رد: كلآم يقيس لقلوب بلآ حسآب ~ شـآركونآ
السلام عليكم شكرا على الموضوع
انا نقولك الصح بزاف حساسة لدرجة متتصوريهاش وتغيضني عمري بزاف كيما يقولك بودميعة وهادي ماشي حاجة مليحة قدام ناس تتعمد تجرحك ، واحد الوقت كنت ندير اعتبار للي يسوى ولي مايسواش بصح ضرك صراحة وليت نطبق مقولة الكلام من عند الغالي يسهر الليالي والكلام من عند الرخيس مايقيس .
كاين بعض الاشخاص لي تغيضك بزاف كي تجي منهم وخاصة اذا كانو يعرفوك حق المعرفة كيفاش مصنوعة ، كاين لي جرحوني بالكلام في امور مايصح باش انسان يعايرك فيها بصح نورمال اذا جاءك الذم من ناقص شهادة لك بانك كامل واحنا الحمد لله نعرفو ربي وشادين فيه والحمد لله لي جات الرحمة بيدو ماشي بيد العباد صينو كون راهي امة محمد كامل محرومة.
بالنسبة لصحباتي الحمد لله لدينا الاحترام المتبادل ، وكل واحدة فينا تتقبل عيوب صحبتها لانو الكمال لله .
وفي الاخير هادي هي الدنيا بالاك سوء تفاهم يخلي المحبة تنقطع ، وماشي دايما نفهمو الناس على حساب واش حبت تقصد ، على هاديك الانسان لازم يتعلم حسن الظن في الامور كلها هكذا مايجرح ماينجرح ، وثقافة تقبل عيوب الاخر القليل لي يتقنها .
