كلمات نقولوهم بالعامية او دارجة لها معنى ينكره الاسلام ملا أجنبوها ............ْ

[~خفة روح~]

اووووووووووووووبلاح جيت كي العادة بموضوع وهذي الخطرة مهم جدااااااااااا:-o




تعودنا في لغة العامية نقولو وحد الكلمات مناش عارفين معناهم منطولش عليكم نشوفو أمثلة ​

الناموس:
هي حشرة معروفة هههههههههه تقرص

​

وش معناها ناموس
في الاسلام ناموس اسم من اسماء جبريل عليه السلام ملا مشي مليح نقولو كمثال يا الناموسة ونجنبو هذي الكلمة

نكسر الصيام:​

​

هل تعرفون ما معنى نكسر الصيام بالدارجة أفطر
بصح في الاسلام واللغة العربية احطم الصيام يعني رح نكسر نهاري ومنضنش كاين فيكم لي حاب يكسر صيامو ​

نضربك تخرج من رحمة ربي او رحمة ربي نزلت :​

هي من كلمات الاكثر خطورة وكأن رحكمة ربي نزلت ليوم برك لوكان مشي رحمة ربي مناش عايشين كيفاش تقولي نزلت رحمة ربي ولا ضربت كش واحد تقدر تخرجو من رحمة ربي​

شاف لية ربي:

غير من ليوم شاف ليك ربي لوكان هكاكاصلا متنزادش وحتى ربي متخفى عليه لا كبيرة ولا صغيرة​

​

كانت هذي بعض الامثلة الشائعة اجنبوها قد ما قدرتو يخي تعرفوني شكون شااااااااااااااااااااااو:bravo01:​

 

[السلطانة]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

وعليكم السلام موضوع في الصميم سلمى يعطيك الصحة

رانا نهدرو مرات كلمات والفناهم ومعناهم راه كبير وممكن نديو عليهم اثم وحنا لاخبر

موضوعك توعوي قيّم

وتاني كاين لي يقول مرات على وجه ربي ديرلي ديك الحاجة

من المفروض منقولوش على وجه ربي ،بجاه النبي..

حاشا لله



ان شاء الله ربي يهدينا ويثبت العقل

ونصلحو من الاخطاء تاعنا

احلى تقييم + 5 نجوم
:regards02:

 

[YARA 26]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

شكرا اختي ع المعلومات
بارك الله فيكي ​

 

[~خفة روح~]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

شكرا يا أغلى مشرفة
شكرا على مرورك العطر​

 

[~خفة روح~]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

شكرا اختي ع المعلومات
بارك الله فيكي ​

العفو
شكرا انت ايضا​

 

[بنت الـ25]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

صحيتي سلمى
ان شاء الله يكون موضوعك مرجع لكل الكلمات اللي نهدروها واحنا غافلين عن معناها
كاين لي يقولك: ربي يمد اللحم اللي ما عندوش سنان
كي شغل ربي يمد النعمة للي ما يستحقهاش
لكن الله تعالى أدرى وهو قسم الأرزاق على الناس وعندو حكمة في ذلك
ما لازمش نعترضو عليها

كاين تاني لي يقولك: نعول عليك
والأصح : نعول على ربي ممبعد عليك

خاطر الاتكال جامي يكون على العبد ، ربي هو اللي يسير فالأمور

الهدرة تع والله والو، زعما معناها مكاين والو ، ما درت والو
لكن والله والو راهي كلمة كبيرة ،ن الله هو كلشي وليس لا شيء

استغفر الله العظيم

واخيرا كاين لي يقولك : تهدر فوق الحق، تاكل فوق الحق
الحق هو ربي (اسم من أسماء الله الحسنى) ومكانش حاجة فوق ربي (فوق الحق)
والأصح: فوق اللازم، فوق القانون

هوما صحيح هاد الهدرات كيما نقولو façon de parler
مي يلزم علينا نحيوها خاطر ( نحسبه هينا وهو عند الله عظيم)

شكرا لك
​

 

[~خفة روح~]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

عندك الحق بزاااااااااااااف كلمات وانا ديت امثلة برك​

 

[♫الباحثة عن الحظ♫]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

سلام عليكم
موضوع جميل جدا سلمى
والله اشياء رائعة لازم نعرفوها
بارك الله فيك
​

 

[SOFIANE020]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

شكرا اختي على المعلومات​

 

[~خفة روح~]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

 

[faith8]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

جوزيتِ خيرا اختاه
مشكوورة​

 

[ضآحكة مستبشرة]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

و الله غير الانسان يحير في روحوا كيفاش يقول كلام كيما هذآ
لكن النية هي الصح
احنا كي نقولوا حاجة اكيد باش تكون متبوعة بالنية
و نيتنا متكونش باش نسيئوا للاسلام
شكرا سلمى على التنبيه​

 

[red rose]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

الله يلطف ديما نقولهم هه
شكرااااا

 

[سفيان اسلام]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

شكرا لكي اختي سلمى
معلومة في مكانها

 

[tadjadit mohamed]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

بارك الله فيك

 

[ثَسْكُورْثْ نَثْدُوكْلِي]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

سلام عليكم سلووومة روووعة صح عندك الحق
للاسف كاين كلمات والفنا نقولوها مي للاسف في الحقيقة ينكرها الاسلام

ربي يهدينا للخير

شكراا
تحياتي

 

[knadja]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

شكرا راكي فتينا بزاف

 

[آمال النجاح]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

و عليكم السلام و رحمة الله تعالى و بركاته

موضوع قيم و طرح مميز

بارك الله فيك و جزيت خير الجزاء يا رب

ربي ينورك غاليتي سلمى

أستغفر الله العظيم و أتوب اليه​

 

[~خفة روح~]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

 

[AmiR@RoRo]

رد: كلمات نقولوهم بالعامية او دارجة لها معنى ينكره الاسلام ملا أجنبوها ............ْ

تع صح اختي نقولوهم بلا ما عارفين معناهم
بصح حنا ديجا ورثناهم على لي قبلنا
ان شا الله نقدرو نغيرو من هدرتنا
وربي يغفرلنا
مشكورة اختي​