البطبوط المعمر امممممم

[قوقا]

السلام عليكم حبيبات
اليوم جبتلكم وصفة تهبل ساهلة وتطلبش بزاف صوالح ههههه
في الاول عندنا العجينة
4 كيسان كبار فرينة
كاس شاي زيت
2ملاعق لحظة بودرة
ملعقة ملح +ملعقة خميرة محلولة في الماء
كيس خميرة كيميائية
ماء دافئ حسب الحاجة
نخلط الكل في الخلاط مع العجن مدة 10د ونتركه يختمر نصف ساعة
نحلو بالحلال بدون اضافة الفرينة ونقطعة دوائر ونتركه يختمر نصف ساعة اخرى وبعدين نطيبو في الطاجين

وثانيا عندنا الحشوة
صدر دجاج مطبوخ مع البهارات الكمون والفلفل الاسود والملح وبعد ما ينطبخ نقطعو شرائح
ونضيف عليه البصل الاخضر او الكراث ونقليه مع بعض
البطاطا المقلية
الطماطم مقطعة شرائح
الفرماج انا اخترت الكومنبار لحدة طعمو اممممممم :p
المايوناز انا حضرتو في البيت
وصوص باربيكيو






























وشهية طيبة نتمنى تجربو :$
تقبلو تحياتي :regards01:

 

[~خفة روح~]

جوعي فية ب_ب
افليكسيلي حقي

 

[ام سراج الدين وملك]

باين بنين وكيما قلتي ساهل ومافيهش بزاف صوالح
نجربو ان شاء الله
بارك الله فيك

 

[السلطانة]

وعليكم السلام جاك يهبل تاكلوه بالصحة والهناء
انا طيبتو البارح بصح مالحقنيش الوقت باه نصورو
تسلم الايادي اختي

 

[prncess fifi]

يعطيك الصحة راهو يشهي اممممم
مي انا نعرف البطوط يتقلى ؟ وانتي طيبتيه في الطاجين, حاجة مليحة بزاااف نقصان زيت هههههه
رايحة نجربو ان شاء الله ,,
بصحتكم حنونة​

 

[قوقا]

ايه الاخت فيفي انا نديرو فالطاجين ويجيني خفيف بزاف مشطورين على المروﻻ

 

[*amina*]

اختي قوقا المرة لي فاتت درتو راجلي مكانش هنا
والبارح شافني نشوف في موضوعك قلي واشنو هدا قتلو راك تشوف قلي هدا مليح ديرهلنا قتلو درتو قلي علاش مديريش كي كنت هنا
ملا قتلو ليوم ان شاتء الله نديرولك
فكرة الطاجين مليح تنقص الزيت

 

[بنت الـ25]

وصفة باهية يعطيك الصحة
ان شاء الله نجربها ساهلة
​

 

[قوقا]

مشكورين حبيباتي امون نتمنى تجربيها وتعجبك سلامي

 

[♫الباحثة عن الحظ♫]

باهي يهبل

باين ساهل وبنين

روعة نجبو ونقولك
​

 

[قوقا]

باهي يهبل

باين ساهل وبنين

روعة نجبو ونقولك
​

انشاء الله
جربيه وراني نستنا تطبيقك هههه المهم اعلميني

 

[أمّ عبد الله]

جزاك الله خيرًا
نحاول نجربو في أقرب فرصة إن شاء الله​

 

[samah06]

رد: البطبوط المعمر امممممم

بارك الله فيك قوقا

 

[rose09000]

رد: البطبوط المعمر امممممم

أممممم يبانو:up:يعطيك الصحة

 

[قوقا]

رد: البطبوط المعمر امممممم

بارك الله فيك قوقا

وفيكي بركة سموحة

 

[قوقا]

رد: البطبوط المعمر امممممم

أممممم يبانو:up:يعطيك الصحة

مشكورة عال المرور نورتي