكنترول راني من كارثة لكارثة مادة الي نكسر راسي فيها منخدمش فيها يغيضني التعب
مي هادي كلها ربما كاينه حاجة تفسد عليك النية تاع لقراية مثلا كيما احنا المعريفة تاع لبروف الي تشوفها
ولا تشوفي وحدة لا تقرا لا تندب ديما علاماتها اعلى
هادي والله تفشل خلاه و تخليك تكرهي
مي نورمال العام يخرج و يفوت وربي مش يخيب الي يتعب
ربما راكي في فترة عيانة برك
وهادي تفوت نورمال فوتنا عليها الكل انا كنت زيك ماستر
وفاة الوالد حطمتني لكن درت الي عليا قريت و الحمد لله توفقت ونجحت

ركزي برك اختي وكلش يرجع مليح بالتوفيق
​
 
آخر تعديل:
توقيع ♫الباحثة عن الحظ♫
وعليكم السلام
راهي دنيا اختي يوم ليك ويوم عليك
المهم تربحي صحتك وراحتك وفي الاخير تنجحي وتتهناي ربي يوفقك ان شاءا لله

​
 
توقيع السلطانة
هههههههه و الله ضحكت من قلبي انا قريت العنوان قلت هادي واش راح ندير باش نجاوب عليها قلت راهي الدنيا خلات
و الله عندي صديق أعاد البكالوريا أربعة مرات و هو الحين يحضر رسالة الدكتوراه في علم الإجتماع .تخيلي لو استسلم كيف يكون حاله

بل ها راني معاك كون نسكاني كشوف النقاط انتاعي من المتوسط حتى الجامعة و الله تحاوزوني من المنتدى بكل فخر و شرف عمك ابو مازن معاود السنة تاسعة أساسي هههههه واحد ما كان يعاودها غير انا من صغري موهوب هههههه و زيد عاودت الباك مرة و لما رحت جامعة عنابة نروح بالسبت نرجع بالحد و الله ما نكذب عليك كان عندي شيخ يقريني آليات يوم الأربعاء الى يومنا هذا ما نعرفوش هههههه
و الحمد لله راني خدام و مسؤول على أجانب من كل الجنسيات كون تبعت التعاسة راني نبيع فالكاوكاو في دزاير لازم تكون عندك ثقة بالنفس و التعثر لا يعني الفشل بالعكس هذا ما يجعلك تثابرين أكثر فأكثر للنجاح .
الله غالب راني خارج على دزاير كون جيت فالدار نبعتلك كشوف النقاط انتاعي تجوزي بهم الوقت ههههههه و الله تقولي الحمد لله مانيش كما هذا هههههه .
بالتوفيق كوني واثقة بالله و بنفسك
 
آخر تعديل:
فكرتيني في حالتي كي كنت قراية زعماكي ندي 15 نبكي و ودرت لروحي خوف من لقراية لازم معدلي مايهبطش من 16 وكذا
ومبعد راح كلش الخوف استحوذ عليا عدت كل امتحان نتوثر بزاف
ومانكتب والو في الورقة وخلصت بيا مال في البآك جبت معدل ولا مرة كنت نظن نجيبو
من هاذيالتجربة تعلمت انو ملازمش نمدو لحاجة فوق قيمتها
حتى لقراية ماخدمتيش عوضيها مي ماتتوثري ماتستسلمي
اديها بمزحة ماخدمتش نعوضها وراكي ماستر لغاشي او راترباج ونورمال
​
 
ما تقلقيش روحك و ما تتوسوسيش
لانك طول عمرك متفوقة ، ما هذه الا فترة و ستمر
فقط تحلي بالايمان و الصبر
انا تاني حاسة ملي طلعت لليسي بلي كاين تراجع و بديت نخاف
ملي كانت احلامي ورا الباك كبيرة بديت ننقص فيها
ما تقلقيش روحك اخدمي بالشي اللي تقدري عليه
و ربي يوفقك
 
رد: تراجع مستواي الدراسي سبب تعاستي

ohooooooooo 3lik
يجي نهار تعرفي بلي ما القراية هي كلش
الوغ انا جبت البااك في 2013 درت تخصص طب صراتلي ظروف وين حبست القراية وزعفت وبكيت وقلت راح نضيع عام بعد ما رجعت زادت يما توفات الله يرحمها هنا عرفت التعاسة
عمرك ولا تقولي قرايتي سبب تعاستي
يا ختي كان شي صوالح والله العظيم ما يستاهلو تزعفي عليهم ولا تبكي
مع الوقت تعرفي مليح
وليو م راني رجعت لقرايتي والحمد لله ان شاء اله ربي يوفقك
​
 
رد: تراجع مستواي الدراسي سبب تعاستي

ربي يفرج اختي
مام انا عندي نفس المشكل و تراجعت كثيرا
 
العودة
Top Bottom