كلآم يقيس لقلوب بلآ حسآب ~ شـآركونآ

[الباندي]

رد: كلآم يقيس لقلوب بلآ حسآب ~ شـآركونآ

اللي دار فيا الشر مانتمنالوش الشر مي نتمنى يطيح فيعباد يديرو فيه كيما دتر فيا باش يحس بواش كنت نحس ​

لا لا في الحقيقة راكي تمنيتيلوا غي الخير....متتمنايلوش الشر بصح تتمنايله يطيح في عباد يدرو فيه الشر ...والله ماقصرتي يا البرنسيسية:d:d:d:d ...

 

[بنت الصحراء08]

رد: كلآم يقيس لقلوب بلآ حسآب ~ شـآركونآ

حقيقة اختي ماكاين حتى واحد يقدر يهدر قدامي بهدرة تقيسني
بصح الحاجة اللي غاضتني بزاف الحسد اللي تابعني انا انسانة نحب نعيش حياتي بلا منندم على حتى حاجة بصح كاين ناس يحبو يطيحولك المورال بسيف
انا نقولهم راني عايشة والحمد لله بغيتو ولا كرهتو

 

[NASRO DZ]

رد: كلآم يقيس لقلوب بلآ حسآب ~ شـآركونآ

صرحتا مافهمت والو تعبوني الناس بززززززاف
كي البنات كي الدراري لي تقول هذا مليح تلقاه اسمط من الاول

تعيش وحدك يقلولك مجنون تهدر معهم يقلولك محتاج واحد يحكي معاه
مافهمت والو حقيقة مااحكي

ايا انا نقولو نريح وحدي
ولي جاء ولا لي جات تهدر معيا وحطتني في بالها
انا نحطها على راسي
​

 

[NASRO DZ]

رد: كلآم يقيس لقلوب بلآ حسآب ~ شـآركونآ

عباد تبدا تشوف فيك
مانيش عارف يسلوني عشاء ولا كاش مالحقت لبناتهم

شعب ماتفهم والو
يخليك تعيش كاانك مع قوم قريش وابو لهب
وانتا راك في2015
انا نضن مانفهمش خير
اوكان نحول نفهم عمبلي نهبل والله

​

 

[Pyar]

رد: كلآم يقيس لقلوب بلآ حسآب ~ شـآركونآ

تروح #اليوم

ننســآاك #غدوآ

مآشي نتآ تعيش حيآتك وأنآا #تحشيهــآالي

​

 

[ضآحكة مستبشرة]

رد: كلآم يقيس لقلوب بلآ حسآب ~ شـآركونآ

ﻋﻠﻴﻚ ﺍﻥ ﺗﻔﻬﻢ ﺟﻴﺪﺍ ،ﺍﻧﻚ ﻭﺣﺪﻙ ..
ﻣﻦ ﻳﺘﺤﻤﻞ ﺿﺮﺭ ﺑﺆﺳﻚ ، ﻭ ﻣﺒﺎﻟﻐﺘﻚ ﻓﻲ ﺣﺰﻧﻚ ،
ﻑ ﺭﻓﻘﺎ ﺏ ﻧﻔﺴﻚ !..​

 

[NASRO DZ]

رد: كلآم يقيس لقلوب بلآ حسآب ~ شـآركونآ

قسوني بزززاف وانا ديما نروح ليهم ارواحو ليا ارواحو والو
لا حياة لمن تنادي
عباد تمشي غير بالمعريفة اوكان جاء لواحد دركي ولا شرطي يجو وطبطو عليك تاني
والله عيت منهم
​

 

[Perle Blanche]

رد: كلآم يقيس لقلوب بلآ حسآب ~ شـآركونآ

الله غالب هاذي طبيعة فيااا مقدرتش نقيسك على خاطر عزيزة عليااا
حابة غير دور عليك الايااــــم و تجي وحدة تقيسك كيما قستيني
انا موالفــــة الا جات في حقي الله يسمح
​

 

[ضآحكة مستبشرة]

رد: كلآم يقيس لقلوب بلآ حسآب ~ شـآركونآ

#‏تشرب_الخمر_في الشــارع ....... [ #‏________________نورمال ]
.
#‏تشرب_لبن_في الشـــــارع ....... [ #‏يضحكو____________عليك ]
.
#‏تحرش_ببنت_في الشـارع ......... [ #‏______________نورمال__ ]
.
#‏تدافع_عن_بنت_في الشارع ...... [ واش دخلك #‏تعرفها ؟/ #‏حلاب ]
.
#‏تسب_بالدين_في الشارع ........ [ #_______________ نورمال_ ]
.
#‏تقرا_قران_في الشـــــارع ......... [ لاعبها علينا #‏_________شيخ ]
.
. #‏تحلق_شعرك_كيما الكفار........ [نورمال #‏____________وموضه ]
.
حتى كاين لي #‏يضحك_و #‏يتكبر_على هاد #‏الستاتي_مجتمعنا و #‏_أسفاه..​

 

[ضآحكة مستبشرة]

رد: كلآم يقيس لقلوب بلآ حسآب ~ شـآركونآ

 

[آلاء هبة]

رد: كلآم يقيس لقلوب بلآ حسآب ~ شـآركونآ

سلام موضوع هايل على الاقل الواحد يلقى شويا متنفس
بصح اسمحيلي قريت شويا منو والله ماقدرت نكمل
ديجا راني وليت نبكي خلي بلاك نهار آخر ونرجع راه الواحد قلبو معمر
فعلا الكلمة اذا خرجت خلاص

 

[*مواطن بسيط*]

رد: كلآم يقيس لقلوب بلآ حسآب ~ شـآركونآ

قد متكون نيتك صافية مش راح تسلم من ظنونهم السيئة​

 

[ضآحكة مستبشرة]

رد: كلآم يقيس لقلوب بلآ حسآب ~ شـآركونآ

يا رب وفقهم في شهادة البكالوريآ​

 

["Màrià"]

رد: كلآم يقيس لقلوب بلآ حسآب ~ شـآركونآ

ما يحس بالجمرة غير لي كواتو​

 

[karimasgr]

رد: كلآم يقيس لقلوب بلآ حسآب ~ شـآركونآ

ديما مول النية لي تنحشالو فالصحبةوتجيه الغدرة من الناس لي جامي توقعها تجي من عندهم بزاف ناس قاسوني فالهدرة وفاليجاست ربي وكيلهم

 

[{مُدَلَّلَتُهُ}]

رد: كلآم يقيس لقلوب بلآ حسآب ~ شـآركونآ

كنت نمشي بنيتي و دايرة الناس كامل كيفي جاتني الضربة من أقرب الناس هاكا و مازال ما فتهم و مازلت عاطيتهم الأعذآر

ربي يعطي لكل واحد على حسآب قلبه

حسبي الله الذي لا إله إلا هو عليه توكلت و هو رب العرش العظيم
​

 

[ضآحكة مستبشرة]

رد: كلآم يقيس لقلوب بلآ حسآب ~ شـآركونآ

ربي وكيل كل واحد قاسني في حياتي​

 

[Oussama.GF]

رد: كلآم يقيس لقلوب بلآ حسآب ~ شـآركونآ

ياربفرج على كل ماعندوا همهم

 

[آلاء هبة]

رد: كلآم يقيس لقلوب بلآ حسآب ~ شـآركونآ

تعرف وقتاش الناس تولي تحبك :
- كي يشوفوك ملفوف في الكفن '
و مدينك للمقبرة ورح يحطوك فيالقبر '
- في هداك النهار اللي كان زعفان منك رح يندم
- الصاحب اللي حبيتو و حبك يبكي عليك لدم
-اهلك يعرفو قيمتك و مكانتك '
-خاوتك رح يتوحشوك '
-صوتكضحكتك كلشي راح يروح
-اليوم راح تكون جسد بلاروح
راح يتمناو ترجع باش يطلبو منك السماح و يصلحوا الشيء لي كسروه
كل واحد فيهم يتفكر حاجة صرات معاك يتفكر دمعتك كلمة جرحك بيها
راح يحسو بالزعاف والندامة اللي نتا حسيت

 

[همس الوُرود]

رد: كلآم يقيس لقلوب بلآ حسآب ~ شـآركونآ

السلآم عليكم~

فالدنيآ هآدي شكون الي ميتجرحش ~

بالنسبة ليآ جرحوني بالكلآم وبالأفعآل~

كآين الي يجرحوني خفية لدوك مزآل معرفتش شكون هومآ

وكآين الي يجرحوني جهرآ وهآذوك ليهم ألف تحية ووالله نحبهم لأنهم يجرحوا على الأقل فالوجه ههه

وكآين الي يديروا فعآيل ربي يهديهم على كل حآل

المهم مسآمحين كآمل ونتمنى يسآمحوني إذآ كنت جرحتهم ربمآ أنآ جرحتهم بلآمآ علآبآلي بقآت حرقة فالقلوب حبوا يكويوني بيهآ ~

وأكثر النآس جرح ليآ هومآ الي جرحوا أقرب النآس ليآ ~

وفي رعآية الله​